Yo'el 2:26 - Fulfulde Bible

²⁶ Nden on nyaaman, on kaaran. On maŋgtan innde Jawmiraawo, Allah mooɗon mo waɗani on kaayeefiijum. Ummaatoore am meetataa semtineego!

Fulfulde DC Bible

²⁶ Nden on nyaaman, on kaaran. On maŋgtan innde Jawmiraawo, Allah mooɗon mo waɗani on kaayeefiijum. Ummaatoore am meetataa semtineego!

Yo'el 2:26 Iomraidhean Croise

Laataanooji 33:11

Useni jaɓ caahu ngu mi neldani ma, ngam Allah mo'ani yam ɗum, mi sooyaay koo ɗume.” O tori mo ɗuuɗɗum, nden Isuwa jaɓi.

Nehemiya 9:25

Ɓe nyaami berniiji cemmbiɗɗi e gese cemmbiɗɗe. Ɓe kooci cuuɗi keewɗi kuuje booɗɗe e ɓulli e inabooje e jaytunje e leɗɗe dimooje ɓiɓɓe ɗuuɗɗe. Ɓe nyaami, ɓe kaari, ɓe payi, ɓe ɗon bee welwelo ngam daliila mbooɗeeŋga ma ɗuuɗŋga.

Jabuura 103:5

o haarnatam bee hayru, haa nderkaaku am tabita bana ngu dutal.

Jabuura 116:7

Ɓernde am, de'itu, ngam Jawmiraawo woonani yam!

Jabuura 13:6

Min kam mi ɗon hoolo mbooɗeeŋga ma, mi welweltan ngam a hisni yam. Mi yimanan Jawmiraawo ngam o woonani yam.

Jabuura 22:26

Yaa Jawmiraawo, haa maaɗa maŋgtooje am nder mooɓtorde mawnde iwi, yeeso hulɓe ma kebbinanmi togayeeje am.

Jabuura 37:19

Wakkati sarru ɓe toskataako, nyalɗe weelo boo ɓe kaaran.

Jabuura 67:5

Sey jama'aaje ngima bee seyo e welwelo! Ngam a ɗon hiito ummaatooje bee kiita ndarnuka, a ɗon ɗowa jama'aaje nder duniyaaru.

Jabuura 72:18

Yettoore laatano Jawmiraawo mo Allah Isra'iila. Kaŋko feere maako ɗon waɗa kaayeefiiji.

Balndi 13:25

Adiliijo nyaaman, haaran, ammaa deeɗi halluɓe maatan weelo.

Yimre Suleymaanu 5:1

Ngarmi jarne am, deerɗam, muuyaaɗo am, mi ɗon teɓa baɗaadi e balsani am, mi ɗon nyaama njumri nder yowre am, mi ɗon yara inaboojam e kosam am. Soobiraaɓe, ngare, on nyaama, on njara, on nguykira yiide!

Esaaya 25:1

Yaa Jawmiraawo, an woni Allah am. Mi maŋgtete, mi teddinan innde ma. Ngam a waɗi kaayeefiiji. Ko a annini diga ɓooyma, a timmini ɗum bee gooŋga e hoolaare.

Esaaya 29:22

Ngam maajum, ndaa nii Jawmiraawo kisnuɗo Ibrahiima wi'i danygol Yaakubu: “Yeeso ɗo, yimɓe saare Yaakubu cemtintaake, geese maɓɓe purɗataa fahin.

Esaaya 45:17

Ammaa yimɓe Isra'iila keɓan kisndam nduumiiɗam haa Jawmiraawo. Ɓe cemtataa, ɓe meeɗataa mbustu haa abada abadin!

Esaaya 49:23

Laamiiɓe laatoto nyaamnooɓe ma, mayram'en boo musininooɓe ma. Ɓe cujidante, geese maɓɓe haa lesdi. Ɓe tahan mbulwuldi e kosɗe ma. Nden a anndan min woni Jawmiraawo. Hooliiɓe yam cemtintaake.”

Esaaya 54:4

Taa hul, ngam a semtintaake. Taa sakla, ngam a toskintaake. A yejjitan toskaare nderkaaku ma, a meetataa siftorgo mbustu suddaare ma.

Esaaya 55:2

Koni ndokkoton cardi ngam ko laataaki nyaamdu? Koni ndokkoton ngeenaari mon ngam kuuje ɗe kaarnataa? Naneeɗam booɗɗum! Nyaame kuuje booɗɗe, nyaame nyaamdu ɓurdanndu wooɗugo.

Farillaaji Lewi'en 25:19

Lesdi riman ƴaamle ngam on nyaama, on kaara, on njooɗo ton bee hoolaare.

Farillaaji Lewi'en 26:26

Mi sooynan on nyaamdu. Tamsirde woore he'an rewɓe sappo sa'ugo tamseeje muuɗum'en. Ɓe poondanan on ɗe dow awnorɗum. On nyaaman ɗe, ammaa on kaarataa sam.

Farillaaji Lewi'en 26:5

Alkamaari mon ɗuuɗan masin. Hiddeko on timmina fiyugo ndi, on ittan inabooje. Diga on timminaay teɓugo inabooje tawon, saa'i aawugo yaaltan. On nyaaman, on kaaran, on njooɗoto jam nder lesdi mon.

Mika 6:14

On nyaaman, ammaa on kaarataa, weelo tabitan caka mon. On cigoto kuuje, ammaa on kisnataa ɗe. Ko on kisni boo, mi accan kaafahi halka ɗum.

Sefaniya 3:11

Nyalaade man on meetataa semtoraago tuurtol mon dow am. Nder wakkati man nden ittanmi jurotooɓe mawnitiiɓe caka mooɗon, on meetataa mawnitaago dow hooseere am seniinde.

Zekariya 9:15

Jawmiraawo honooɓe asama aynan yimɓe mum. Ɓe kalkan konne'en, ɓe campitan kaa'e piɗaaɗe diga piwli, ɓe naman ɗe. Ɓe ndufan ƴiiƴam konne'en maɓɓe bana inaboojam. Ɓe ilnan ɗam bana ɗam kirsaaɗi nder taasaaje dufirɗe ƴiiƴam malla bana ƴiiƴam ndufaaɗam dow coɓɓuli hirsirde.

Zekariya 9:17

Ɓe ceyoto, ɓe laatoto ŋarniiɓe! Alkamaari semmbiɗinan sukaaɓe, inaboojam kesam boo faanyɓe.

Roma'en 10:11

Ngam Deftere wi'i: “Koo moy nuɗɗini mo, o semtintaake.”

Roma'en 5:5

Bee tammunde man en mbustataake sam, ngam Allah hokki en Ruuhu mum, mo hebbini ɓerɗe meeɗen bee yiide mum.

Roma'en 9:33

bana ko winnda: “Haa Siyona mballinanmi hayre fergoore yimɓe, tapaare do'oore ɓe. Ammaa koo moy nuɗɗini mo, o semtintaake.”

Tooktaaki Tawreeta 11:15

Mi hokkan on boo huɗo ngam dabbaaji mon. Onon boo on nyaaman, on kaaran.

Tooktaaki Tawreeta 12:12

Ceye ton yeeso Jawmiraawo, Allah mooɗon, onon e ɓikkoy mon worɓe e rewɓe e maccuɓe mon e horɓe mon e Lewi'en jooɗiiɓe nder gure mon, ngam Lewi'en marataa lesdi caka mooɗon.

Tooktaaki Tawreeta 12:18

Kuuje ɗe'e fuu, sey on nyaama ɗe yeeso Jawmiraawo haa nokkuure nde o suɓata ɗum. Ton nyaamoton ɗe, onon e ɓikkoy mon e maccuɓe mon e horɓe mon e Lewi'en jooɗiiɓe nder gure mon. Ceyore nafuuda kuuɗe mon yeeso Jawmiraawo, Allah mon.

Tooktaaki Tawreeta 12:7

Sey on nyaama ton yeeso Jawmiraawo, Allah mooɗon, onon e yimɓe ci'e mooɗon, on ceyora nafuuda kuuɗe mon, ngam Jawmiraawo barkiɗini on.

Tooktaaki Tawreeta 8:10

On nyaaman, on kaaran, on ngettan Jawmiraawo, Allah mooɗon ngam lesdi mboondi ndi o hokki on.”

1 Timote 6:17

Umru riskuɓe nder duniyaaru ndu'u, taa ɓe mawnito. Taa ɓe koolo risku ngam ngu tabitittaa, ammaa ɓe koolo Allah, dokkanɗo en koo ɗume fuu bee caahaaki haa en ceyoro ɗum.

1 Yuhanna 2:28

Jonta, ɓikkoy am, tabite nder kawtal bee Almasiihu ngam haa en mara hoolɗinaare to o waŋgi, taa en cemta yeeso maako nyannde loraaki maako.