Yosuwa 16:10 - Fulfulde Bible

¹⁰ Ammaa ɓe ndiiwaay Kanaani'en jooɗiiɓe haa Gezer. Ngam maajum Kanaani'en ɗon njooɗi caka yimɓe Efrayim haa wargo hannde. Ɓe laati maccuɓe maɓɓe ɓe ɗon kuuwana ɓe.

Fulfulde DC Bible

¹⁰ Ammaa ɓe ndiiwaay Kanaani'en jooɗiiɓe haa Gezer. Ngam maajum Kanaani'en ɗon njooɗi caka yimɓe Efrayim haa wargo hannde. Ɓe laati maccuɓe maɓɓe ɓe ɗon kuuwana ɓe.

Yosuwa 16:10 Iomraidhean Croise

1 Laamiiɓe 9:15

Ndaa nii haala huuwooɓe kuuɗe dooleeje wa'i: Laamiiɗo Suleymaanu huuwtiniri ɓe ngam mahugo haykaliiru Jawmiraawo e saare laamu e Millo e mahol taariiŋgol Urusaliima e Hacoor e Megiddo e Gezer

1 Laamiiɓe 9:16

Firawna, laamiiɗo Misra, warino nyaami Gezer, o wuli ngol bee yiite, o mbari Kanaani'en jooɗiiɓe nder berniwol ngo'ol. Nden o hokki ngol ɓiyiiko, debbo Suleymaanu bana dokkal ɓaŋgal.

1 Laamiiɓe 9:21

waato danygol maɓɓe ngol lutti nder lesdi ngam Isra'iila'en mbaawaay nattingo ɓe, ɗum kamɓe Suleymaanu huuwni ɓe kuuɗe dooleeje, non ɓe ngoni haa wargo hannde.

Yosuwa 10:33

Horam, Laamiiɗo Gezer wari wallugo Lakis. Ammaa Yosuwa mbardi ɓe, kaŋko e yimɓe maako fuu, o accaay koo gooto maɓɓe bee yoŋki.

Yosuwa 15:63

Ammaa Yebusi'en jooɗiiɓe haa Urusaliima, yimɓe Yahuuda mbaawaay riiwugo ɓe. Ngam maajum Yebusi'en ɗon njooɗodi bee yimɓe Yahuuda haa wargo hannde.

Yosuwa 16:9

Ɗum hawti bee berniiji goɗɗi e gure maaji nder keeri lenyol Manassa.

Yosuwa 17:12

Ammaa yimɓe Manassa mbaawaay riiwugo jooɗiiɓe nder berniiji ɗi'i, ngam maajum Kanaani'en tokki jooɗaago ton.

Yosuwa 17:13

Nde Isra'iila'en ɓesdi semmbe, ɓe laatini Kanaani'en maccuɓe maɓɓe ngam huuwango ɓe, ɓe ndiiwaay ɓe.

Alkaali'en 1:29

Yimɓe Efrayim boo ndiiwaay Kanaani'en jooɗiiɓe haa Gezer. Yimɓe ɓe tokki jooɗaago caka yimɓe Efrayim haa ton.