Yo'el 2:12 - Fulfulde Bible

¹² Jawmiraawo wi'i: “Koo jonta boo, lorte haa am bee ɓernde woore, bee suumaye e bojji e gonɗi!

Fulfulde DC Bible

¹² Jawmiraawo wi'i: “Koo jonta boo, lorte haa am bee ɓernde woore, bee suumaye e bojji e gonɗi!

Yo'el 2:12 Iomraidhean Croise

2 Samuyila 24:10

Nde Daawuda timmini limugo yimɓe, ɓernde muuɗum ta'i, o annditi o waɗi hakke. O tori Jawmiraawo, o wi'i: “Mi waɗi hakke masin bee waɗugo ɗum. Ammaa jonta, yaa Jawmiraawo, yaafa aybe maccuɗo ma, ngam mi waɗi faataare mawnde.”

2 Habaruuji Nyalaaɗe 30:6

Yaawɗotooɓe njehi nder lesdi Isra'iila e Yahuuda fuu, bee bataakeeji laamiiɗo e mawɓe mum. Ɓe ngooyni umroore laamiiɗo, ɓe mbi'i: “Onon yimɓe Isra'iila, lorte haa Jawmiraawo Allah Ibrahiima e Isiyaaku e Isra'iila, haa o lortano on, onon luttuɓe, daɗɓe juuɗe laamiiɓe Assuura.

2 Habaruuji Nyalaaɗe 6:27

an, yaa Jawmiraawo gonɗo haa asama, nanan ɓe, yaafa hakkeeji maɓɓe, ngam ɓe maccuɓe ma e ɗum ummaatoore ma, fahin, ekkitin ɓe haa ɓe tokko laawol darnuŋgol, nden a toɓnana ɓe iyeende dow lesdi ndi a marni ɓe.

Asta 4:16

“Yah, mooɓtu Yahuudu'en wonɓe haa Suuza fuu. Cuume ngam am, taa nyaame, taa njare nyalɗe tati, jemma bee naaŋge fuu. Min e horɓe am boo, min cuumoto. Nden mi yahan haa laamiiɗo, koo to ɗum luuti umroore. Koo to ɗum yahratam haa maayde boo, mi hasdi!”

Gurtaaki 33:5

Nden Jawmiraawo wi'i Muusa: “Yeccu Isra'iila'en: Onon on yimɓe saata-ko'e'en. To mi yahdi bee mooɗon wakkati bana ma'annde yiitere tan, fakat mi nattinan on. Jonta, ɓorte fawne mooɗon. Nden kam mi anndan ko mbaɗanmi on.”

Esaaya 22:12

Allah Jawmiraawo honooɓe asama ewni on nyalaade man haa on mboya, on cuno, on pemmba ko'e mon, on kadda limce buhuuje.

Esaaya 58:4

Suumaye mon ɗon yahra on haa jokkirgol e haɓre e kutupaaje naawɗe. On cuumaaki hannde bana no haandi sakko mi nana do'aaje mon diga dow.

Yeremiya 3:22

“Lorte, onon ɓiɓɓe tuurtooɓe, haa mi hurga tuurtol mooɗon.” Yimɓe mbi'i: “Ndaa min, min ɗon ngara haa maaɗa, ngam an woni Jawmiraawo Allah amin.

Yeremiya 36:7

Teema tornde maɓɓe yottoto Jawmiraawo, ɓe fuu ɓe lortoto diga laabi maɓɓe kalluɗi. Ngam Jawmiraawo furkiti yimɓe ɓe'e bee ɓernuki mum e tikkere mum saatunde masin.”

Yeremiya 4:1

Jawmiraawo wi'i: “Onon yimɓe Isra'iila, to on ngiɗi lortaago, nden kam lorte haa am. To on itti kuuje mon nyidduɗe yeeso am, to on acci yiilaago,

Yeremiya 4:2

to on kunorake bee wi'ugo fakat Jawmiraawo o geeto, nder gooŋgaaku e nder darnuɗum e adilaaku, nden kam ummaatooje goɗɗe boo keɓan barka daliila innde Jawmiraawo, ɗe mantorto mo boo.”

Ezekiyel 33:11

Yeccu ɓe: Fakat bana min Allah Jawmiraawo mi geeto, mi seyortaako maayde kalluɗo. Mi yiɗi o acca yahdu maako hallundu, o yeeɗa. Onon Isra'iila'en, acce laabi mon kalluɗi! Koni ngiɗɗon maayugo?

Daniyel 9:3

Mi ɓaditi Jawmiraawo Allah nder do'aare e tornde e suumaye, mi jooɗi nder ndoondi e mi ɓorni limce buhuuje.

Hose'a 12:6

Kaŋko woni Jawmiraawo Allah honooɓe asama, bee innde nde yimɓe ewnorto mo.

Hose'a 12:7

Sey a lorto haa Allah maaɗa. Jogita mbooɗeeŋga e kiita gooŋɗuka, tammora Allah maaɗa foroy.

Hose'a 14:1

Doole Samariya roondo kiita aybe mum, ngam berniwol ngo'ol tuurtani Allah maagol. Yimɓe maagol ndo'oto bee kaafahi, konne'en naman ɓikkoy maagol, ceekan reedu'en maagol.

Hose'a 6:1

Hose'a wi'i: “Ngare, en lorto haa Jawmiraawo! Kaŋko o seeki en, o yamɗitinan en boo. O fiyi en, o haɓɓan kuuduuje meeɗen boo.

Yo'el 1:13

Kadde limce buhuuje, mboye, onon liman'en! Uume, onon jaggiiɓe haa hirsirde Jawmiraawo! Ngare, mbaale nder mettamɓeram, onon jagganooɓe Allah am! Ngam dokke nyaamdu e dokke dufeteeɗe ngoodaa haa suudu Allah mooɗon.

Zekariya 7:3

ɓe ƴama liman'en huuwanɓe nder haykaliiru Jawmiraawo honooɓe asama e annabi'en: “Min tokko woyugo e suumaago nder lewru jowaɓru bana min ɗonno mbaɗa duuɓi ɗuuɗɗi na?”

Zekariya 7:5

“Yeccu yimɓe lesdi e liman'en fuu: Saa'i on cuumi, on mboyi nder lewru jowaɓru e nder lewru joweeɗiɗaɓru, duuɓi cappanɗe joweeɗiɗi, bee gooŋga cuumɗon ngam am na?

Malakiya 1:9

Jonta tore Allah haa o mo'ana en. Nde nii on lii'anake mo dokke bana nii, kaŋko o yerdoto on na? Non Jawmiraawo honooɓe asama wi'i.

Kuuɗe Nelaaɓe 26:20

Mi aarti waazaago haa Damas, ɓaawoɗon haa Urusaliima e haa lesdi Yahudiya fuu e haa yimɓe ummaatooje goɗɗe boo. Mi waazi ɓe ɓe tuuba, ɓe nuɗɗina Allah, ɓe kuuwa kuuɗe kollanɗe tuubu maɓɓe.

Alkaali'en 2:4

Nde malaa'ikaajo Jawmiraawo wolwi bolle ɗe'e, Isra'iila'en mboyi bee sawtu.

Alkaali'en 20:26

Nden Isra'iila'en fuu njehi haa Baytila. Ɓe njooɗi ton yeeso Jawmiraawo, ɓe mboyi, ɓe cuumi haa kiikiiɗe waɗi. Ɓe lii'ani Jawmiraawo guleteeɗi e kirseteeɗi ngam kawtal maɓɓe bee Allah.

1 Samuyila 7:3

Samuyila wi'i Isra'iila'en: “To on muuyi loraago haa Jawmiraawo bee ɓernde woore, nden kam itte suuraaji labbi jananni e Astarot fuu. Ɗakkotire bee Jawmiraawo, njaggane mo kaŋko feere maako. Nden kam o hisnan on juuɗe Filisti'en.”

1 Samuyila 7:6

Ɓe mooɓti haa Mispa. Ɓe nyeɗi ndiyam, ɓe ndufi ɗam yeeso Jawmiraawo, ɓe cuumi nyalaade man, ɓe mbi'i: “Min mbaɗi hakke dow Jawmiraawo.” Ton haa Mispa, Samuyila wonno alkaaliijo maɓɓe.