Zekariya 1:4 - Fulfulde Bible

⁴ Taa laate bana kaakiraaɓe mon. Annabi'en ɓooyma ngooynani ɓe: Ndaa nii Jawmiraawo honooɓe asama wi'i: Lorte e laabi mooɗon kalluɗi, tuube, acce kuuɗe mooɗon kalluɗe! Ammaa ɓe nanaay, ɓe kakkilanaay wolde am.

Fulfulde DC Bible

⁴ Taa laate bana kaakiraaɓe mon. Annabi'en ɓooyma ngooynani ɓe: Ndaa nii Jawmiraawo honooɓe asama wi'i: Lorte e laabi mooɗon kalluɗi, tuube, acce kuuɗe mooɗon kalluɗe! Ammaa ɓe nanaay, ɓe kakkilanaay wolde am.

Zekariya 1:4 Iomraidhean Croise

2 Habaruuji Nyalaaɗe 30:6

Yaawɗotooɓe njehi nder lesdi Isra'iila e Yahuuda fuu, bee bataakeeji laamiiɗo e mawɓe mum. Ɓe ngooyni umroore laamiiɗo, ɓe mbi'i: “Onon yimɓe Isra'iila, lorte haa Jawmiraawo Allah Ibrahiima e Isiyaaku e Isra'iila, haa o lortano on, onon luttuɓe, daɗɓe juuɗe laamiiɓe Assuura.

2 Habaruuji Nyalaaɗe 30:7

Taa laate bana baabiraaɓe mon e banndiraaɓe mon yewɓe umroore Jawmiraawo Allah kaakiraaɓe muuɗum'en. Kamɓe, Jawmiraawo acci ɓe ɓe kalka, bana ko ngi'oton.

2 Habaruuji Nyalaaɗe 34:21

“Njehe, ƴame Jawmiraawo ngam am e ngam luttuɓe nder Isra'iila e Yahuuda fuu dow bolle binndaaɗe nder deftere heɓtaande nde'e. Ngam kaakiraaɓe meeɗen kakkilanaay wolde Jawmiraawo haa ɓe mbaɗa fodde ko winnda nder deftere nde'e dow meeɗen fuu. Ngam maajum, Jawmiraawo ukkani en tikkere maako saatunde.”

Esira 9:7

Diga saa'i kaakiraaɓe amin haa wargo hannde min aybuɓe masin. Ngam daliila zunuubaaji amin a hokki min haa juuɗe laamiiɓe jananɓe, minin e laamiiɓe amin e liman'en amin, ngam haa ɓe mbara min, ɓe ndaha min, ɓe njaɓta min, ɓe leestina min bana ko laati hannde.

Nehemiya 9:16

Ammaa kaakiraaɓe amin mawniti, caatini ko'e muuɗum'en, ɗowtanaaki umrooje ma.

Nehemiya 9:26

Ammaa ɓe ndartani ma, ɓe tuurtani ma, ɓe ngudini tawreeta ma haa ɓaawo maɓɓe. Ɓe mbari annabi'en reentinɓe ɓe ngam lortingo ɓe haa maaɗa, ɓe mbolwi bolle kalluɗe masin dow maaɗa.

Nehemiya 9:30

A munyani ɓe duuɓi ɗuuɗɗi. A reentini ɓe bee Ruuhu ma bee kunnduɗe annabi'en ma, ammaa ɓe cali nanugo. Ngam maajum a acci ɓe les baawɗe ummaatooje jananne.

Jabuura 78:8

Taa ɓe laato bana kaakiraaɓe maɓɓe yidere tuurtooɓe, luutooɓe Allah. Kamɓe, ɓerɗe maɓɓe tabitaay, ngam ɓe tokkaaki Allah bee gooŋga.

Esaaya 31:6

Jawmiraawo wi'i: “Onon yimɓe Isra'iila, on ndokkiti yam ɓaawo, ammaa lorte haa am!

Yeremiya 18:11

Jonta kadi, yeccu yimɓe Yahuuda e jooɗiiɓe haa Urusaliima: Ndaa nii Jawmiraawo wi'i: Mi ɗon taaskano on sarru, mi ɗon nufano on huunde hallunde. Lorte diga laabi mon kalluɗi, mbo'itine laabi mon e kuuɗe mon!

Yeremiya 23:22

To ɓe ndawridino bee am, nden kam ɓe ngeccanno yimɓe am ko mbi'mi, ɓe lornanno ɓe diga laabi maɓɓe kalluɗi e kuuɗe maɓɓe kalluɗe.

Yeremiya 25:8

Ndaa nii Jawmiraawo honooɓe asama wi'i: “On cali nanugo bolle am.

Yeremiya 26:5

kakkilane bolle sukaaɓe am annabi'en ɓe tokkiimi nelugo haa mooɗon. Ammaa on nanaay.

Yeremiya 3:12

Yah, wooynu bolle ɗe'e gal woyla: Jawmiraawo wi'i: An Isra'iila gudinɗo nuɗɗinki, lorta! Mi acci laarugo on bee tikkere, ngam mi koolniiɗo, mi tikkataa haa foroy.” Non Jawmiraawo wi'i.

Yeremiya 3:14

“Lorte, onon ɓiɓɓe tuurtuɓe, ngam min woni Jawmu mooɗon.” Non Jawmiraawo wi'i. “Mi hoo'an on, gooto haa wuro, ɗiɗo boo haa banndiraaɓe, mi wartiran on haa Siyona.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 4:1

Jawmiraawo wi'i: “Onon yimɓe Isra'iila, to on ngiɗi lortaago, nden kam lorte haa am. To on itti kuuje mon nyidduɗe yeeso am, to on acci yiilaago,

Yeremiya 44:16

“Min nanataa ko mbi'ɗa min bee innde Jawmiraawo.

Ezekiyel 14:6

Ngam maajum, yeccu yimɓe Isra'iila: Ndaa nii Allah Jawmiraawo wi'i: Lorte, acce labbi mon! Ngaylite, acce kuuɗe mon nyidduɗe fuu!

Ezekiyel 20:18

Mi yecci ɓiɓɓe maɓɓe nder ladde: Taa tokke umrooje baabiraaɓe mon, taa tokke al'aada maɓɓe, taa coɓne ko'e mon bee labbi maɓɓe.

Ezekiyel 33:11

Yeccu ɓe: Fakat bana min Allah Jawmiraawo mi geeto, mi seyortaako maayde kalluɗo. Mi yiɗi o acca yahdu maako hallundu, o yeeɗa. Onon Isra'iila'en, acce laabi mon kalluɗi! Koni ngiɗɗon maayugo?

Ezekiyel 33:4

ammaa nanɗo hoolo luwal hakkilanaay ngo, konne'en boo ngari, mbari mo, nden kam aybe ƴiiƴam maako ɗon dow hoore maako.

Daniyel 9:6

Min nananaay jaggiiɓe ma annabi'en, wolwanɓe laamiiɓe amin e mawɓe amin e kaakiraaɓe amin e ummaatoore lesdi amin fuu bee innde ma.

Hose'a 14:1

Doole Samariya roondo kiita aybe mum, ngam berniwol ngo'ol tuurtani Allah maagol. Yimɓe maagol ndo'oto bee kaafahi, konne'en naman ɓikkoy maagol, ceekan reedu'en maagol.

Amos 5:24

Ko ngiɗmi kam, haa kiita ngooŋɗuka ɓula bana ndiyam, gooŋgaaku boo bana maayel ngel jinnataa.

Mika 2:6

Yimɓe ɗon mbaɗa haraka, ɗon mbi'ammi: “Accu wolwugo ɗuuɗɗum bana nii! Taa goɗɗo wi'a toskaare nde'e heɓan en fahin!”

Zekariya 1:3

Wi' ɓe, ndaa ko Jawmiraawo honooɓe asama wi'i: Lorte haa am, nden min boo mi lortoto haa mooɗon.

Zekariya 7:7

Bolle ɗe'e Jawmiraawo wi'no bee kunnduɗe annabi'en ɓooyma boo. Saa'i maajum yimɓe ɗonno njooɗi haa Urusaliima, ɗonno koolɗini, non boo haa gure maagol taariiɗe ngol e Lesdi Fombina e towndiije hiirnaaŋge fuu.

Kuuɗe Nelaaɓe 26:20

Mi aarti waazaago haa Damas, ɓaawoɗon haa Urusaliima e haa lesdi Yahudiya fuu e haa yimɓe ummaatooje goɗɗe boo. Mi waazi ɓe ɓe tuuba, ɓe nuɗɗina Allah, ɓe kuuwa kuuɗe kollanɗe tuubu maɓɓe.

Kuuɗe Nelaaɓe 3:19

Tuube! Ngartane Allah, ngam haa o yaafano on hakkeeji mon fuu,

1 Piyer 1:18

On coottaama diga yahdu hallundu ndu on ndoni haa kaakiraaɓe mooɗon. On anndi on coottiraaka bee kuuje ɗe saman maaje ustoto bana kaŋŋeeri malla cardi,