Yeremiya 7:26 - Fulfulde Bible

²⁶ Ammaa on nanaay, on kakkilaay. Ko'e mooɗon caati, on mbaɗi kalluɗum ko tulli kaakiraaɓe mooɗon.

Fulfulde DC Bible

²⁶ Ammaa on nanaay, on kakkilaay. Ko'e mooɗon caati, on mbaɗi kalluɗum ko tulli kaakiraaɓe mooɗon.

Yeremiya 7:26 Iomraidhean Croise

1 Laamiiɓe 14:22

Yimɓe Yahuuda mbaɗi kalluɗum yeeso Jawmiraawo, ammaa ɓe mbaɗi hakkeeji ko tulli kaakiraaɓe maɓɓe fuu. Bana nii ɓe ummini kaajal Jawmiraawo.

1 Laamiiɓe 14:9

Ammaa an a tulli aartuɓe ma fuu. A yehi, a huuwani hoore ma ɗowanteeɓe woɗɓe e suuraaji ɓolinaaɗi ngam tikkingo yam, a wudini yam ɓaawo ma.

2 Laamiiɓe 17:14

Ammaa ɓe cali nanugo ɗum, ɓe caatini ko'e maɓɓe bana kaakiraaɓe maɓɓe, salnooɓe nuɗɗingo Allah Jawmiraawo maɓɓe.

2 Laamiiɓe 17:15

Ɓe ngudini umrooje maako e alkawal ngal o haɓɓuno bee kaakiraaɓe maɓɓe e seedamkuuji maako ɗi o seedni ɓe. Ɓe tokki labbi meereeji, ɓe mbaɗi meereejum. Ɓe tokki al'aada ummaatooje taariiɗe ɓe, koo nde Jawmiraawo umruno ɓe taa ɓe mbaɗa bana ɓeya.

2 Habaruuji Nyalaaɗe 30:8

Jonta kam, taa caatine ko'e mon bana kaakiraaɓe mon. Ɗowtane Jawmiraawo, ngare haa haykaliiru maako ndu o seni haa foroy. Njaggane Allah Jawmiraawo mon, ngam haa tikkere maako saatunde acca on.

2 Habaruuji Nyalaaɗe 33:10

Jawmiraawo wolwani Manassa e yimɓe mum, ammaa ɓe cali nanugo.

2 Habaruuji Nyalaaɗe 33:23

O leestinaay hoore maako yeeso Jawmiraawo bana baaba maako leestiniri nde. Amon ɗuɗɗini aybeeji mum.

Nehemiya 9:29

A reentini ɓe ngam haa ɓe lorto haa tawreeta maaɗa. Ammaa ɓe mawniti, ɓe ɗowtanaaki umrooje ma, ɓe mbaɗi hakke dow kiitaaji ma. Kanji, to goɗɗo tokkake ɗi, o yeeɗan. Ɓe ngaylitani ma ɓaawe, ɓe caatini ko'e maɓɓe, ɓe cali ɗowtaago.

Balndi 29:1

Caatinanɗo hoore mum nde woɗɓe ɗon pela ɗum, o geweteeɗo bee juhuki, walaa hurgaago.

Esaaya 48:4

Mi anndi ko'e mon caati bana njamndi, bana njamndi mboɗeeri.

Esaaya 5:4

Koni ka rimaay ɓiɓɓe belɗe, sey lammuɗe? Ko ngejjititmi huuwugo ka? Mbi'e ko lutti!

Yeremiya 11:8

Ammaa ɓe nanaay, ɓe kakkilaay. Koo moy tokki ɓernde mum saatunde, hallunde. Mi umri ɓe ɓe ɗowtano alkawal, ammaa ɓe cali. Ngam maajum mi ukkani ɓe kiita ka winnda nder maagal fuu.”

Yeremiya 16:12

Onon boo on mbaɗi kalluɗum ko ɓuri kaakiraaɓe mooɗon. Koo moy mooɗon ɗon waɗa ko ɓernde mum saatunde, hallunde yiɗi, on nanantaa yam.

Yeremiya 17:23

Kamɓe ɓe nananaay yam, ɓe kakkilaay, ammaa ɓe caatini ko'e maɓɓe, ɓe cali nanango yam, ɓe njaɓaay elto am.”

Yeremiya 19:15

“Ndaa nii Jawmiraawo honooɓe asama, Allah Isra'iila wi'i: Mi yahran sarru dow berniwol ngo'ol e gure maagol fuu, bana ko mbi'mi. Ngam on caatini ko'e mooɗon, on cali ɗowtanaago bolle am.”

Yeremiya 22:21

Mi wolwani ma saa'i a jooɗi jam, ammaa a sali nanugo. Bana non kuuwruɗa diga a derkeejo tawon, a yiɗaa ɗowtanaago yam.

Yeremiya 25:3

“Diga nduuɓu Yusiya ɓii Amon, laamiiɗo Yahuuda, sappo e tataɓu, haa wargo hannde, waato duuɓi noogas e tati, mi tokki yeccugo on ko Jawmiraawo anndini yam, ammaa on nanaay.

Yeremiya 25:7

Jawmiraawo bee hoore mum wi'i: On cali nanango yam. Ammaa on tikkini yam bee labbi ɗi mbaɗɗon. Bana nii on njaanyani ko'e mooɗon sarru.”

Yeremiya 26:5

kakkilane bolle sukaaɓe am annabi'en ɓe tokkiimi nelugo haa mooɗon. Ammaa on nanaay.

Yeremiya 29:19

Kanjum fuu ɗum laatoto ngam ɓe ɗowtanaaki bolle am ɗe tokkiimi neldugo haa maɓɓe bee kunnduɗe sukaaɓe am annabi'en, ɓe cali nanugo. Non Jawmiraawo wi'i.

Yeremiya 3:13

“Annditit aybe ma tan: A tuurtani Jawmiraawo Allah maaɗa, a rewi labbi jananni les leɗɗe kecce fuu, a nanaay bolle am.” Non Jawmiraawo wi'i.

Yeremiya 32:23

Ammaa nde ɓe nasti ndi, ɓe mari ndi, ɓe ɗowtanaaki ma, ɓe ɗowtanaaki tawreeta ma. Ɓe mbaɗaay ko a umruno ɓe waɗugo fuu. Ngam maajum a ukkani ɓe sarru ngu'u fuu.

Yeremiya 34:14

Nde duuɓi joweeɗiɗi njaalti fuu, sey ɓe njoofa banndiraaɓe maɓɓe Ibraniŋke'en soorruɓe ko'e muuɗum'en haa jaagorɓe muuɗum'en nde nii ɓe kuuwani ɓe duuɓi joweego. Ammaa kaakiraaɓe mon ɗowtanaaki yam, ɓe kakkilanaay ko mbi'mi ɓe.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 35:17

Ngam maajum min Jawmiraawo honooɓe asama, Allah Isra'iila, mi wi'i: Onon yimɓe Yahuuda e jooɗiiɓe nder Urusaliima, mi ukkanan on sarru ngu mbi'mi on fuu. Ngam mi wolwani on, ammaa on nanaay, mi ewni on, ammaa on njaabaaki.”

Yeremiya 44:16

“Min nanataa ko mbi'ɗa min bee innde Jawmiraawo.

Yeremiya 5:3

Yaa Jawmiraawo, naa gite maaɗa ɗon kuuciti dow gooŋga na? A ɓocci ɓe, ammaa ɗum naawaay ɓe. A ɓadake nattingo ɓe, ammaa ɓe njaɓaay elto. Ɓe caatini ko'e maɓɓe ko ɓuri hayre, ɓe cali tuubugo.

Yeremiya 6:10

Mi ƴami: “Moy mbolwananmi, moy ceedinanmi haa ɓe nana ɗum? Keefeeraaku maɓɓe haɗi ɓe nanugo. Wolde Jawmiraawo laatani ɓe huunde jalnaare, fottantaa ɓe.

Yeremiya 6:17

Nden mi darni aynooɓe ngam mooɗon, ɓe mbi'i: Kakkilane hoolo luwal! Ammaa onon on mbi'i: Min kakkilantaa ɗum!

Yeremiya 7:24

Ammaa ɓe ɗowtaaki, ɓe kakkilaay. Ndaa ko ɓe mbaɗi: Ɓe tokki nufayeeje ɓerɗe maɓɓe caatuɗe, kalluɗe. Ɓe ngaylitani yam ɓaawe maɓɓe, naa geese maɓɓe.

Yeremiya 9:13

Ammaa ɓe tokki ɓerɗe maɓɓe caatuɗe, ɓe ɗowtani Ba'alji bana baabiraaɓe maɓɓe ekkitiniri ɓe.

Ezekiyel 12:2

“Ɓii-Aadama, a ɗon jooɗi caka tuurtooɓe. Ɓe ngoodi gite, ammaa ɓe ngi'ataa. Ɓe ngoodi noppi, ammaa ɓe nanataa, ngam ɓe tuurtooɓe.

Ezekiyel 12:3

An, ɓii-Aadama, haɓɓu kuuje ma bana daheteeɗo. Dillu bee nyalawma gite maɓɓe, bana daheteeɗo. Yah bana daheteeɗo diga nokkuure ma haa nokkuure woɗnde, gite maɓɓe. Teema ɓe ngi'an, ɓe paaman ɓe tuurtooɓe.

Ezekiyel 20:30

Ngam maajum yeccu yimɓe Isra'iila ni'i: Ndaa nii Allah Jawmiraawo wi'i: Onon on coɓni ko'e mooɗon bee tokkaago ko kaakiraaɓe mooɗon mbaɗno, on mbaɗi daakaareeku bee kuuɗe nyidduɗe ɗe ɓe kuuwno.

Daniyel 9:6

Min nananaay jaggiiɓe ma annabi'en, wolwanɓe laamiiɓe amin e mawɓe amin e kaakiraaɓe amin e ummaatoore lesdi amin fuu bee innde ma.

Hose'a 11:7

Ummaatoore am ɗon tabiti nder gudinki nuɗɗinki maare. Nde ewnaama ngam ummaago, ammaa nde daraaki.

Zekariya 7:11

Ammaa yimɓe cali nanugo. Ɓe ngayliti ɓaawo, ɓe cukki noppi maɓɓe ngam taa ɓe nana.

Malakiya 3:7

Diga saa'i kaakiraaɓe mon on celi laawol farillaaji am, on ɗowtanaaki ɗi. Lorte haa am! Nden kam mi loroto haa mooɗon.” Non Jawmiraawo honooɓe asama wi'i. “Ammaa on ɗon mbi'a: Noy min lortorto?

Matta 21:38

Ammaa nde remooɓe ngi'i ɓiyiiko, ɓe mbi'i hakkunde maɓɓe: Ndaa, kaŋko woni donoowo. En mbara mo ngam haa en mara ndonŋgu maako.

Matta 23:32

Nden kam kebbitine ko kaakiraaɓe mooɗon puɗɗuno!

Kuuɗe Nelaaɓe 7:51

Onon saata-ko'e'en, on nanataa haala Allah sam! On cali nanango Ruuhu Ceniiɗo bana kaakiraaɓe mon!

Roma'en 2:5

Ammaa hoore ma saati, ɓernde ma sali boo tuubugo. Ngam maajum, a ɗon tokko fooɗango hoore ma tikkere Allah ɓurnde saatugo nyalaade darŋgal, nyalaade man Allah waŋginan tikkere mum e kiita mum ngooŋɗuka.

Tooktaaki Tawreeta 8:20

To on nananaay Jawmiraawo, Allah mooɗon, o nattinan on bana o nattinirta ummaatooje go yeeso mooɗon.”