Yimre Suleymaanu 5:1 - Fulfulde Bible

¹ Ngarmi jarne am, deerɗam, muuyaaɗo am, mi ɗon teɓa baɗaadi e balsani am, mi ɗon nyaama njumri nder yowre am, mi ɗon yara inaboojam e kosam am. Soobiraaɓe, ngare, on nyaama, on njara, on nguykira yiide!

Fulfulde DC Bible

¹ Ngarmi jarne am, deerɗam, muuyaaɗo am, mi ɗon teɓa baɗaadi e balsani am, mi ɗon nyaama njumri nder yowre am, mi ɗon yara inaboojam e kosam am. Soobiraaɓe, ngare, on nyaama, on njara, on nguykira yiide!

Yimre Suleymaanu 5:1 Iomraidhean Croise

Laataanooji 37:25

Nden ɓe njooɗi ngam nyaamugo. Ɓe ɓaŋgti gite, ɓe ngi'i yimɓe filooɓe ɓe asŋgol Isma'iilu ɗon ngara diga Gile'at. Geelooɗi maɓɓe ɗon ndimndi uurle e ɗaccere uurnde e leɗɗe uurɗe. Ɓe ɗon njahra ɗum haa Misra.

Jabuura 147:11

Ammaa o ɗon seyoro hulɓe mo, hoolotooɓe mbooɗeeŋga maako.

Jabuura 16:3

Senaaɓe Jawmiraawo nder lesdi ndi'i, ɓe tedduɓe, mi ɗon seyoro ɓe masin.

Balndi 24:13

Ɓiŋngel am, nyaam njumri, ngam ndi wooɗi, njumri kesri welanan hunnduko ma.

Balndi 9:5

“Ngare, nyaame nyaamdu am, njare inaboojam ɗam njillumi ɗum.

Gaazoowo 2:5

Mi waɗani hoore am jarne e cuuraaɗe ngam waancugo. Mi jubi ton leɗɗe dimooje feere feere.

Yimre Suleymaanu 1:13

Bana hafre baɗaadi, non giɗaaɗo am, hafre maajum ɗon waali caka enɗi am.

Yimre Suleymaanu 4:16

Henndu woyla, fin! War, henndu fombina! War, wifu dow jarne am, sey jarne am simtina balsani fuu. Jonta giɗaaɗo am wara nder jarne mum, nyaamugo ɓiɓɓe leɗɗe cuɓaaɗe.

Yimre Suleymaanu 4:8

Muuyaaɗo am, war diga Libanon, wardu bee am diga Libanon. Diirta diga yeereere hooseere Amana, diirta hoore Seniira e Hermoon non, diga loowi barooɗe e kooseeje paaɗaaji.

Yimre Suleymaanu 6:11

Mi jippi haa jarne goorooje, haa mi laara no waadiwol hesɗitiri. Inabooje ton mbiliti na? Rummaanooje boo pinniti na?

Yimre Suleymaanu 6:2

Ndaa, giɗaaɗo am diirti haa jarne mum, o yehi haa jarne pinndi belɗi uurooji. O dilli jarne ngam durugo tokkere maako e ngam teɓugo gurguli boo.

Yimre Suleymaanu 8:1

To a laatino deerɗam, to a musinno enɗi daada am, to mi tawno ma haa yaasi, mi hebboto ma, walaa koo gooto boo yawoto yam!

Yimre Suleymaanu 8:13

An gonɗo nder jarne, ngorgiraaɓe am ɗon keɗito, townu sawtu ma, accu mi nana:

Esaaya 23:18

Ammaa bote e ngeenaari daakaareeku maagol laatanto Jawmiraawo. Ɗum mooɓtataake, ɗum sigataake, ammaa ɗum laatanto jooɗiiɓe yeeso Jawmiraawo, haa ɓe nyaama, ɓe kaara, ɓe ɓorno limce jaage.

Esaaya 5:1

Useni, acceeɗam mi yimana giɗaaɗo am e ngesa inabooje maako gimol ngo'ol: Soobaajo am woodino ngesa inabooje haa townde marnde lesdi njamri.

Esaaya 51:3

Jawmiraawo de'itinan Siyona, o yurminan bille maagol fuu. O wartiran ladde maagol bana Adnin, harde maagol bana jarne Jawmiraawo. Ngol heewan seyo e welwelo, maŋgtooje e gime.

Esaaya 53:11

Daliila torraaji ɗi o yari, o heɓan seyo fahin, o anndan o torraaki meere. Kaŋko woni suka am adiliijo. O roondi aybeeji ɗuuɗɓe, bana nii o adilinan ɓe.

Esaaya 58:11

Min Jawmiraawo mi ɗowan on foroy, mi haarnan on caka lesdi njoordi, mi semmbiɗinan i'e mon. On laatoto bana jarne cafaaɗe, bana seeɓoore nde sooyataa ndiyam.

Esaaya 61:11

Fakat bana lesdi fuɗnirta haako muuɗum, bana jarne boo fuɗnirta aawdi muuɗum, non Allah Jawmiraawo fuɗnirta adilaaku e maŋgtoore yeeso ummaatooje fuu.”

Esaaya 65:13

Ngam maajum, Allah Jawmiraawo wi'i: Suka'en am nyaaman, ammaa onon, dolo naawan on! Suka'en am njaran, ammaa onon, ɗomka naawan on! Suka'en am ceyoto, ammaa onon on cemtan!

Esaaya 66:14

On ngi'an ɗum, ɓerɗe mon ceyoto, i'e mon kesɗitan bana huɗo hecco.” Juŋngo Jawmiraawo waŋganan suka'en maako. Ammaa konne'en maako maatan tikkere maako.

Matta 25:40

Laamiiɗo jaaboto ɓe: Gooŋga mbi'anmi on: Ko on mbaɗani gooto nder deerɗiraaɓe am ɓurɓe leesugo ɓe'e, min on mbaɗani.

Luka 12:4

“Mi ɗon wi'a on ɗum, onon soobiraaɓe am: Taa kule waawanɓe mbarugo ɓanndu, ammaa ɓe mbaawataa waɗugo koo ɗume ko ɓuri non.

Yuhanna 3:29

Ɓaŋɗo, kaŋko woni marɗo debbo man. Ammaa soobaajo ɓaŋɗo dariiɗo kommbi maako, nananɗo sawtu ɓaŋɗo, seyorto nanugo sawtu ɓaŋɗo masin. Bana non seyo am boo, ngo heewi jonta.

Kuuɗe Nelaaɓe 11:29

Pukara'en mbaɗi anniya, koo moy maɓɓe nelda ko o waawi ngam wallugo nuɗɗinɓe wonɓe lesdi Yahudiya.

Efesu'en 5:18

Taa nguyke, ngam nguykinoojam yahran haa daakaareeku. Ndikka on acca Ruuhu Allah heewa nder mooɗon.

Wahayu Yuhanna 22:17

Ruuhu e ɓaŋgeteeɗo mbi'i: “War!” Koo moy nani ɗum, sey wi'a: “War!” Koo moy ɗomɗi, sey wara. Koo moy yiɗi, sey jaɓa ndiyam ngeendam caahu.

Alkaali'en 14:11

Nde Filisti'en ngi'i Samson, ɓe neli sukaaɓe cappanɗe tato ngam haa ɓe ngonda bee maako.

Alkaali'en 14:20

Nden ɓe te'ni debbo maako haa waloojo maako.