Yosuwa 1:5 - Fulfulde Bible

⁵ Balɗe ma fuu walaa dartantooɗo ma. Bana mi wonduno bee Muusa, bana non ngondiranmi bee maaɗa boo. Mi accataa ma e mi wudintaa ma sam.

Fulfulde DC Bible

⁵ Balɗe ma fuu walaa dartantooɗo ma. Bana mi wonduno bee Muusa, bana non ngondiranmi bee maaɗa boo. Mi accataa ma e mi wudintaa ma sam.

Yosuwa 1:5 Iomraidhean Croise

Laataanooji 39:2

Jawmiraawo wondi bee Yusufu, hokki ɗum saa'a nder kuuɗe mum fuu. O jooɗi nder saare Potifar jawmiiko Misraajo.

1 Laamiiɓe 1:37

Bana Jawmiraawo wonduno bee maaɗa barkaama, bana non o wondata bee Suleymaanu boo. O mawnina laamu maako ko ɓuri ngu maaɗa.

1 Laamiiɓe 11:38

To a nani ko mi umri ma fuu, to a tokkake laabi ɗi mi hollata ma fuu, to a waɗi ko fottani yam, to a ɗowtanake farillaaji am e umrooje am, bana jaggiiɗo am Daawuda waɗi, nden kam mi wondan bee ma e mi iinante no yimɓe danygol ma laamoto foroy, bana yimɓe danygol Daawuda. Mi hokkete le'i Isra'iila.

1 Laamiiɓe 6:13

Mi waran mi jooɗo caka mooɗon nder haykaliiru ndu e mi wudintaa Isra'iila ummaatoore am sam.”

1 Laamiiɓe 8:57

Jonta mi ɗon toro Jawmiraawo, Allah meeɗen, o wonda bee meeɗen bana o wonduno bee baabiraaɓe meeɗen, taa o wudina en, taa o acca wallugo en.

1 Habaruuji Nyalaaɗe 28:20

Nden Daawuda wi'i ɓiyum Suleymaanu: “Sey a semmbiɗa, a laato cuusɗo, a naŋnga kuugal. Taa hul, taa tampu sam, ngam Allah Jawmiraawo, Allah am wondan bee maaɗa. O accataa ma, o wudintaa ma, haa kuugal nder haykaliiru Jawmiraawo fuu timma.

Jabuura 46:11

O ɗon wi'a: “Nde'ite, annde min woni Allah. Min woni Ɓaŋiiɗo dow ummaatooje duniyaaru fuu.”

Gurtaaki 3:12

Allah wi'i mo: “Mi wondan bee ma. Ndaa nii ngooŋɗinirta min neli ma: To a wurtini ummaatoore nde'e diga Misra, on njaggano yam dow hooseere nde'e.”

Esaaya 42:16

Mi yahran wumɓe dow laawol ngol ɓe anndaa, mi ɗowan ɓe dow laabi ɗi ɓe anndaa. Nyiɓre yeeso maɓɓe, mi wartiran nde jayŋgol, laawol leliiŋgol boo darnuŋgol. Kanjum mbaɗanmi, mi accataa ɗum sam.

Yeremiya 1:8

Taa hul ɓe, ngam mi ɗon wondi bee ma ngam hisnugo ma.” Non Jawmiraawo wi'i.

Daniyel 11:16

Konneejo nastuɗo lesdi maɓɓe waɗan ko o yiɗi fuu, walaa mo waawata dartango mo. O daroto haa lesdi ɓurndi wooɗugo o nattinan ko o yiɗi fuu.

Matta 28:20

Ekkitine ɓe haa ɓe tokko ko mi umri on fuu. Min mi ɗon wondi bee mooɗon nyalɗe fuu haa yotto timmuki duniyaaru.”

Roma'en 8:31

Jonta kam, ko lutti wi'eego dow bolle ɗe'e? Nde Allah ɗon wondi bee meeɗen, moy waawata honugo en?

Roma'en 8:37

Ammaa nder kuuje ɗe'e fuu en keɓan jaalorgal timmuŋgal bee ballal Almasiihu, giɗɗo en.

Tooktaaki Tawreeta 20:1

Koo ndey on ngurtoto ngam haɓre bee konne'en mon, to on ngi'i pucci e mootaaji pucci e jama'aare konu ɓurannde on ɗuuɗugo, taa kule! Jawmiraawo, Allah mooɗon gurtinɗo on lesdi Misra, ɗon wondi bee mooɗon.

Tooktaaki Tawreeta 20:4

Ngam Jawmiraawo, Allah mooɗon ɗon wondi bee mooɗon. Kaŋko o haɓan bee konne'en mon, ngam hisnugo on.

Tooktaaki Tawreeta 31:23

Nden Jawmiraawo umri Yosuwa ɓii Nuuna, o wi'i: “Semmbiɗa, suusɗin ɓernde ma! Ngam an yahrata Isra'iila'en nder lesdi ndi kuniimi hokkugo ɓe. Min boo mi wondan bee maaɗa.”

Tooktaaki Tawreeta 4:31

Ngam Jawmiraawo, Allah mooɗon o marɗo enɗam. O accataa on, o halkataa on, o yejjitittaa alkawal ngal o haɓɓi bee kaakiraaɓe mon.

Tooktaaki Tawreeta 7:24

O hokkan on laamiiɓe maaje boo. On nattinan inɗe maɓɓe haa duniyaaru. Walaa koo gooto dartoto yeeso mooɗon, on nattinan ɓe fuu.

2 Timote 4:17

Ammaa Jawmiraawo wondi bee am, semmbiɗini yam, ngam haa mi timmitina kuugal waazu am, ummaatooje fuu nana ngu. Kaŋko o hisni yam hunnduko mbarooga.

Ibraniŋke'en 13:5

Taa cuune ceede, ammaa ceye bee ko on mari. Ngam Allah wi'i: “Mi accataa ma, mi wudintaa ma sam.”

Yosuwa 1:17

Bana min ɗowtorani Muusa nder koo ɗume fuu, bana non min ɗowtanto ma an boo. Allah Jawmiraawo ma wondan bee maaɗa, bana o wonduno bee Muusa.

Yosuwa 1:9

Naa mi umri ma na? Sey a semmbiɗa, a laato cuusɗo. Taa hul, taa diwtora sam, ngam min, Allah Jawmiraawo maaɗa mi ɗon wondi bee maaɗa haa njahata fuu.”

Yosuwa 10:8

Jawmiraawo wi'i Yosuwa: “Taa hul ɓe, ngam mi hokki ma ɓe. Walaa koo gooto maɓɓe dartanto ma.”

Yosuwa 21:44

Jawmiraawo hokki ɓe salaaman haa keeri lesdi maɓɓe fuu bana o hunani baabiraaɓe maɓɓe. O hokki ɓe jaalorgal dow konne'en maɓɓe fuu, walaa koo gooto dartani ɓe. O marni ɓe ndi.

Yosuwa 3:7

Jawmiraawo wi'i Yosuwa: “Hannde puɗɗanmi mawningo ma yeeso Isra'iila fuu. Ɓe paaman mi ɗon wondi bee maaɗa bana mi wonduno bee Muusa.

Yosuwa 6:27

Jawmiraawo wondi bee Yosuwa, habaru maako saŋkiti nder lesdi fuu.

Alkaali'en 2:18

Nde Jawmiraawo suɓani ɓe alkaali fuu, o ɗon wondi bee alkaali man, o ɗon hisna Isra'iila'en diga baawɗe konne'en muuɗum'en yaake alkaaliijo oo o geeto. Ngam Jawmiraawo yurmini ɓe ngam uumaali maɓɓe daliila ɓillanɓe e torranɓe ɓe.

Alkaali'en 6:16

Jawmiraawo wi'i mo: “Mi wondan bee ma. A jaaloto yimɓe Madiyan bana to ɗum goɗɗo gooto tan.”

1 Samuyila 10:7

To alaamaaji ɗi mbaŋgi yeeso maaɗa kam, waɗ ko warani ma fuu, ngam Allah ɗon wondi bee maaɗa.