Yeremiya 7:23 - Fulfulde Bible

²³ Ammaa mi umri ɓe ɓe ɗowtano yam, haa mi laato Allah maɓɓe, kamɓe boo ɓe laato ummaatoore am. Mi umri ɓe boo ɓe tokko laawol ngol umrumi ɓe tokkaago fuu, haa ɓe keɓa hayru.

Fulfulde DC Bible

²³ Ammaa mi umri ɓe ɓe ɗowtano yam, haa mi laato Allah maɓɓe, kamɓe boo ɓe laato ummaatoore am. Mi umri ɓe boo ɓe tokko laawol ngol umrumi ɓe tokkaago fuu, haa ɓe keɓa hayru.

Yeremiya 7:23 Iomraidhean Croise

Ayuba 36:11

To ɓe nanani Allah, ɓe maŋgti mo, nden kam ɓe tokkoto yeeɗugo nder hayru, duuɓi maɓɓe boo keewan bee welwelo.

Jabuura 119:3

Ɓe mbaɗataa halleende, ammaa ɓe tokkoto laabi maako.

Jabuura 40:6

Yaa Jawmiraawo Allah am, a ɗuɗɗinani min kaayeefiiji ma e nufayeeje ma booɗɗe! Walaa nannduɗo bee ma. Mi yiɗi yeccugo ɗum e wooynugo ɗum, ammaa mi waawataa yeccugo ɗum fuu, ngam ɗi ɗuuɗɗi masin.

Jabuura 81:13

Mi acci ɓe bee caatal ko'e maɓɓe, ɓe mbaɗa ko ɓerɗe maɓɓe nufi fuu.

Gurtaaki 15:26

O wi'i ɓe: “Min woni Jawmiraawo, Allah mooɗon. Fakat to on ɗowtanake yam bee waɗugo ko fottani yam, to on nani umrooje am e on ɗowtanake farillaaji am fuu, nden kam mi ukkantaa on nyawuji ɗi mi ukkani Misra'en. Ngam min woni Jawmiraawo, kurgoowo on.”

Gurtaaki 16:32

Muusa wi'i: “Ndaa ko Jawmiraawo umri: Cige mannu reeta muudoore, ngam yimɓe gide mooɗon garanɗe, ngam ɓe ngi'a nyaamdu ndu nyaamnumi on nder ladde, saa'i mi wurtini on lesdi Misra.”

Esaaya 3:10

Mbi'e adili'en keɓan hayru, ngam ɓe naftoran nafuuda kuuɗe maɓɓe.

Yeremiya 11:4

Mi haɓɓi ngal bee kaakiraaɓe mooɗon, nyannde nde mi wurtini ɓe lesdi Misra, haa ɓolinirde ngam ɓolingo njamndi. Mi wi'i ɓe: Naneeɗam, mbaɗe ko mi umrata on fuu. Nden kam on laatoto ummaatoore am, min boo mi laatoto Allah mooɗon.

Yeremiya 11:7

Nde mi wurtini kaakiraaɓe mooɗon lesdi Misra, mi barri ɓe ɗuuɗɗum haa ɓe ɗowtano bolle am. Mi tokki barraago ɓe haa wargo hannde.

Yeremiya 13:11

Bana no goɗɗo taadori keeci mum bee taadorgol, non taadoriimi yimɓe Isra'iila e Yahuuda fuu haa am, haa ɓe laato ummaatoore am, ɓe mbaŋgina maŋngu, ɓe maŋgta innde am, ɓe teddina nde, ammaa ɓe nanaay.”

Yeremiya 22:21

Mi wolwani ma saa'i a jooɗi jam, ammaa a sali nanugo. Bana non kuuwruɗa diga a derkeejo tawon, a yiɗaa ɗowtanaago yam.

Yeremiya 22:3

Ndaa nii o wi'i: Mbaɗe kiita ngooŋɗuka e adilaaku. Kisne jaɓtaaɗo nder juŋngo toonyoowo. Taa ɓille hoɗɓe e atiime'en e rewɓe yurumɓe, taa toonye ɓe! Acce mbarugo yimɓe ɓe ngalaa aybe haa nokkuure nde'e!

Yeremiya 24:7

Mi hokkan ɓe faamu ngam anndugo min woni Jawmiraawo. Nden ɓe laatoto ummaatoore am, min boo mi laatoto Allah maɓɓe, ngam ɓe lortoto haa am bee ɓernde woore.

Yeremiya 31:33

Ammaa to saa'i man wari, mi haɓɓan alkawal bee yimɓe Isra'iila bana ni'i: Mi nastinan tawreeta am nder hakkiilooji maɓɓe, mi winndan ka nder ɓerɗe maɓɓe. Min mi laatoto Allah maɓɓe, kamɓe boo ɓe laatoto ummaatoore am.

Yeremiya 32:23

Ammaa nde ɓe nasti ndi, ɓe mari ndi, ɓe ɗowtanaaki ma, ɓe ɗowtanaaki tawreeta ma. Ɓe mbaɗaay ko a umruno ɓe waɗugo fuu. Ngam maajum a ukkani ɓe sarru ngu'u fuu.

Yeremiya 38:20

Yeremiya jaabi: “A hokkataake haa juuɗe maɓɓe. Useni ɗowtana bolle Jawmiraawo ɗe mbi'maami. Nden kam a heɓan hayru, yoŋki ma boo hisan.

Yeremiya 42:6

Koo booɗɗum koo kalluɗum, min ɗowtanto Jawmiraawo Allah amin mo min neli ma ƴamugo ɗum. Min anndi to min ɗowtanake mo, min keɓan hayru.”

Sefaniya 3:2

Ngol ɗowtaaki, ngol jaɓaay elto, ngol hoolaaki Jawmiraawo, ngol ɓaditaaki Allah.

Zekariya 6:15

Yimɓe ngaran diga daayiiɗum, ɓe nyiɓto haykaliiru Jawmiraawo. Non annditirton Jawmiraawo honooɓe asama neli yam haa mooɗon. Ɗum laatoto to on ɗowtanake wolde Jawmiraawo bee gooŋga.

Zekariya 7:7

Bolle ɗe'e Jawmiraawo wi'no bee kunnduɗe annabi'en ɓooyma boo. Saa'i maajum yimɓe ɗonno njooɗi haa Urusaliima, ɗonno koolɗini, non boo haa gure maagol taariiɗe ngol e Lesdi Fombina e towndiije hiirnaaŋge fuu.

Roma'en 16:26

ammaa jonta ka waŋginaama. Defte annabi'en boo ɗon ceedo ka. Fodde umroore Allah duumiiɗo ka anndinaama yimɓe nder ummaatooje fuu, ngam haa ɓe nuɗɗina ka, ɓe ɗowtano Allah.

2 Korintu'en 10:5

min ɗon ngibbina ko dartanto anndal Allah nder mawnitaare mum fuu. Min ɗon njahra numooji yimɓe haa ɗi ɗowtano Almasiihu.

Tooktaaki Tawreeta 11:27

Barka laatanto on, to on ɗowtanake umrooje Jawmiraawo Allah ɗe umranmi on hannde.

Tooktaaki Tawreeta 13:4

taa nane bolle annabiijo malla koyɗoowo oo, ngam Jawmiraawo, Allah mooɗon foondan on ngam laarugo to on ngiɗi Jawmiraawo, Allah mooɗon bee ɓerɗe mon e yoŋkiiji mooɗon fuu.

Tooktaaki Tawreeta 13:5

Tokke Jawmiraawo, Allah mooɗon, kule mo kaŋko tan! Kakkilane umrooje maako, nane ko o wi'ata on, njaggane mo, ɗakkotire bee maako!

Tooktaaki Tawreeta 30:2

on lortoto haa Jawmiraawo, Allah mooɗon, onon e ɓikkoy mooɗon on ɗowtanto wolde maako fodde ko mi umrani on hannde fuu, to on mbaɗan ɗum bee ɓerɗe mon e yoŋkiiji mon fuu,

Tooktaaki Tawreeta 30:20

Ngiɗe Jawmiraawo, Allah mooɗon, ɗowtane mo! Ɗakkotire bee maako, haa balɗe mon njuuta nder lesdi ndi Jawmiraawo hunani kaakiraaɓe mon Ibrahiima e Isiyaaku e Yaakubu, o hokkan ɓe ɗum.”

Tooktaaki Tawreeta 30:8

Ammaa onon on lortoto haa maako, on nanana mo, on ɗowtano umrooje fuu ɗe umrumi on hannde.

Tooktaaki Tawreeta 4:10

haala nyalaade nde ndariiɗon yeeso Jawmiraawo, Allah mooɗon haa Horeb, nde Jawmiraawo wi'i yam: Mooɓtu yimɓe ummaatoore haa ɓe nana ko mbolwanmi ngam haa ɓe ekkito hulugo yam balɗe maɓɓe fuu haa duniyaaru, ɓe ekkitina ɗum ɓikkoy maɓɓe.

Tooktaaki Tawreeta 4:40

Ɗowtane farillaaji maako e umrooje maako ɗum umranmi on hannde fuu. Nden kam on keɓan hayru, onon e danygol mon, balɗe mon njuutan nder lesdi ndi Jawmiraawo, Allah mooɗon hokkata on haa foroy.”

Tooktaaki Tawreeta 5:16

Teddin baaba ma e daada ma, bana min Jawmiraawo, Allah maaɗa mi umri ma. Nden kam a heɓan hayru, balɗe ma njuutan nder lesdi ndi min Jawmiraawo, Allah maaɗa ndokkanmaami.

Tooktaaki Tawreeta 5:29

Mi yiɗi ɓerɗe maɓɓe tabita bana non, ɓe kulammi foroy, ɓe ɗowtano umrooje am fuu, ngam ɓe keɓa hayru kamɓe e ɓikkoy maɓɓe haa foroy.

Tooktaaki Tawreeta 5:33

Tokke laawol umrooje ɗe Jawmiraawo, Allah mooɗon umri on fuu ngam on ngeeɗa, on keɓa hayru, balɗe mon njuuta nder lesdi ndi maroton.”

Tooktaaki Tawreeta 6:3

Nane ɗum, onon Isra'iila'en, kakkilane ɗum. Nden kam on keɓan hayru, on ɗuuɗan masin nder lesdi keewndi kosam e njumri, bana Jawmiraawo, Allah kaakiraaɓe mooɗon wi'i on.

Ibraniŋke'en 5:9

Nde o laati timmididɗo, o laati jawmu kisndam nduumiiɗam ngam koo moy ɗowtani mo fuu.

1 Samuyila 15:22

Ammaa Samuyila wi'i: “Ɗume ɓuri fottango Jawmiraawo, guleteeɗi e kirseteeɗi na malla to goɗɗo ɗowtanake umroore maako? Fakat, ɗowtaare ma ɓuran seynugo mo dow kirseteeɗi jawɗi payɗi fuu.