Yeremiya 7:30 - Fulfulde Bible

³⁰ Jawmiraawo wi'i: “Yimɓe Yahuuda mbaɗi kalluɗum yeeso am, ɓe njo'ini labbi maɓɓe nyidduɗi nder suudu senaandu ngam am, ɓe coɓni ndu.

Fulfulde DC Bible

³⁰ Jawmiraawo wi'i: “Yimɓe Yahuuda mbaɗi kalluɗum yeeso am, ɓe njo'ini labbi maɓɓe nyidduɗi nder suudu senaandu ngam am, ɓe coɓni ndu.

Yeremiya 7:30 Iomraidhean Croise

2 Laamiiɓe 21:3

O nyiɓti nokkuuje towɗe ɗe baaba maako Hezekiya yibbinno go. O mahani Ba'al kirsirɗe, o waɗi suura Asera, bana Akab laamiiɗo Isra'iila waɗno ɗum. O sujidani tagle asama fuu, o rewi ɗe.

2 Laamiiɓe 21:4

O nyiɓi kirsirɗe ngam labbi nder haykaliiru Jawmiraawo, ndu Jawmiraawo wi'no: “Mi tabitinan innde am nder Urusaliima.”

2 Laamiiɓe 21:7

O sehi suura Asera, o darni ka nder haykaliiru. Jawmiraawo wi'no Daawuda e ɓiyum Suleymaanu boo: “Haa haykaliiru ndu'u e haa Urusaliima, berniwol ngol cuɓmi caka berniiji le'i Isra'iila sappo e ɗiɗi fuu tabitinanmi innde am haa foroy.

2 Laamiiɓe 23:12

O yibbini kirsirɗe ɗe laamiiɓe Yahuuda mbaɗno dow soorowol Akas haa dow, non boo ɗe Manassa waɗno haa babe ɗiɗi nder haykaliiru Jawmiraawo. Laamiiɗo sampiti ɗe fuu, rufi keeɗe man haa waadiwol Kederon.

2 Habaruuji Nyalaaɗe 33:15

O wurtini labbi jananni e suura lawru diga haykaliiru Jawmiraawo. O itti kirsirɗe ɗe o nyiɓno haa hooseere haykaliiru Jawmiraawo e Urusaliima. O wudini kuuje ɗe'e fuu yaasi berniwol.

2 Habaruuji Nyalaaɗe 33:3

O nyiɓti nokkuuje towɗe ɗe baaba maako Hezekiya yibbinno go. O mahani Ba'alji kirsirɗe, o waɗi suuraaji Asera, o sujidani tagle asama fuu, o rewi ɗe.

2 Habaruuji Nyalaaɗe 33:7

O darni suura lawru cehaaŋga nder haykaliiru Allah, ndu Allah wi'no Daawuda e ɓiyum Suleymaanu boo: “Haa haykaliiru Urusaliima ndu'u, berniwol ngol cuɓmi caka berniiji le'i Isra'iila sappo e ɗiɗi fuu haa innde am wona ton haa foroy.

Esaaya 66:4

Ngam maajum min boo mi suɓanan ɓe sarru, mi ukkanan ɓe ko hulnata ɓe. Ngam mi ewni ɓe, ammaa walaa jaabiiɗo. Mi wolwi, ammaa ɓe nanaay, ɓe mbaɗi kalluɗum yeeso am, ɓe cuɓi ko fottanaay yam sam.”

Yeremiya 16:18

Mi waatoto aybe maɓɓe e hakkeeji maɓɓe cowi ɗiɗi. Ngam ɓe coɓni lesdi am bee labbi maɓɓe maayɗi, ɓe kebbini maral am bee kuuje maɓɓe nyidduɗe.”

Yeremiya 23:11

Jawmiraawo wi'i: Annabi'en e liman'en mbonnake, mi tawi halleende maɓɓe koo nder suudu am boo.

Yeremiya 32:34

Ko ɓuri hallugo boo, ɓe njo'ini labbi maɓɓe nyidduɗi nder suudu senaandu ngam am, ɓe coɓni ndu.

Yeremiya 32:35

Ɓe mahi towndiije ngam Ba'al nder waadiwol Ɓii-Hinnom, haa ɓe ngula ɓiɓɓe maɓɓe worɓe e rewɓe bana kirsaaɗi ngam lawru Molek. Min mi umraay ɓe waɗugo ɗum, mi meeɗaay koo numugo ɗum. Ammaa kamɓe ɓe mbaɗi nyidduɗum ɗu'um, ɓe nastini yimɓe Yahuuda nder hakke.”

Ezekiyel 7:20

Ɓe mantori kuuje maɓɓe marɗe saman, ɓe mbaɗi labbi e kuuɗe nyidduɗe bee maaje. Ngam maajum ngartiranmi ɗum fuu coɓɗum ngam maɓɓe.

Ezekiyel 8:3

Ɗum forti ko nanndi bee juŋngo, naŋngi gaasa hoore am. Nder wahayuuji Allah ɗi ngi'mi, Ruuhu eeŋgini yam, yahri yam hakkunde asama e lesdi, yahri yam haa Urusaliima, jippini yam haa dammugal woylawal ngal daldal haykaliiru nderwal. Haa nokkuure man, ndaa suura umminanka kaajal Jawmiraawo.

Daniyel 11:31

Honooɓe ɓe o neli ummoto, ɓe coɓnan nokkuure seniinde laatiinde hisrude. Ɓe kaɗan lii'anaago Allah kirseteeɗi nyalaade nyalaade, ɓe njo'inan ko wi'ete nyidduɗum nattinoojum.

Daniyel 9:27

Ardiiɗo go haɓɓan e tabitinan alkawal bee yimɓe ɗuuɗɓe ngam duuɓi joweeɗiɗi. Ɓaawo duuɓi tati bee reeta o haɗan lii'anaago Allah kirseteeɗi e dokke. Haa wakeere nyiddunde, nattinoowo daroto haa to timmoode nde Allah taynori yotti dow maako.”