Yo'el 1:13 - Fulfulde Bible

¹³ Kadde limce buhuuje, mboye, onon liman'en! Uume, onon jaggiiɓe haa hirsirde Jawmiraawo! Ngare, mbaale nder mettamɓeram, onon jagganooɓe Allah am! Ngam dokke nyaamdu e dokke dufeteeɗe ngoodaa haa suudu Allah mooɗon.

Fulfulde DC Bible

¹³ Kadde limce buhuuje, mboye, onon liman'en! Uume, onon jaggiiɓe haa hirsirde Jawmiraawo! Ngare, mbaale nder mettamɓeram, onon jagganooɓe Allah am! Ngam dokke nyaamdu e dokke dufeteeɗe ngoodaa haa suudu Allah mooɗon.

Yo'el 1:13 Iomraidhean Croise

2 Samuyila 12:16

Daawuda suumi, tori Allah ngam yoŋki maagel. Nde jemma waɗi fuu, o nasta suudu maako, o waalo haa lesdi.

1 Laamiiɓe 21:27

Nde Akab nani bolle ɗe'e, o seeki limce maako, o ɓorni limce buhuuje, o suumi. O waali nder limce buhuuje, o ɗonno yaha deesa-deesa.

Esaaya 22:12

Allah Jawmiraawo honooɓe asama ewni on nyalaade man haa on mboya, on cuno, on pemmba ko'e mon, on kadda limce buhuuje.

Esaaya 61:6

Ammaa onon on ewneteeɓe liman'en Jawmiraawo. Ɓe ewnan on suka'en Allah meeɗen. On nyaaman risku ummaatooje, on njurorto tedduŋgal maaje.

Yeremiya 4:8

Ngam maajum kadde limce buhuuje, mboye, uume! Ngam tikkere Jawmiraawo saatunde waylitaaki, accaay en.

Yeremiya 9:10

Jawmiraawo wi'i: “Mi laatinan Urusaliima waagaare kaa'e e lowol cuuli. Mi laatinan gure Yahuuda ladde meere nde walaa jooɗiiɓe ton.”

Ezekiyel 21:12

To ɓe ƴami ma ngam ɗume a uumata, jaaba ɓe: Ngam daliila kuuje ɗe tammi wargo. Nden ɓerɗe fuu ɓolwan, juuɗe fuu tampan, hakkiilooji fuu cakloto, koppi fuu tampan. Saa'i waɗi, jonta ɗum laatoto.” Non Allah Jawmiraawo wi'i.

Ezekiyel 27:31

ɓe pemmban gaasa ko'e maɓɓe, ɓe ɓornoto limce buhuuje. Ɓe mboyete bee ɓerɗe mettuɗe.

Ezekiyel 7:18

Ɓe ɓornoto limce buhuuje, kultoreeŋgol suddan ɓe, geese maɓɓe fuu keewan semteende, ɓe fuu ɓe pemmban gaasa ko'e maɓɓe daliila toskaare maɓɓe.

Hose'a 9:5

Ɗume mbaɗoton nyalaade fottirde, nyalaade juulde Jawmiraawo?

Yo'el 2:12

Jawmiraawo wi'i: “Koo jonta boo, lorte haa am bee ɓernde woore, bee suumaye e bojji e gonɗi!

Yo'el 2:14

Moy anndi? Teema o waylititto, o faasitan, nden o accana on barka, haa on keɓa ko on lii'anto Jawmiraawo, Allah mooɗon bana dokke nyaamdu e dokke dufeteeɗe.

Yo'el 2:17

Liman'en jagganooɓe Jawmiraawo mboya hakkunde zawleeru haykaliiru e hirsirde maaru. Sey ɓe mbi'a: “Yaa Jawmiraawo, enɗu ummaatoore ma, taa accu ɓe kuɗa yimɓe laatiiɓe maral ma, ngam taa jananɓe njanca ɓe, ngam taa ummaatooje goɗɗe mbi'a: Toy Allah maɓɓe?”

Limle 28:14

Ndaa dokke dufeteeɗe ɗe ɓesdoton: Ngam ngaari fuu liitir ɗiɗi, ngam njawdiri fuu boo liitir gootel bee reetita, liitir gootel ngam jawgel fuu. Kanjum woni umroore dow guleteeɗi nyannde go'oore lewru koo nduyeeru nder hitaande fuu.

Limle 28:4

Lii'anam jawgel gootel fajiri, gootel boo hakkunde maŋngariba bee esaa'i.

Limle 28:7

Ɓesde dokkal dufeteeŋgal haa jawgel guleteeŋgel fuu, on ndufa inaboojam liitir gootel nder suudu seniindu ngam Jawmiraawo.

Limle 29:6

Ɓesde ɗum haa guleteeɗi e dokke nyaamdu nyannde go'oore lewru, non boo haa guleteeɗi e dokke nyaamdu nyalaade nyalaade. Ɓesde dokke dufeteeɗe fodde kiitaaji darnaaɗi, haa uureeŋgol belŋgol dokke ɗe'e fuu fottana Jawmiraawo.”

1 Korintu'en 4:1

Non kadi anndite minin ngoni huuwanooɓe Almasiihu, kaliifa'en halfinaaɓe waŋgingo sirriiji Allah.

1 Korintu'en 9:13

On anndi booɗɗum no huuwooɓe nder haykaliiru ɗon keɓa nguure muuɗum'en nder haykaliiru, lii'antooɓe yimɓe kirseteeɗi dow hirsirde boo ɗon keɓa geɗal muuɗum'en haa kirseteeɗi man.

2 Korintu'en 11:23

Ɓe huuwanooɓe Almasiihu na? Sey mi wolwa bana mi ginnaaɗo: Mi ɓuri ɓe. Mi ɓuri ɓe huuwugo piw: Mi ɓuri ɓe nastineego nder cuuɗi fursina. Mi ɓuri ɓe ɓocceego. Mi ɓuri ɓe nastugo joote maayde.

2 Korintu'en 3:6

Kaŋko waawni min laataago jagganiiɓe alkawal kesal, ngal daraaki dow umrooje binndaaɗe, ammaa dow Ruuhu. Umrooje binndaaɗe ɗon njahra yimɓe haa maayde, ammaa Ruuhu ɗon yahra yimɓe haa ngeendam.

2 Korintu'en 6:4

Ammaa nder koo ɗume fuu min ɗon tiino haa min ngooŋɗina min huuwanooɓe Allah: Bee munyal ɗuuɗŋgal min ɗon munyana caɗeele e torraaji e ɓillaaje.

Wahayu Yuhanna 11:3

Mi nelan seedooɓe am ɗiɗo, ɓorniiɓe limce buhuuje, ɓe mbaɗan annabaaku nyalɗe ujineere e teemeɗɗe ɗiɗi e cappanɗe joweego (1.260).”