Yeremiya 7:25 - Fulfulde Bible

²⁵ Diga kaakiraaɓe mooɗon ngurti Misra haa wargo hannde, mi tokki nelugo nde weeti fuu annabi'en sukaaɓe am fuu haa maɓɓe.

Fulfulde DC Bible

²⁵ Diga kaakiraaɓe mooɗon ngurti Misra haa wargo hannde, mi tokki nelugo nde weeti fuu annabi'en sukaaɓe am fuu haa maɓɓe.

Yeremiya 7:25 Iomraidhean Croise

2 Habaruuji Nyalaaɗe 24:19

Jawmiraawo neli annabi'en caka maɓɓe, haa ɓe lortina yimɓe haa maako. Annabi'en barri ɓe, ammaa ɓe cali nanango ɓe.

2 Habaruuji Nyalaaɗe 36:15

Nde ɗuuɗɗum Jawmiraawo Allah kaakiraaɓe maɓɓe nelani ɓe nelaaɓe mum, ngam o yurmini yimɓe maako e jooɗorde maako.

Esira 9:7

Diga saa'i kaakiraaɓe amin haa wargo hannde min aybuɓe masin. Ngam daliila zunuubaaji amin a hokki min haa juuɗe laamiiɓe jananɓe, minin e laamiiɓe amin e liman'en amin, ngam haa ɓe mbara min, ɓe ndaha min, ɓe njaɓta min, ɓe leestina min bana ko laati hannde.

Nehemiya 9:26

Ammaa ɓe ndartani ma, ɓe tuurtani ma, ɓe ngudini tawreeta ma haa ɓaawo maɓɓe. Ɓe mbari annabi'en reentinɓe ɓe ngam lortingo ɓe haa maaɗa, ɓe mbolwi bolle kalluɗe masin dow maaɗa.

Nehemiya 9:30

A munyani ɓe duuɓi ɗuuɗɗi. A reentini ɓe bee Ruuhu ma bee kunnduɗe annabi'en ma, ammaa ɓe cali nanugo. Ngam maajum a acci ɓe les baawɗe ummaatooje jananne.

Esaaya 5:4

Koni ka rimaay ɓiɓɓe belɗe, sey lammuɗe? Ko ngejjititmi huuwugo ka? Mbi'e ko lutti!

Yeremiya 11:7

Nde mi wurtini kaakiraaɓe mooɗon lesdi Misra, mi barri ɓe ɗuuɗɗum haa ɓe ɗowtano bolle am. Mi tokki barraago ɓe haa wargo hannde.

Yeremiya 25:3

“Diga nduuɓu Yusiya ɓii Amon, laamiiɗo Yahuuda, sappo e tataɓu, haa wargo hannde, waato duuɓi noogas e tati, mi tokki yeccugo on ko Jawmiraawo anndini yam, ammaa on nanaay.

Yeremiya 25:4

Jawmiraawo tokki nelango on jaggiiɓe mum annabi'en fuu, ammaa on nanaay, on kakkilaay sam.

Yeremiya 29:19

Kanjum fuu ɗum laatoto ngam ɓe ɗowtanaaki bolle am ɗe tokkiimi neldugo haa maɓɓe bee kunnduɗe sukaaɓe am annabi'en, ɓe cali nanugo. Non Jawmiraawo wi'i.

Yeremiya 35:14

Rekabi'en ɗowtani umroore kaakiraawo muuɗum'en Yonadabu ɓii Rekab, umri danygol muuɗum, taa ɓe njara nguykinoojam. Ɓe meeɗaay yarugo ɗam haa wargo hannde. Min boo mi tokki wasaago on, ammaa on nananaay yam.

Yeremiya 35:15

Mi tokki nelugo sukaaɓe am annabi'en haa mooɗon, ɓe mbi'a on: Lorte diga laabi mon kalluɗi, mbaɗe ko fotti, taa tokke ɗowanteeɓe woɗɓe, taa njaggane ɓe, ngam haa on njooɗo nder lesdi ndi ndokkumi on, onon e kaakiraaɓe mon. Ammaa on nananaay yam, on kakkilanaay bolle am.

Yeremiya 44:4

Mi tokki nelugo suka'en am annabi'en haa maɓɓe, ɓe mbi'a ɓe: Taa mbaɗe nyidduɗum ɗu'um, ngam mi ɗon wanya ɗum!

Yeremiya 7:13

Jawmiraawo wi'i: “On ɗon mbaɗa hakkeeji ɗi'i fuu. Koo mi wolwani on tum, on cali nanugo. Nde mi ewni on, on njaabaaki.

Ezekiyel 2:3

O wi'i yam: “Ɓii-Aadama, mi ɗon nele haa yimɓe ummaatoore Isra'iila tuurtuɓe, ɓe tuurtani yam. Kamɓe e kaakiraaɓe maɓɓe ɓe laati tuurtaniiɓe yam haa wargo hannde.

Hose'a 11:7

Ummaatoore am ɗon tabiti nder gudinki nuɗɗinki maare. Nde ewnaama ngam ummaago, ammaa nde daraaki.

Hose'a 12:10

Ammaa min woni Jawmiraawo, Allah maaɗa diga a ɗonno haa lesdi Misra tawon. Mi jo'inte nder bukkaaji fahin, bana nder nyalɗe fottirde.

Amos 2:11

Mi ummini annabi'en caka ɓiɓɓe mooɗon, Naziri'en boo caka suka'en mooɗon. Naa non naa, Isra'iila'en?” Non Jawmiraawo wi'i.

Malakiya 3:7

Diga saa'i kaakiraaɓe mon on celi laawol farillaaji am, on ɗowtanaaki ɗi. Lorte haa am! Nden kam mi loroto haa mooɗon.” Non Jawmiraawo honooɓe asama wi'i. “Ammaa on ɗon mbi'a: Noy min lortorto?

Luka 11:49

Ngam maajum hikma Allah wi'i: Mi nelan annabi'en e nelaaɓe, ɓe mbaran woɗɓe, ɓe toonyan woɗɓe boo.

Tooktaaki Tawreeta 9:7

Taa ngejjite sam no on tikkiniri Jawmiraawo, Allah mooɗon nder ladde. Diga nyannde gurtaaki mon haa lesdi Misra, haa njottiiɗon nokkuure nde'e, on ɗon tuurtani Jawmiraawo.