Yosuwa 15:11 - Fulfulde Bible

¹¹ Nden keerol yehi woyla, haa hooseere Ekuruun, ngol wayliti gal Sikeruuna, ngol saali hooseere Ba'ala, ngol yehi haa Yabneyel. Ngol haaɗi haa Mbeela.

Fulfulde DC Bible

¹¹ Nden keerol yehi woyla, haa hooseere Ekuruun, ngol wayliti gal Sikeruuna, ngol saali hooseere Ba'ala, ngol yehi haa Yabneyel. Ngol haaɗi haa Mbeela.

Yosuwa 15:11 Iomraidhean Croise

2 Laamiiɓe 1:16

O wi'i mo: “Ndaa nii Jawmiraawo wi'i: A neli nelaaɓe ngam ƴamugo habaru haa Ba'al-Zebub, lawru Ekuruun'en, bana to Allah walaa haa Isra'iila ngam ƴamugo koŋngol muuɗum. Ngam maajum a ummataako diga be'itte ɗe mbaaliiɗa, a maayan fakat.”

2 Laamiiɓe 1:6

Ɓe njaabi mo: “Goɗɗo wari, fotti bee amin, wi'i: Lorte haa laamiiɗo nelɗo on. Mbi'e mo: Ndaa nii Jawmiraawo wi'i: Allah walaa haa Isra'iila na? Koni a neli nelaaɓe haa ɓe ƴamane Ba'al-Zebub, lawru Ekuruun'en? Ngam maajum a ummataako diga be'itte ɗe mbaaliiɗa, a maayan fakat.”

2 Habaruuji Nyalaaɗe 26:6

Uzziya yehi, haɓi bee Filisti'en, waɗi ceekgol nder mahi taariiɗi Gaat e Yabne e Asdod. Nden o nyiɓi berniiji nder Asdod, non boo caka Filisti'en.

Limle 34:6

Haa hiirnaaŋge, fomoonde Mbeela woni keerol mon. Kaŋgo woni keerol mon hiirnaaŋgewol.

Yosuwa 15:10

Diga ton ngol yehi hiirnaaŋge gal kooseeje Se'ir, ngol tokki wakeere hooseere Ye'arim woylaare, Ye'arim woni Kesalon. Ngol diirti haa Bayti-Semes, ngol yehi haa Timna.

Yosuwa 15:12

Kaŋgo woni keerol hiirnaaŋgewol. Nder keeri ɗi'i lenyol Yahuuda jooɗi fodde geɓe maagol.

Yosuwa 15:45

Woodi boo Ekuruun bee gure maagol e kawyeeji maagol.

Yosuwa 15:9

Haa hooseere man keerol wayliti yahugo seeɓoore Menefto'a, ngol yehi haa bille gure dow hooseere Efruuna. Nden ngol wayliti gal Ba'ala, kanjum woni Kiriyat-Ye'arim.

Alkaali'en 1:18

Ɓaawo man yimɓe Yahuuda nyaami berniiji ɗi'i: Gaaza, Askalon e Ekuruun e non boo gure taariiɗe berniiji ɗin.

1 Samuyila 17:52

Yimɓe Isra'iila e Yahuuda ummi, mbaɗi gookaali haɓre, taasni ɓe haa njotti haa waadiwol, koo haa dammuɗe Ekuruun boo. Filisti'en mbaraaɓe ɗon mbaali haa laawol jahranŋgol haa Saarayim haa Gaat e Ekuruun.

1 Samuyila 5:10

Ngam maajum ɓe neldi sundukru Allah haa Ekuruun. Nde ndu yotti Ekuruun, yimɓe wonɓe ton ngooki. Ɓe mbi'i: “Ɓe ngaddi sundukru ɗowanteeɗo Isra'iila'en haa meeɗen, ngam haa ndu mbara en.”

1 Samuyila 5:8

Ɓe neldi ewnaandu, ɓe mooɓti laamiiɓe Filisti'en fuu, ɓe ƴami: “Ɗume min mbaɗata bee sundukru ɗowanteeɗo Isra'iila'en?” Laamiiɓe njaabi: “Njahre ndu haa Gaat.” Ɓe njahri ndu ton.

1 Samuyila 7:14

Berniiji Isra'iila hakkunde Ekuruun e Gaat ɗi Filisti'en njaɓtuno, ɗi lorti nder maral Isra'iila, lesdi maɓɓe kisi juuɗe Filisti'en. Ammaa sulhu ɗonno hakkunde Isra'iila'en bee Amoori'en.