Yeremiya 7:18 - Fulfulde Bible

¹⁸ Ɓikkoy ɗon teena leɗɗe, baabiraaɓe maakoy ɗon kuɓɓa yiite, rewɓe boo ɗon njiiɓa kuroori haa ɓe tamsa tamseeje ngam lawru rewru ndu ɓe ewnata Mayramjo asama. Ɓe ɗon ndufa njaramji dufeteeɗi ngam labbi feere haa ɓe mettinammi ɓernde.

Fulfulde DC Bible

¹⁸ Ɓikkoy ɗon teena leɗɗe, baabiraaɓe maakoy ɗon kuɓɓa yiite, rewɓe boo ɗon njiiɓa kuroori haa ɓe tamsa tamseeje ngam lawru rewru ndu ɓe ewnata Mayramjo asama. Ɓe ɗon ndufa njaramji dufeteeɗi ngam labbi feere haa ɓe mettinammi ɓernde.

Yeremiya 7:18 Iomraidhean Croise

1 Laamiiɓe 14:9

Ammaa an a tulli aartuɓe ma fuu. A yehi, a huuwani hoore ma ɗowanteeɓe woɗɓe e suuraaji ɓolinaaɗi ngam tikkingo yam, a wudini yam ɓaawo ma.

1 Laamiiɓe 16:2

“Mi ɓaŋgti ma nder mbulwuldi, mi darni ma a ardiiɗo yimɓe am Isra'iila'en. Ammaa an a tokki laawol Yerobo'am, a nastini yimɓe am Isra'iila'en nder hakke, haa ɓe tikkini yam bee hakkeeji maɓɓe.

Jabuura 16:4

Ɗakkotirɓe bee ɗowanteeɓe jananɓe njaran boneeji ɗuuɗɗi, min mi rufantaa ɓe dokke ƴiiƴam, hunnduko am ewnataa inɗe maɓɓe sam.

Esaaya 3:8

Fakat Urusaliima yani, Yahuuda do'ake. Ɓe ɗon ndartano Jawmiraawo bee bolle e kuuɗe maɓɓe, ɓe tuurtani tedduŋgal maako.

Esaaya 57:6

Kaa'e ɓorwuɗe nder waadiwol ngoni geɗal mooɗon. On ɗon ngaɗana ɗe dokke dufeteeɗe, on ɗon lii'ano ɗe dokke nyaamdu. Kadi mi de'itinan hoore am dow maajum na?

Esaaya 65:11

Ammaa onon accanɓe Jawmiraawo, yejjitanɓe hooseere am seniinde, taaskitantooɓe Gada nyaamdu, hebbinanɓe jardugel Meni bee njaram njillaaɗam,

Esaaya 65:3

Foroy yimɓe ummaatoore nde'e ɗon mettinammi. Ɓe ɗon lii'ano labbi kirseteeɗi nder jarne, ɓe ɗon ngula uurle dow birikje.

Yeremiya 1:16

Mi do'an Yahuudu'en kiita daliila halleende maɓɓe fuu. Ɓe acci yam, ɓe ngulani ɗowanteeɓe woɗɓe uurle, ɓe cujidani ko juuɗe maɓɓe mbaɗi.

Yeremiya 11:17

Min Jawmiraawo honooɓe asama mi jo'ini Isra'iila e Yahuuda. Ammaa jonta ewniimi sarru dow maɓɓe, ngam ɓe mbaɗi kalluɗum: Ɓe ngulani Ba'al uurle, kanjum tikkini yam.”

Yeremiya 17:2

Nden kam ɓiɓɓe mon ciftoran kirsirɗe e daŋraŋge Asera baŋnge leɗɗe kecce fuu e dow towndiije.

Yeremiya 19:13

“Cuuɗi Urusaliima e cuuɗi laamiiɓe Yahuuda waato soorooji haa ɓe ngulani jama'aare asama fuu uurle dow muuɗum, haa ɓe ndufi dokke dufeteeɗe ngam ɗowanteeɓe jananɓe – ɗi fuu ɗi coɓan bana Tofet.”

Yeremiya 25:7

Jawmiraawo bee hoore mum wi'i: On cali nanango yam. Ammaa on tikkini yam bee labbi ɗi mbaɗɗon. Bana nii on njaanyani ko'e mooɗon sarru.”

Yeremiya 32:29

Kaldiya'en honanɓe berniwol ngo'ol, nastan ngol, kuɓɓan yiite nder maagol, ngulan ngol bee soorooji maagol fuu. Ngam dow soorooji ɗi'i fuu yimɓe nguli uurle ngam Ba'al, ndufi dokke dufeteeɗe ngam ɗowanteeɓe woɗɓe. Ɓe tikkini yam bee maajum.

Yeremiya 44:25

Ndaa nii Jawmiraawo honooɓe asama, Allah Isra'iila wi'i: Onon e rewɓe mon on togi togayeeje bee kunnduɗe mon, on kebbitini ɗe bee juuɗe mon. On togi wulango Mayramjo Asama uurle, on ngaɗanan mo dokke dufeteeɗe. Booɗɗum kadi, kebbine togayeeje mon! Mbaɗe ko togiiɗon!

Yeremiya 44:4

Mi tokki nelugo suka'en am annabi'en haa maɓɓe, ɓe mbi'a ɓe: Taa mbaɗe nyidduɗum ɗu'um, ngam mi ɗon wanya ɗum!

Yeremiya 7:17

A yi'ataa ko ɓe mbaɗata nder gure Yahuuda e dow laabi Urusaliima na?

Gimi Boyki 5:13

Suka'en ndoondi kaa'e namirɗe, derke'en ɗon ndo'o les ba'e leɗɗe.

Ezekiyel 16:26

A waɗi daakaareeku bee heeddiɗɗiraaɓe ma Misra'en mawna-jakari'en, a ɗuɗɗini daakaareeku ma ngam tikkingo yam.

Ezekiyel 20:28

Mi nastini ɓe nder lesdi ndi kuniimi hokkugo ɓe. Nde ɓe ngi'i towndiije e leɗɗe cukkuɗe, ɓe lii'i kirsaaɗi haa nokkuuje ɗe'e fuu. Ɓe tikkini yam bee lii'ango labbi maɓɓe guleteeɗi marɗi uureeŋgol belŋgol e dokke maɓɓe dufeteeɗe.

Ezekiyel 8:16

Nden o yahri yam haa daldal haykaliiru Jawmiraawo nderwal. Ton, baŋnge nastirde haykaliiru, hakkunde daŋki e hirsirde, worɓe baakin noogas e njowo ndokki ɓaawe haa haykaliiru Jawmiraawo, geese maɓɓe tiiti fuunaaŋge, ɓe ɗon cujidana naaŋge.

Ezekiyel 8:17

Jawmiraawo wi'i yam: “Ɓii-Aadama, a ɗon yi'a na? Kuuje nyidduɗe ɗe'e fuu ke'aay yimɓe Yahuuda na? Ɓe ɗon kebbina lesdi bee toonyaare, ɓe ɗon ɓesda tikkingo yam, koo to ɓe ɗaɓɓiti de'itingo yam.

1 Korintu'en 10:22

Malla en ngiɗi ummingo kaajal Jawmiraawo na? En ɓuran mo semmbe na?

Tooktaaki Tawreeta 32:16

Ɓe ummini kaajal Jawmiraawo bee sujidango ɗowanteeɓe jananɓe, ɓe mettini mo bee kuuɗe maɓɓe nyidduɗe.

Tooktaaki Tawreeta 32:21

Ɓe ummini kaajal am bee ɗowanteeɓe ɓe laataaki Allah, ɓe mettini yam bee kuuje meereeje. Mi umminan kaajal maɓɓe bee yimɓe ɓe laataaki ummaatoore gooŋgaare. Mi mettinan ɓe bee ummaatoore faataande.

Tooktaaki Tawreeta 4:19

To on tijjake asama, on ngi'i naaŋge e lewru e koode, taa ɗum esta on sujidango ɗi, njaggano ɗi. Jawmiraawo, Allah mooɗon yeɗani ɗi ummaatooje goɗɗe fuu, ɗe cujidana ɗi.