Yosuwa 23:16 - Fulfulde Bible

¹⁶ To on piisti alkawal ngal Allah Jawmiraawo mooɗon umri on, to on ndewi ɗowanteeɓe woɗɓe, to on cujidani ɓe, nden kam tikkere Jawmiraawo saatan dow mooɗon, on kalkan law nder lesdi mboondi ndi o hokki on.”

Fulfulde DC Bible

¹⁶ To on piisti alkawal ngal Allah Jawmiraawo mooɗon umri on, to on ndewi ɗowanteeɓe woɗɓe, to on cujidani ɓe, nden kam tikkere Jawmiraawo saatan dow mooɗon, on kalkan law nder lesdi mboondi ndi o hokki on.”

Yosuwa 23:16 Iomraidhean Croise

1 Laamiiɓe 14:15

Jawmiraawo fiyan Isra'iila'en haa ɓe ndiwna bana kawlewol ndimmborto haa maayo. O ɗoofan ɓe, ɓe ndilla diga lesdi mboondi ndi'i, ndi o hokki baabiraaɓe maɓɓe. O saŋkitan ɓe haa gaɗa maayo Efratis, ngam ɓe mbaɗi suuraaji Asera, ɓe tikkini Jawmiraawo bee maaji.

1 Laamiiɓe 9:6

Ammaa an e ummaatoore ma e le'i mooɗon, to on ngaylitake, on acci yam, to on ɗowtanaaki umrooje e farillaaji am ɗi umrumi on, to on njehi, on ndewi ɗowanteeɓe woɗɓe, to on turi yeeso maɓɓe ngam sujidango ɓe,

1 Laamiiɓe 9:7

mi halkan on, onon Isra'iila'en haa lesdi ndi mi hokki on e mi wudinan boo haykaliiru ndu mi seni ngam tedduŋgal innde am. Nden ummaatooje duniyaaru fuu njalan, njancan Isra'iila'en.

2 Laamiiɓe 17:7

Kanjum ɗum laati ngam Isra'iila'en mbaɗi hakke dow Allah Jawmiraawo maɓɓe mo wurtini ɓe lesdi Misra, mo hisni ɓe juŋngo Firawna laamiiɗo Misra. Ɗum laati non ngam ɓe teddini ɗowanteeɓe woɗɓe.

2 Laamiiɓe 24:20

Ɗum waɗi non ngam Jawmiraawo tikkani Urusaliima e Yahuuda haa o riiwi ɓe daayiiɗum bee maako. Sedekiya boo tuurtani laamiiɗo Baabila.

Esaaya 24:5

Lesdi soɓi les jooɗiiɓe muuɗum, ngam ɓe ƴaɓɓi umrooje, ɓe luuti farillaaji, ɓe piisti alkawal duumiiŋgal.

Yeremiya 32:23

Ammaa nde ɓe nasti ndi, ɓe mari ndi, ɓe ɗowtanaaki ma, ɓe ɗowtanaaki tawreeta ma. Ɓe mbaɗaay ko a umruno ɓe waɗugo fuu. Ngam maajum a ukkani ɓe sarru ngu'u fuu.

Yeremiya 32:24

Ndaa, Kaldiya'en mbaagi lesdi haa yotti mahol berniwol ngam nyaamugo ngol. Ngol yanan haa juuɗe honanɓe ngol ngam daliila konu e weelo e nyawu kalluŋgu ndaaɓoowu. Ko mbi'ɗa fuu laatake, a ɗon yi'a ɗum!

Limle 33:56

Min boo, mi waɗan on ko mi anninino waɗugo ɓe.”

Tooktaaki Tawreeta 17:3

sujidani ɗowanteeɓe woɗɓe malla naaŋge malla lewru malla koode, luuti umroore Jawmiraawo.

Tooktaaki Tawreeta 28:15

“Ammaa to on paalaay wolde Jawmiraawo Allah mooɗon, ngam hakkilango e ɗowtango umrooje maako fuu e farillaaji maako fuu ɗi umranmi on hannde, nden kam naalooje ɗe'e fuu ngaran dow mooɗon.

Tooktaaki Tawreeta 6:15

Ngam Jawmiraawo, Allah mooɗon gonɗo caka mooɗon, o Allah mo yiɗaa on tokko ɗowanteeɗo feere sam. Kakkile ngam taa on tikkina mo, nden o nattina on fuu diga lesdi.

Alkaali'en 2:14

Ngam maajum Jawmiraawo tikkani Isra'iila'en. O hokki ɓe haa jaɓtooɓe, ɓe njaɓti ɓe kuuje, o hokki ɓe haa konne'en taariiɓe ɓe, haa ɓe mbaawaay dartanaago ɓe.

Alkaali'en 2:20

Nden Jawmiraawo tikkani Isra'iila'en, wi'i: “Yimɓe ummaatoore nde'e piisti alkawal ngal kaɓɓumi bee baabiraaɓe maɓɓe haa ɓe ɗowtano ngal, ɓe ɗowtanaaki yam.

1 Samuyila 12:25

Ammaa to on tokkake waɗugo halleende, nden kam on kalkan, onon e laamiiɗo mon fuu.”