Zekariya 1:8 - Fulfulde Bible

⁸ Haŋki ngi'mi kayɗiniiɗum: Goɗɗo ba'iiɗo puccu mboɗeewu ɗon dari caka leɗɗe asuraaje nder luggere. Ɓaawo maako woodi pucci boɗeeji e puri e daneeji.

Fulfulde DC Bible

⁸ Haŋki ngi'mi kayɗiniiɗum: Goɗɗo ba'iiɗo puccu mboɗeewu ɗon dari caka leɗɗe asuraaje nder luggere. Ɓaawo maako woodi pucci boɗeeji e puri e daneeji.

Zekariya 1:8 Iomraidhean Croise

Laataanooji 20:3

Allah wari haa Abimelek jemma nder koyɗol, wi'i mo: “A maayan ngam daliila debbo mo koo'uɗa, ngam o te'aaɗo.”

Laataanooji 46:2

Allah wolwani Isra'iila bee wahayu jemma, wi'i mo: “Yaakubu! Yaakubu!” O jaabi: “Na'am, mi ɗon heɗito ma.”

1 Laamiiɓe 3:5

Jawmiraawo waŋgani Suleymaanu haa Gibiyon jemma nder koyɗol. Allah wi'i mo: “Tora ko ngiɗɗa fuu, mi hokkete.”

Nehemiya 8:15

Nde ɓe nani ɗum, ɓe ngooyni nder Urusaliima e gure maɓɓe fuu: “Njehe kooseeje, ngadde lice diga jaytunje gese e jaytunje ladde e asuraaje e dibinooje e leɗɗe cukkuɗe, mbaare bukkaaji, bana ko winnda.”

Ayuba 4:13

Ɗum gi'aaɗum, ɗum hulni yam jemma, saa'i yimɓe ɗon nder ɗoyŋgol tedduŋgol.

Yimre Suleymaanu 2:16

Giɗaaɗo am min jeyi, min boo mo maako, o ɗon dura tokkere maako nder gurguli ladde.

Yimre Suleymaanu 6:2

Ndaa, giɗaaɗo am diirti haa jarne mum, o yehi haa jarne pinndi belɗi uurooji. O dilli jarne ngam durugo tokkere maako e ngam teɓugo gurguli boo.

Esaaya 41:19

Nder harde njo'inanmi leɗɗe cemmbiɗɗe e leɗɗe gaware e asuraaje e jaytunje. Nder ladde njubotoomi leɗɗe booɗɗe e irin leɗɗe booɗɗe mawɗe e pamare

Esaaya 55:13

Leɗɗe booɗɗe mawnan haa nokkuure gi'e, haa pellel giŋngille boo irin asuraaje. Ɗum laatanto yam daraja e alaama nduumiika, ɗum ittataake sam.”

Esaaya 57:15

Allah Ɓaŋiiɗo, mawɗo, tabitɗo haa foroy, mo innde muuɗum Ceniiɗo ɗon wi'a: Mi ɗon jooɗi haa nokkuure seniinde townde, ammaa mi ɗon jooɗi kommbi ta'a-ɓerndeejo e jaŋkiniiɗo boo ngam semmbiɗingo ta'a-ɓerndeejo e yeeɗitingo jaŋkiniiɗo.

Daniyel 2:19

Nden Allah waŋginani Daniyel sirri man bee jemma nder wahayu. Ngam maajum Daniyel maŋgti Allah mo asama,

Daniyel 7:13

Jemma man ndaa boo ko ngi'mi nder wahayuuji am: Goɗɗo bana ɓii neɗɗo wardi bee duule. O yehi haa geeto diga ɓooyma go, woɗɓe njahri mo yeeso maako.

Daniyel 7:2

O wi'i: Nder wahayu am jemmaare man mi yi'i keni nayi ummi diga asama, laanyi mbeela maŋnga.

Zekariya 1:10

Ba'iiɗo puccu caka asuraaje go wi'i: “Wa'iiɓe ɗi ngoni ɓe Jawmiraawo neli ngam ɓe taaroya duniyaaru.”

Zekariya 1:11

Ɓe mbolwani malaa'ikaajo ba'iiɗo puccu caka asuraaje go: “Min taaroyi duniyaaru fuu, ndu ɗon de'i siriw.”

Zekariya 1:7

Nyalaade noogas e nayaɓre nder lewru sappo e go'ooru, waato lewru Sebat, nder nduuɓu Dariyus ɗiɗaɓu dow laamu, Jawmiraawo wolwani annabi Zekariya ɓii Berekiya, taaniraawo Iddo bana ni'i:

Zekariya 13:7

Jawmiraawo honooɓe asama wi'i: “An kaafahi, ummana gaynaako am, mo mi waɗi ɗum kuuwdiɗɗiraawo am! Mbar gaynaako, nden baali caŋkititto koo toy fuu. Mi waylitan juŋngo am, mi fiya pamari.”

Limle 12:6

Jawmiraawo wi'i: “Nane ko mi wi'ata! To woodi annabiijo am caka mooɗon, nden kam mi waŋgiranan mo bee wahayuuji, mi wolwiranan mo bee koyɗi.

Yosuwa 5:13

Saa'i Yosuwa ɗon baŋnge Yeriko, o ɓaŋgti gite, o yi'i gorko feere ɗon dari yeeso maako, ɗon jogi kaafahi losaaki haa juŋngo mum. Yosuwa yehi haa maako, ƴami mo: “An a mo amin na? Malla a gooto nder konne'en amin?”

Wahayu Yuhanna 2:1

“Winndan malaa'ikaajo jama'aare nuɗɗinɓe haa Efesus ni'i: Ndaa koŋngol iwŋgol haa jogiiɗo koode joweeɗiɗi haa juŋngo muuɗum nyaamo, mo ɗon yaha caka jo'inirɗe pittirlaaji joweeɗiɗi ɗe kaŋŋeeri:

Wahayu Yuhanna 6:2

Mi yi'i puccu ndaneewu. Ba'iiɗo ngu ɗon jogi lagaawal, ɓe ndokki mo woronnde. O dilli, o jaaliiɗo haa o jaalo fahin.

Wahayu Yuhanna 6:4

Puccu feere wurti, ngu mboɗeewu. Ɓe ndokki ba'iiɗo ngu kaafahi makki, ɓe ndokki mo baawɗe waddango duniyaaru konu, haa yimɓe mbarmbartira.