Yeremiya 7:3 - Fulfulde Bible

³ Ndaa nii Jawmiraawo honooɓe asama, Allah Isra'iila wi'i: Mbo'ine yahdu mooɗon e kuuɗe mooɗon, haa mi acca on on njooɗo haa nokkuure nde'e.

Fulfulde DC Bible

³ Ndaa nii Jawmiraawo honooɓe asama, Allah Isra'iila wi'i: Mbo'ine yahdu mooɗon e kuuɗe mooɗon, haa mi acca on on njooɗo haa nokkuure nde'e.

Yeremiya 7:3 Iomraidhean Croise

2 Laamiiɓe 17:13

Jawmiraawo reentinino Isra'iila e Yahuuda bee kunnduɗe annabi'en e yi'ooɓe fuu, o wi'no ɓe: “Tuube, acce laabi mooɗon, ɗowtane umrooje am e farillaaji am fodde tawreeta ka umrumi kaakiraaɓe mooɗon fuu, ka neldumi on bee annabi'en, jaggiiɓe am.”

Esira 10:11

Ngam maajum mbaŋgine hakke mooɗon yeeso Jawmiraawo, Allah kaakiraaɓe mooɗon. Mbaɗe ko fottani mo: Cenndire bee ummaatooje goɗɗe gonɗe nder lesdi, ceere rewɓe mon jananɓe boo.”

Balndi 28:13

Cuuɗanɗo aybeeji mum heɓataa jaalorgal, ammaa mo waŋgini ɗi, acci ɗi, heɓan hinnuye.

Esaaya 55:7

Sey kalluɗo acca laawol mum, marɗo hakke acca numooji mum. O lorto haa Jawmiraawo, kaŋko boo o enɗan mo. O lorto haa Allah men, ngam o yaafoto ɗuuɗɗum.

Yeremiya 17:25

Nden kam laamiiɓe mon e ardiiɓe mon njooɗoto dow leeso laamu Daawuda. Ɓe mba'oto pucci e mootaaji pucci, kamɓe ɓe nastiran dammuɗe berniwol ngo'ol. Non boo yimɓe Yahuuda e Urusaliima. Yimɓe njooɗoto haa berniwol ngo'ol foroy.

Yeremiya 18:11

Jonta kadi, yeccu yimɓe Yahuuda e jooɗiiɓe haa Urusaliima: Ndaa nii Jawmiraawo wi'i: Mi ɗon taaskano on sarru, mi ɗon nufano on huunde hallunde. Lorte diga laabi mon kalluɗi, mbo'itine laabi mon e kuuɗe mon!

Yeremiya 18:8

Ammaa to ummaatoore man wayliti, acci halleende muuɗum, nden kam mi faasitan waɗugo kalluɗum ko mbi'mi dow maare.

Yeremiya 26:13

Ammaa jonta mbo'ine laabi mon e kuuɗe mon kadi. Nane bolle Jawmiraawo Allah mon. Nden kam Jawmiraawo faasitan ukkango on sarru ngu o wi'no.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 35:16

Ɓiɓɓe Yonadabu ɓii Rekab ɗowtani umrooje kaakiraawo muuɗum'en, ammaa ummaatoore nde'e ɗowtanaaki yam.

Yeremiya 4:1

Jawmiraawo wi'i: “Onon yimɓe Isra'iila, to on ngiɗi lortaago, nden kam lorte haa am. To on itti kuuje mon nyidduɗe yeeso am, to on acci yiilaago,

Yeremiya 6:16

Ndaa nii Jawmiraawo wi'i: “Ndare haa laabi, ndaare laabi ɓooymaaji, ƴame laawol ngole wooɗi, nden tokke ngol, haa on keɓa de'ere ngam yoŋkiiji mooɗon. Ammaa on njaabi: Min tokkataako ngol!

Yaakuba 4:8

Ɓadite Allah, kaŋko boo o ɓadititto on. Laɓɓine juuɗe mooɗon, onon hakke'en. Cene ɓerɗe mooɗon, onon sakliiɓe.