Yosuwa 2:14 - Fulfulde Bible

¹⁴ Horooɓe mbi'i mo: “Min maaya mbattudi mooɗon! Ammaa taa on pefta haala amin sam. Nyannde nde Jawmiraawo hokki min lesdi ndi'i, min mbaɗante mbooɗeeŋga, min kebbitinante amaana.”

Fulfulde DC Bible

¹⁴ Horooɓe mbi'i mo: “Min maaya mbattudi mooɗon! Ammaa taa on pefta haala amin sam. Nyannde nde Jawmiraawo hokki min lesdi ndi'i, min mbaɗante mbooɗeeŋga, min kebbitinante amaana.”

Yosuwa 2:14 Iomraidhean Croise

Laataanooji 24:49

Jonta kam, to on ngiɗi waŋgingo mbooɗeeŋga e gooŋgaaku haa jaagorɗo am, anndineeɗam! To naa non, mi waylititto gal nyaamo malla nano.”

Laataanooji 47:29

Nde saa'i maayugo Isra'iila ɓaditi, o ewni ɓiyiiko Yusufu, o wi'i mo: “To a yiɗi hinnugo yam, useni wallin juŋngo ma caka dawɗe am, waɗanam mbooɗeeŋga e gooŋgaaku: Taa uwam haa Misra!

2 Samuyila 2:5

O neli nelaaɓe haa maɓɓe, o wi'i ɓe: “On mbaɗani jaagorɗo mon Sawulu mbooɗeeŋga bee uwugo mo. Jawmiraawo barkiɗin on, waŋginan on mbooɗeeŋga e gooŋgaaku ngam ko on mbaɗi. Min boo mi woonanan on.

2 Samuyila 9:1

Nyannde feere Daawuda ƴami: “Woodi goɗɗo luttuɗo nder saare Sawulu na? Mi waɗana mo mbooɗeeŋga daliila Yonatan.”

1 Laamiiɓe 20:39

Nde laamiiɗo ɗon saalo, annabiijo wookani mo, o wi'i: “Barkaama, mi ɗonno nder haɓre, goɗɗo seli, waddani yam goɗɗo feere, wi'i: Aynu mo. To o daɗi, mi mbarete malla boo a yoɓan cardi kilo cappanɗe tati.

Balndi 14:22

Mo nufani woɗɓe sarru, majjan fakat, ammaa mo nufani ɓe hayru, heɓan mbooɗeeŋga e gooŋgaaku.

Balndi 18:24

Woodi sooba'en yahranɓe goɗɗo nder halkere, ammaa soobaajo gooŋgaajo ɗakkoto ko ɓuri deerɗiraawo.

Matta 5:7

Barka laatanto enɗooɓe, ngam Allah enɗan ɓe.

Kuuɗe Nelaaɓe 23:22

Ardiiɗo dow sooje'en ujineere go wi'i mo: “Taa a wi'a koo moy a yecci yam haala ka'a.” Nden o jaɓɓiti mo.

Yosuwa 2:13

Acce baaba am e daada am ngeeɗa, non boo deerɗiraaɓe am worɓe e rewɓe bee banndiraaɓe muuɗum'en fuu, kisne min maayde.”

Yosuwa 2:15

Saare Rahab ɗon ɗakkotiri bee mahol berniwol. Ngam maajum o jippini worɓe ɗiɗo go bee ɓoggol gal wurdere mahol.

Yosuwa 6:17

Berniwol ngol e ko woni nder maagol fuu, Jawmiraawo jeyi. Nattine ɗum kadi. Walaa mo luttata bee yoŋki, sey Rahab, debbo daakaareejo go tan, kaŋko e yimɓe wonduɓe bee maako nder suudu, ngam o nyukkini horooɓe, nelaaɓe men.

Yosuwa 6:22

Yosuwa wi'i horooɓe lesdi ɗiɗo go: “Naste suudu debbo daakaareejo go, ngurtine mo, kaŋko e banndiraaɓe maako, fodde hunayeere nde on kunani mo.”

Yosuwa 6:25

Bana nii Yosuwa acciri Rahab, debbo daakaareejo bee yoŋki, non boo saare baaba maako e banndiraaɓe maako, ngam o nyukkini horooɓe, nelaaɓe Yosuwa ngam wiɗitaago Yeriko. Rahab jooɗi nder Isra'iila haa wargo hannde.

1 Samuyila 20:8

Useni, tabitin amaana meeɗen. Siftor alkawal soobaaku ngal kaɓɓuɗa bee am yeeso Jawmiraawo. Ammaa to mi waɗi aybe, sey mbaraami an! Ammaa taa hokkam haa juŋngo baaba ma.”