Yosuwa 10:13 - Fulfulde Bible

¹³ Fakat, naaŋge dari, lewru boo dari, haa Isra'iila'en timmini waataago konne'en muuɗum'en. Habaru maajum winndaama haa Deftere Adiliijo. Naaŋge dari haa caka asama, nge yaawanaay mutugo nyalawmaare fuu.

Fulfulde DC Bible

¹³ Fakat, naaŋge dari, lewru boo dari, haa Isra'iila'en timmini waataago konne'en muuɗum'en. Habaru maajum winndaama haa Deftere Adiliijo. Naaŋge dari haa caka asama, nge yaawanaay mutugo nyalawmaare fuu.

Yosuwa 10:13 Iomraidhean Croise

2 Samuyila 1:18

o inndi ngol “Gimol Lagaawal”, ngol ɗon winndi nder Deftere Gooŋgaajo. Daawuda umri yimɓe Yahuuda ndurso ngol. Ndaa nii o yimi:

2 Laamiiɓe 20:10

Hezekiya wi'i: “Koyɗum ɗowdi ardo jaaɓruɗe sappo. Ndikka ndi loro jaaɓruɗe sappo.”

Asta 8:13

Misaalu bataakewol man laati umroore nder lesdi koo ndiye ngam anndingo ummaatooje fuu. Yahuudu'en boo taasko nyalaade maajum ngam waataago konne'en muuɗum'en.

Ayuba 9:7

O haɗan koo naaŋge boo yaynugo, o nyiɓɓinan koode haa asama.

Jabuura 148:3

Maŋgte mo, onon naaŋge e lewru! Maŋgte mo, onon koode jaynanɗe!

Jabuura 19:4

Walaa koŋngol, walaa bolle, sawtu maaje nanataake.

Esaaya 24:23

Lewru toskan, naaŋge semtan. Jawmiraawo honooɓe asama ɗon laamo, o laamiiɗo dow hooseere Siyona haa Urusaliima. Ndotti'en yimɓe maako ngi'an tedduŋgal maako.

Esaaya 38:8

Ndaa, mi lornan ɗowdi ɓaawo bee jaaɓruɗe sappo dow jaaɓruɗe Akas saa'i naaŋge ɗon loro ɓaawo.” Naaŋge lorti bee jaaɓruɗe sappo dow jaaɓruɗe haa nge jippino.

Yo'el 2:10

Lesdi dimmbi yeeso maare, asamanji ndiwni, naaŋge e lewru nyiɓɓi, koode boo acci yaynugo.

Habakuk 3:11

Naaŋge e lewru ndari haa nokkuuje muuɗum'en, daliila annoora kuri ma piɗaaɗi e jayŋgol labbo ma ɗelkanŋgo.

Limle 21:14

Ngam maajum Deftere Konuuji Jawmiraawo ɗon wi'a: “Wuro Waheba baŋnge Sufa e waadiiji e Arnon

Limle 31:2

“Waata Mediyan'en ngam halleende nde ɓe mbaɗi Isra'iila'en. Ɓaawo man a hawtoyan bee yimɓe ummaatoore ma.”

Matta 24:29

Law ɓaawo nyalɗe ɓillaare go, naaŋge nyiɓɓan, lewru accan yaynugo, koode asama njanan, baawɗeeji asama boo ndimmboto.

Matta 5:45

ngam haa on laato ɓiɓɓe Baabiraawo mooɗon mo asama. O ɗon fuɗna naaŋge maako dow halluɓe e wooɗɓe fuu, o ɗon toɓna iyeende dow adili'en e dow sooya-adilaaku'en.

Luka 18:7

Kadi, Allah waɗanta suɓaaɓe muuɗum wookananɓe mo jemma e naaŋge kiita gooŋgɗuka bee law na?

Kuuɗe Nelaaɓe 2:20

Naaŋge nyiɓɓan, lewru boo woojan bana ƴiiƴam. Nden nyalaade am mawnde hulniinde waran!

Yosuwa 10:11

Saa'i Amoori'en ɗon ndogga yeeso Isra'iila'en, ɗon ndiirto Baytihurun, Jawmiraawo toɓni mallimallooje mawɗe dow maɓɓe haa ɓe njotti Azeka, ɗuuɗɓe caka maɓɓe maayi. Maayɓe ngam daliila mallimallooje ɗe'e ɓuri ɗuuɗugo dow mbaraaɓe bee kaafaaje Isra'iila'en.

Yosuwa 10:14

Nyalaade bana maare meeɗaay laataago e meetataa boo, haa Jawmiraawo nana koŋngol neɗɗo bana maagol. Ngam Jawmiraawo haɓani Isra'iila'en.

Wahayu Yuhanna 21:23

Berniwol ngol walaa haaje naaŋge malla lewru yaynana ngol, ngam jayŋgol Allah ɗon yayna nder maagol, jawgel boo woni pittirla maagol.

Wahayu Yuhanna 6:10

Ɓe ɗon ngooka bee sawtu, ɓe ɗon mbi'a: “Yaa Jawmiraawo, ceniiɗo, gooŋgaajo! Haa ndey min ndeenata haa a hiito jooɗiiɓe haa duniyaaru, a waato ngam ɓe mbari min?”

Wahayu Yuhanna 6:12

Nde mi yi'i jawgel takkiti takkannde joweego'oore, lesdi dimmbi masin. Naaŋge ɓalwi bana limce ɓaleeje kurum, lewru wooji coy bana ƴiiƴam,

Wahayu Yuhanna 8:12

Nden malaa'ikaajo nayaɓo fuufi luwal muuɗum. Nder geɓe naaŋge tati, woore fiyaama, non boo yeɓre lewru woore e yeɓre koode woore, haa yeɓre jayŋgol man woore nder tati nyifi. Yeɓre jayŋgol nyalawma woore nder tati nyifaama, non boo jemma.

Alkaali'en 16:28

Nden Samson tori Jawmiraawo: “Yaa Allah Jawmiraawo, siftoram, hokkitam semmbe am ngam saa'iire nde'e tan, haa mi waato Filisti'en nde woore ngam gite am ɗiɗi.”

Alkaali'en 5:2

Maŋgte Jawmiraawo, ngam Isra'iila'en taaskani konu, ummaatoore nasti haɓre bee ngiɗa maare.