Yosuwa 6:1 - Fulfulde Bible

¹ Yimɓe Yeriko maɓɓi dammuɗe berniwol, ɓe pali ɗe ngam daliila Isra'iila'en. Walaa mo wurtoto berniwol, walaa mo nastata ngol boo.

Fulfulde DC Bible

¹ Yimɓe Yeriko maɓɓi dammuɗe berniwol, ɓe pali ɗe ngam daliila Isra'iila'en. Walaa mo wurtoto berniwol, walaa mo nastata ngol boo.

Yosuwa 6:1 Iomraidhean Croise

2 Samuyila 10:5

Worɓe ɓe'e cemti masin haa ɓe ngiɗaa hootugo. Nde Daawuda nani kubar maajum, o neli haa maɓɓe, o wi'i: “Paɓɓe haa Yeriko, haa bakkuɗe mon puɗa fahin, nden ngarton.”

2 Laamiiɓe 17:4

Ammaa laamiiɗo Assuura heɓti dabare Hose'a, ngam kaŋko o neli nelaaɓe haa Soo laamiiɗo Misra, o yoɓaay laamiiɗo Assuura jomorgol kitaale fuu. Laamiiɗo Assuura naŋngi mo, haɓɓi mo nder fursina.

2 Laamiiɓe 2:4

Fahin Eliya wi'i Elisa: “Jooɗa haa ɗo, Jawmiraawo neli yam haa Yeriko.” Ammaa Elisa wi'i mo: “Fakat bana Jawmiraawo o geeto e an boo a geeto, mi accataa ma sam!” Ɓe njahdi Yeriko.

Jabuura 127:1

Yimre Suleymaanu ngam jahaaŋgal haa Urusaliima. To naa Jawmiraawo ɗon nyiɓa suudu, nyiɓooɓe ndu torroto meere. To naa Jawmiraawo ɗon ayna berniwol, aynooɓe ngol aynan meere.

Yosuwa 16:7

Haa Yanoha ngol diirti gal Atarot e Na'arat, ngol meemi Yeriko, ngol haaɗi haa maayo Urdun.

Yosuwa 18:21

Berniiji lenyol Benyamin bee geɓe maagol, ɗi'i: Yeriko e Bayti-Hogila e Emek-Kesis

Yosuwa 2:1

Diga Sittim Yosuwa ɓii Nuuna neli horooɓe ɗiɗo bee sirri, wi'i ɓe: “Njehe, ndaare lesdi e berniwol Yeriko.” Ɓe ndilli, ɓe nasti saare debbo daakaareejo, innde muuɗum Rahab. Ɓe mbaali ton.

Yosuwa 2:24

Nden ɓe mbi'i mo: “Fakat, Jawmiraawo hokki en lesdi maajum fuu haa juuɗe meeɗen. Yimɓe ton fuu ɗon kula en haa ɓerɗe maɓɓe ta'i.”

Yosuwa 2:7

Nden, nelaaɓe laamiiɗo ngurti berniwol, dammuɗe maagol maɓɓaama. Ɓe taasni Isra'iila'en ɗiɗo go dow laawol yahugo Urdun haa ɓe njotti eerorɗe.

Yosuwa 5:15

Hooreejo honooɓe Jawmiraawo jaabi: “Faɗɗita paɗe ma, ngam nokkuure nde ndariiɗa, nde seniinde.” Yosuwa waɗi non.

Yosuwa 6:2

Jawmiraawo wi'i Yosuwa: “Ndaa, mi hokki ma Yeriko e laamiiɗo maagol e honooɓe maagol semmbiɗɓe fuu.