Yeremiya 9:16 - Fulfulde Bible

¹⁶ Ndaa nii Jawmiraawo honooɓe asama wi'i: “Kakkile, ewne rewɓe woyooɓe e annduɓe gimi cunooji ɓe ngara.”

Fulfulde DC Bible

¹⁶ Ndaa nii Jawmiraawo honooɓe asama wi'i: “Kakkile, ewne rewɓe woyooɓe e annduɓe gimi cunooji ɓe ngara.”

Yeremiya 9:16 Iomraidhean Croise

Nehemiya 1:8

Useni, siftor wolde nde umruɗa jaggiiɗo ma Muusa. A wi'i mo: To on zammbake yam, mi saŋkitan on nder ummaatooje.

Jabuura 106:27

o mbaran danygol maɓɓe caka ummaatooje, o saŋkitan ɓe nder lesɗe jananne.

Gaazoowo 12:5

Yimɓe miijoto nokkuuje towɗe, ɓe kulan waancugo boo. Lawjahi ɗon finna, mbaɓɓattu boo fiiran bee bone, ko welnata nyaamdu boo welnataa. Koo moy yahan haa saare mum duumiinde, woyanɓe mo taaroto dow laawol.

Yeremiya 13:24

Mi saŋkitan on bana henndu ladde wifirta nyaande.

Yeremiya 24:10

Mi ukkanan ɓe konu e weelo e nyawu kalluŋgu ndaaɓoowu, haa ɓe natta nder lesdi ndi ndokkumi ɓe e kaakiraaɓe maɓɓe.”

Yeremiya 25:27

Nden Jawmiraawo wi'i yam: “Yeccu yimɓe, ndaa nii Jawmiraawo honooɓe asama, Allah Isra'iila wi'i: Njare haa on nguyka, on tuuta, haa on ndo'o, on ummitittaako ngam daliila kaafahi ki neldanmi caka mooɗon.

Yeremiya 29:17

Ndaa nii Jawmiraawo honooɓe asama wi'i: Mi nelan konu e weelo e nyawu kalluŋgu ndaaɓoowu caka maɓɓe. Mi laatinan ɓe bana ibbe nyolɗe ɗe yimɓe ngiɗaa nyaamugo ngam ɗe mbonnake masin.

Yeremiya 44:27

Mi tiɗɗinan waɗugo on sarru, naa hayru. Onon yimɓe Yahuuda wonɓe haa Misra, on fuu on maayran bee kaafahi e bee weelo, haa to on nattidi fuu.

Yeremiya 7:29

Onon yimɓe Urusaliima, laɓe ko'e mooɗon, ngudine gaasa mooɗon! Ngime yimre boyki dow towndiije cooke, ngam min Jawmiraawo mi wudini yidere umminiinde tikkere am.

Yeremiya 8:19

Ndaa, mi ɗon nana wookaandu ummaatoore am diga lesdi daayiindi: Jawmiraawo wurtake Siyona na? Laamiiɗo maako walaa ton na? Jawmiraawo ƴami: Koni ɓe tikkini yam bee suuraaji maɓɓe, labbi jananni meereeji?

Ezekiyel 11:17

Ngam maajum yeccu ɓe: Ndaa nii Allah Jawmiraawo wi'i: Mi mooɓtoyan on diga caka ummaatooje, mi hawritan on diga lesɗe ɗe mi saŋkititno on, mi hokkitan on lesdi Isra'iila.

Ezekiyel 12:15

Nden ɓe paaman min woni Jawmiraawo, saa'i caŋkitanmi ɓe caka ummaatooje, haa lesɗe jananne.

Ezekiyel 14:17

Malla to mi ukki kaafahi dow lesdi man, to mi umri ki ki saalo e maari ngam mi nattina yimɓe e dabbaaji ton,

Ezekiyel 20:23

Nder ladde boo, mi ɓaŋgti juŋngo am mi huni hunayeere haa mi saŋkita ɓe caka ummaatooje lesɗe feere feere,

Ezekiyel 27:2

“Ɓii-Aadama, waɗ gimol ngam woyugo Tirus,

Ezekiyel 5:12

Yeɓre mon woore nder tati maayan bee nyawu kalluŋgu ndaaɓoowu e weelo, yeɓre mon woore nder tati boo kaafahi do'an nde haa ko taari on, yeɓre luttunde boo, mi saŋkitan nde haa alkibilaaji fuu, mi losan kaafahi, mi taasnan nde.

Ezekiyel 5:2

Wul yeɓre woore bee yiite haa caka berniwol to nyalɗe kippol maagol timmi. Hoo'u yeɓre woore, ta'u nde bee kaafahi nder taarde berniwol fuu. Saŋkitit yeɓre tataɓre haa henndu. Min boo mi taasnan ɗum bee kaafahi losaaki.

Farillaaji Lewi'en 26:33

Mi saŋkitan on nder ummaatooje goɗɗe, mi fartan on bee kaafahi losaaki. Lesdi mon laatoto ladde meere, berniiji mon laatoto bille.

Amos 5:16

Ngam maajum Allah Jawmiraawo, honooɓe asama wi'i: “Haa babe fuu yimɓe mboyan. Dow laabi fuu yimɓe mbi'an: Kayya! Kayya! Ɓe ewnoto remooɓe haa pellel suno, non boo rewɓe annduɓe gimi boyki.

Mika 2:4

Saa'i man ɓe njancan on, ɓe ngiman gimol boyki bana ni'i: Jinni! En nattinaama! Ɓe njaɓti maral ummaatoore am! Noy ɓe njaɓtiri ngal diga am! Ɓe cenndani tuurtooɓe gese men!”

Zekariya 7:14

Mi saŋkiti ɓe caka ummaatooje koo ɗeye fuu ɗe ɓe anndaano. Lesdi wilaama ɓaawo dilluki maɓɓe, walaa caalotooɗo ton. Ɓe ngartiri lesdi mboondi go ladde meere.”

Tooktaaki Tawreeta 28:25

Jawmiraawo accan konne'en mon njaalo on. On ngurtorto laawol gootol haɓoygo bee maɓɓe, ammaa on ndoggiran laabi joweeɗiɗi yeeso maɓɓe. Laamuuji nder duniyaaru fuu kultoran to ɗi ngi'i ko heɓi on.

Tooktaaki Tawreeta 28:36

Jawmiraawo dahan on, onon e laamiiɗo mo on laamini dow mooɗon haa lesdi njananndi ndi on meeɗaay anndugo, koo onon koo kaakiraaɓe mon. Ton on njagganto ɗowanteeɓe ɓe leɗɗe e kaa'e.

Tooktaaki Tawreeta 28:64

Jawmiraawo saŋkitan on caka ummaatooje fuu, diga keerol duniyaaru ngo'ol haa ngola. Ton on njagganto ɗowanteeɓe woɗɓe, huuwraaɓe bee leɗɗe e kaa'e, ɓe on anndaa, kaakiraaɓe mon boo anndaa.

Tooktaaki Tawreeta 32:26

Mi anniyino nattingo ɓe fuu, ngam taa goɗɗo meeta siftorgo inɗe maɓɓe.

Tooktaaki Tawreeta 4:27

Jawmiraawo saŋkitan on caka ummaatooje. Luttanɓe mon haa lesdi Jawmiraawo, Allah mooɗon yahrata on ton ɗuuɗataa.

Yaakuba 1:1

Min, Yaakuba maccuɗo Allah e Jawmiraawo men Yeesu Almasiihu, mi hoofni le'i Isra'iila sappo e ɗiɗi caŋkitiiɗi haa duniyaaru.