Yeremiya 7:6 - Fulfulde Bible

⁶ Taa ɓille hoɗɓe e atiime'en e rewɓe yurumɓe. Acce mbarugo yimɓe ɓe ngalaa aybe haa ɗo. Taa tokke ɗowanteeɓe woɗɓe, ngam taa on kalka.

Fulfulde DC Bible

⁶ Taa ɓille hoɗɓe e atiime'en e rewɓe yurumɓe. Acce mbarugo yimɓe ɓe ngalaa aybe haa ɗo. Taa tokke ɗowanteeɓe woɗɓe, ngam taa on kalka.

Yeremiya 7:6 Iomraidhean Croise

2 Laamiiɓe 21:6

O lii'i ɓiyiiko gorko, o wulani labbi. O waɗi hatti, o darni sarwotooɓe maayɓe e laarooɓe sirriijum. O ɗuɗɗini kalluɗum yeeso Jawmiraawo ngam haa o tikkina mo.

2 Laamiiɓe 24:4

o mbari yimɓe ɗuuɗɓe ɓe ngoodaa aybe, o hebbini berniwol Urusaliima bee ƴiiƴam maɓɓe haa Jawmiraawo yiɗaa yaafaago fahin.

Jabuura 106:38

ɓe ndufi ƴiiƴam yimɓe ɓe ngalaa aybe, ƴiiƴam ɓiɓɓe maɓɓe worɓe e rewɓe. Ɓe kirsi ɓe ngam labbi Kanaani'en, lesdi soɓi bee ƴiiƴam maɓɓe.

Balndi 23:10

Taa sottin keerol ngesa atiime'en ngam mawningo maral ma.

Esaaya 59:7

Kosɗe maɓɓe ɗon njaawɗa haa ɓe mbaɗa kalluɗum, ɓe ɗon njaawa rufugo ƴiiƴam yimɓe ɓe ngalaa aybe. Ɓe ɗon numa haala sarru tan. Bonnonda e halkere waɗan koo toy ɓe njehi fuu.

Yeremiya 13:10

Yimɓe ummaatoore hallunde nde'e cali nanango yam, ɓe ɗon mbaɗa ko ɓerɗe maɓɓe caatuɗe ngiɗi, ɓe ɗon cujidana ɗowanteeɓe woɗɓe, ɓe ɗon ɗowtano ɓe. Ɓe laatoto bana taadorgol ngo'ol ngol nafataa sam!

Yeremiya 19:4

Mi waɗan ɗum ngam yimɓe acci yam, ɓe cannji nokkuure nde'e bee wulugo uurle ngam ɗowanteeɓe jananɓe haa yimɓe annditaay nde. Koo kamɓe, koo kaakiraaɓe maɓɓe, koo laamiiɓe Yahuuda, walaa mo anndino ɗowanteeɓe ɓe'e. Ɓe kebbini nokkuure nde'e bee ƴiiƴam yimɓe mbaraaɓe ɓe ngalaa aybe.

Yeremiya 2:30

“Mi ɓocci ɓiɓɓe mooɗon, ammaa ɗum nafaay, ɓe njaɓaay elto. Kaafahi mooɗon mbari annabi'en bana mbarooga zammbotoowa.

Yeremiya 2:34

Ƴiiƴam laafuɓe ɓe ngalaa aybe ɗon haa gawarle limce mooɗon, koo nde on tawaay ɓe ɗon nasta cuuɗi mooɗon ngam wujjugo. Ammaa bee non fuu

Yeremiya 26:15

Ammaa annde fakat: To on mbari yam, nden kam on mbari goɗɗo mo walaa aybe, on ndoondoto aybe ƴiiƴam dow ko'e mon e dow berniwol ngo'ol e dow yimɓe maagol. Ngam gooŋga, Jawmiraawo neli yam haa mooɗon, mi yecca on kuuje ɗe'e fuu.”

Yeremiya 26:23

Ɓe ngaddi Uriya diga ton, ɓe njahri mo yeeso laamiiɗo Yooyakim. O mbari mo, o wudini mo nder ngaska ngoota bee mbaraaɓe woɗɓe.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 5:28

Ɓe payi, ɓe tekki. Halleende maɓɓe ɓuri semmbe. Ɓe kiitataako fodde kiita ngooŋɗuka. Ɓe ngooŋɗintaa haala atiime'en, ammaa ɓe ɗon keɓa hayru, ɓe njiŋngataa laafuɓe.

Yeremiya 7:5

Mbo'ine yahdu mooɗon e kuuɗe mooɗon, mbaɗe kiita ngooŋɗuka hakkunde mooɗon.

Yeremiya 7:9

On ɗon ngujja, on ɗon mbara, on ɗon mbaɗa njeenu, on ɗon kuno pewe, on ɗon ngula uurle ngam Ba'al, on ɗon tokko ɗowanteeɓe ɓe on anndaa.

Gimi Boyki 4:13

Ammaa ɗum laati non! Ngam liman'en e annabi'en mbaɗno hakke. Ƴiiƴam yimɓe ɓe ngalaa aybe, ɓe ndufi ɗam nder berniwol.

Ezekiyel 18:6

mo nyaamataa kirsanaaɗum labbi dow kooseeje, mo rewataa labbi yimɓe Isra'iila, mo toskintaako debbo keeddiɗɗum, mo waaldataa bee kayloowo boo.

Ezekiyel 22:7

Yimɓe nder maaɗa ɗon njawo saaro'en muuɗum'en. Ɓe ɗon toonyo hoɗɓe, ɓe ɗon ɓilla atiime'en e rewɓe yurumɓe.

Farillaaji Lewi'en 19:33

Taa ɓille jananɓe jooɗiiɓe nder lesdi mon.

Farillaaji Lewi'en 25:17

Taa goɗɗo waɗa keeddiɗɗum rikici. Kule Allah mooɗon, ngam min woni Jawmiraawo, Allah mooɗon.”

Malakiya 3:5

Jawmiraawo honooɓe asama wi'i: “Mi waranan on ngam kiita. Mi yaawɗoto laataago ceedoowo dow waɗooɓe hiila e jeenooɓe e seedooɓe fewre, dow waɗanɓe huuwooɓe muuɗum'en rikici bee ngeenaari, dow toonyooɓe rewɓe yurumɓe e atiime'en, dow waɗanɓe aybe heedi jananɓe e dow yimɓe ɓe kulataa yam.”

Matta 27:25

Ummaatoore fuu wi'i: “Ƴiiƴam maako yowo dow amin e ɓiɓɓe amin!”

Matta 27:4

O wi'i ɓe: “Mi waɗi hakke, ngam mi zammbi goɗɗo mo walaa aybe.” Ammaa ɓe mbi'i mo: “Walaa ko yaali min! Ɗum haala maaɗa!”

Tooktaaki Tawreeta 11:28

Ammaa naaloore laatanto on, to on ɗowtanaaki umrooje Jawmiraawo, Allah mooɗon ɗe'e, to on celi laawol ngol umranmi on hannde, ngam on tokko ɗowanteeɓe jananɓe.

Tooktaaki Tawreeta 24:17

Taa cottine gooŋga jananno malla atiimeejo yeeso kiita. Taa kooce limce debbo jurumɗo jeŋngina.

Tooktaaki Tawreeta 27:19

Naaloore dow koo moy cottinanɗo gooŋga jananɓe e atiime'en e rewɓe yurumɓe haa kiita! Ummaatoore fuu jaabo: Aamiina!

Tooktaaki Tawreeta 8:19

To on ngejjiti Jawmiraawo, Allah mooɗon, to on tokkake ɗowanteeɓe woɗɓe, on teddini ɓe, on njagganake ɓe, nden kam on kalkan fakat! Mi ɗon seedo on ɗum hannde.

Yaakuba 1:27

Ndaa ko hollata diina gooŋgaaha e ceniika yeeso Allah Baabiraawo: Hakkilango atiime'en e rewɓe yurumɓe nder ɓillaare maɓɓe e aynugo hoore muuɗum ngam taa duniyaaru soɓna ɗum.