Yosuwa 6:2 - Fulfulde Bible

² Jawmiraawo wi'i Yosuwa: “Ndaa, mi hokki ma Yeriko e laamiiɗo maagol e honooɓe maagol semmbiɗɓe fuu.

Fulfulde DC Bible

² Jawmiraawo wi'i Yosuwa: “Ndaa, mi hokki ma Yeriko e laamiiɗo maagol e honooɓe maagol semmbiɗɓe fuu.

Yosuwa 6:2 Iomraidhean Croise

2 Samuyila 5:19

Daawuda ƴami Jawmiraawo: “Mi haɓa bee Filisti'en na? A hokkatam jaalorgal dow maɓɓe na?” Jawmiraawo jaabi mo: “Yah, fakat mi hokkete.”

Nehemiya 9:24

Ɓiɓɓe maɓɓe nasti ndi, nyaami ndi. A leesni yeeso maɓɓe Kanaani'en aartuɓe jooɗaago lesdi man. Laamiiɓe e ummaatooje lesdi man, a hokki ɗum haa juuɗe maɓɓe, ngam haa ɓe mbaɗa ɗum ko fottani ɓe.

Daniyel 2:21

Kaŋko waylititta wakkatiiji e saa'iije, kaŋko ɓornata laamiiɓe laamu, kaŋko ɓortata ɓe, kaŋko hokkata hikma haa hikma'en e anndal haa annduɓe.

Daniyel 2:44

Saa'i laamiiɓe ɓe'e, Allah mo asama darnan laamu feere ngu halkataa haa foroy. Walaa ummaatoore woɗnde hoosata laamu man. Ngu nattinan laamuuji goɗɗi fuu, ammaa kaŋgu ngu duumoto.

Daniyel 4:17

Lekki ki ngi'ɗa, ki ɓesdi darnde e semmbe, ki towi haa ki yotti asama, ki ɗon yi'e koo toy nder duniyaaru,

Daniyel 5:18

Allah Ɓaŋiiɗo hokki baaba ma Nabukodonosor laamu e maŋngu e tedduŋgal e daraja.

Tooktaaki Tawreeta 7:24

O hokkan on laamiiɓe maaje boo. On nattinan inɗe maɓɓe haa duniyaaru. Walaa koo gooto dartoto yeeso mooɗon, on nattinan ɓe fuu.

Yosuwa 12:9

Isra'iila'en njaali laamiiɓe berniiji ɗi'i: Yeriko, Ayu baŋnge Baytila,

Yosuwa 2:24

Nden ɓe mbi'i mo: “Fakat, Jawmiraawo hokki en lesdi maajum fuu haa juuɗe meeɗen. Yimɓe ton fuu ɗon kula en haa ɓerɗe maɓɓe ta'i.”

Yosuwa 2:9

O wi'i ɓe: “Mi anndi Jawmiraawo hokki on lesdi ndi. Haala mooɗon hulni min masin, ɓerɗe yimɓe lesdi ndi fuu ta'i.

Yosuwa 20:1

Jawmiraawo umri Yosuwa:

Yosuwa 6:1

Yimɓe Yeriko maɓɓi dammuɗe berniwol, ɓe pali ɗe ngam daliila Isra'iila'en. Walaa mo wurtoto berniwol, walaa mo nastata ngol boo.

Yosuwa 6:3

Nyalaade fuu honooɓe ma taaro berniwol nde woore. Tokka waɗugo bana nii nyalɗe joweego.

Yosuwa 8:1

Jawmiraawo wi'i Yosuwa: “Yahdu bee honooɓe maaɗa fuu haa Ayu, Taa hul, taa tampu boo, ngam mi hokki ma laamiiɗo Ayu e yimɓe mum e berniwol mum e lesdi mum fuu.

Alkaali'en 11:21

Jawmiraawo Allah Isra'iila'en hokki Sihon e jama'aare konu mum fuu haa Isra'iila'en, ɓe njaali ɓe. Isra'iila'en mari lesdi ndi Amoori'en njooɗino fuu,

Alkaali'en 11:24

Naa an mari lesdi koo ndiye ndi Kemos ɗowanteeɗo ma marni ma na? Bana non, minin boo min maran lesdi koo ndiye ndi Jawmiraawo Allah amin riiwi yimɓe maari yeeso amin, min nyaami ndi.