Yosuwa 10:10 - Fulfulde Bible

¹⁰ Jawmiraawo jiiɓi hakkiilooji Amoori'en nde ɓe ngi'i Isra'iila'en. Isra'iila'en mbari Amoori'en ɗuuɗɓe masin haa Gibiyon, ɓe taasni luttuɓe dow laawol ba'otooŋgol haa Baytihurun. Ɓe ukkani ɓe haa ɓe njotti Azeka e Makkeda.

Fulfulde DC Bible

¹⁰ Jawmiraawo jiiɓi hakkiilooji Amoori'en nde ɓe ngi'i Isra'iila'en. Isra'iila'en mbari Amoori'en ɗuuɗɓe masin haa Gibiyon, ɓe taasni luttuɓe dow laawol ba'otooŋgol haa Baytihurun. Ɓe ukkani ɓe haa ɓe njotti Azeka e Makkeda.

Yosuwa 10:10 Iomraidhean Croise

2 Samuyila 22:15

O fiɗi kuri maako, o saŋkiti konne'en maako. O sakkini ma'e, o hulni ɓe.

1 Laamiiɓe 9:17

Ngam maajum, Suleymaanu mahi Gezer e Baytihurun-les

2 Habaruuji Nyalaaɗe 14:12

Asa e mooɓre konu mum taasni ɓe haa yotti Gerar. Etiyopiya'en ndo'i, koo gooto maɓɓe hisaay, ɓe mbirgaama yeeso Jawmiraawo e yeeso saŋngeere mum. Yahuudu'en koori keɓal ɗuuɗŋgal.

2 Habaruuji Nyalaaɗe 25:13

Ammaa jama'aare Isra'iila'en ɓe Amasiya wi'i ɓe kuuca ngam taa ɓe mballa mo nder haɓre, jama'aare man hippi gure Yahuuda diga Samariya haa yotti Baytihurun, mbari yimɓe ujine tato (3.000), kooci keɓal konu ɗuuɗŋgal.

Jabuura 18:14

Jawmiraawo telɓi haa asama, bana felmaaŋgo. Allah Ɓaŋiiɗo towni sawtu mum. Mallimallooje e ƴulɓe yiite ngurti.

Jabuura 44:3

An bee hoore ma a riiwi ummaatooje, a tabitini yimɓe ma nder lesdi maɓɓe. A torri ummaatooje man, ngam haa ummaatoore ma feeco.

Jabuura 68:14

Poola ɗon mari bileeji cardi e liiliiji kaŋŋeeri laaɓndi. Koni ngiɗɗon waalaago nder baalɗe?

Jabuura 78:55

O riiwi ummaatooje yeeso maɓɓe, o yeɗani le'i Isra'iila maral, ɗi njooɗi ton.

Esaaya 28:21

Jawmiraawo ummoto bana haa hooseere Perasiima, o tikkan bana nder waadiwol Gibiyon, haa o huuwa kuugal maako, kuugal maako laatiiŋgal kayɗiniiŋgal!

Esaaya 30:30

Jawmiraawo nannan sawtu mum cemmbiɗɗo, waŋginan juŋngo mum taaskiiŋgo fiyugo nder caatal tikkere mum e ɗemŋgal yiite wulanŋge, waabiliije e naargeeji e mallimallooje.

Yeremiya 34:7

Saa'i man honooɓe laamiiɗo Baabila ɗon kaɓa bee berniwol. Ɓe ɗon kaɓa boo bee Lakis e Azeka, ngam berniiji ɗi'i tan lutti nder berniiji Yahuuda cemmbiɗɗi fuu.

Zekariya 14:3

Nden Jawmiraawo wurtoto, haɓan bee ummaatooje ɗe'e, bana o woowri haɓugo nder nyalaade haɓre.

Tooktaaki Tawreeta 7:23

Jawmiraawo, Allah mooɗon hokkan on ummaatooje yeeso mon ɗe'e, o ukkanan ɗe kulol e kultoreeŋgol masin haa ɗe natta fuu.

Yosuwa 10:11

Saa'i Amoori'en ɗon ndogga yeeso Isra'iila'en, ɗon ndiirto Baytihurun, Jawmiraawo toɓni mallimallooje mawɗe dow maɓɓe haa ɓe njotti Azeka, ɗuuɗɓe caka maɓɓe maayi. Maayɓe ngam daliila mallimallooje ɗe'e ɓuri ɗuuɗugo dow mbaraaɓe bee kaafaaje Isra'iila'en.

Yosuwa 10:28

Nyalaade man nden Yosuwa nyaami berniwol Makkeda. O nattini wonɓe nder berniwol e laamiiɗo maagol fuu bee kaafahi, walaa mo lutti bee yoŋki. O waɗi laamiiɗo Makkeda bana o waari laamiiɗo Yeriko.

Yosuwa 10:9

Jemmaare fuu Yosuwa e yimɓe mum njehi diga Gilgal haa Gibiyon, nden ɓe ukkani Amoori'en bee juhuki.

Yosuwa 11:8

Jawmiraawo hokki Isra'iila'en konne'en muuɗum'en. Ɓe njaali ɓe, ɓe taasni ɓe haa ɓe njotti Sidon, berniwol maŋngol, haa Misrefot-Mayim, haa waadiwol Mispa gal fuunaaŋge. Ɓe kaɓi bee maɓɓe, ɓe mbardi ɓe, walaa koo gooto lutti bee yoŋki.

Yosuwa 12:16

Makkeda, Baytila,

Yosuwa 15:35

e Yarmut e Adullam e Soko e Azeka

Yosuwa 15:41

e Gederot e Bayti-Daagon e Na'ama e Makkeda, ɗum berniiji sappo e joweego bee gure maaji.

Yosuwa 16:3

Nden ngol diirti gal hiirnaaŋge haa lesdi Yafleti'en, haa yotti lesdi Baytihurun-les e Gezer, ngol haaɗi haa Mbeela.

Yosuwa 16:5

Ndaa ko laati geɗal lenyol Efrayim bee geɓe maagol: Keerol maɓɓe fuunaaŋgewol fuɗɗi haa Aterot-Addar, yehi Baytihurun-dow.

Alkaali'en 4:15

Jawmiraawo jiiɓi hakkiilooji Sisera e jama'aare konu mum fuu e mootaaji pucci mum fuu, kulol maŋngol naŋngi ɓe, o mbardi ɓe fuu bee kaafaaje haa yeeso Ba'al. Sisera jippi moota pucci mum, doggi bee kosɗe.

Alkaali'en 4:16

Barak taasni mootaaji pucci e jama'aare konu haa yotti Haroseet-Goyim. Ɓe mbari jama'aare Sisera fuu bee kaafaaje, walaa koo gooto lutti.

Alkaali'en 5:20

Koode asama boo nasti haɓre man, dow laabi maaje ɗe kaɓi bee Sisera.

1 Samuyila 13:18

mooɓre ɗiɗawre haa Baytihurun e mooɓre tataɓre boo haa kooseeje dow Waadiwol-Pobbi haa sera ladde.

1 Samuyila 17:1

Filisti'en mooɓti jama'aare konu muuɗum'en haa Soko nder lesdi Yahuuda. Ɓe caŋngini haa Efes-Damiima, hakkunde Soko bee Azeka.