Yeremiya 50:3 - Fulfulde Bible

³ Ummaatoore iwnde woyla wari haɓugo bee lesdi Baabila, laatinan ndi ladde meere. Yimɓe e dabbaaji fuu ndoggan, walaa mo jooɗata ton.”

Fulfulde DC Bible

³ Ummaatoore iwnde woyla wari haɓugo bee lesdi Baabila, laatinan ndi ladde meere. Yimɓe e dabbaaji fuu ndoggan, walaa mo jooɗata ton.”

Yeremiya 50:3 Iomraidhean Croise

Laataanooji 6:7

O wi'i: “Mi nattinan yimɓe ɓe tagmi dow lesdi haa yotto dabbaaji e ladooji e colli. Mi tagataano ɗum.”

Gurtaaki 12:12

Mi saaloto jemmaare man nder Misra. Mi fiyan afɓe fuu nder lesdi, diga yimɓe haa dabbaaji. Mi waɗan kiita dow labbi Misra fuu, min woni Jawmiraawo.

Esaaya 41:25

Mi ummini goɗɗo woyla, o wari. Haa fuunaaŋge ewniimi innde maako. O yaaɓan mawɓe bana loope, bana mahoowo payanɗe yaaɓirta loope kecce.

Esaaya 45:1

Ndaa ko Jawmiraawo wi'i Koores laamiiɗo mo o moyti, mo o naŋngi juŋngo mum nyaamo ngam do'ugo ummaatooje yeeso maako, ngam ɓortugo laamiiɓe, ngam maɓɓititgo dammuɗe berniiji yeeso maako, taa pareeje maɓɓe fahin:

Yeremiya 21:6

Mi mbaran yimɓe berniwol ngo'ol, yimɓe e dabbaaji maayran nyawu ndaaɓoowu kalluŋgu masin.

Yeremiya 50:9

Mi ɗon ummina mooɓgal ummaatooje mawɗe haa woyla, ɗe ngara haɓugo bee Baabila. Ɓe ndarna caffuuji dow berniwol, ɓe nyaama ngol. Ɓe piɗan kuri maɓɓe bana gaw'en, walaa koo gootol woofata.

Yeremiya 51:11

Jawmiraawo ummini ɓerɗe laamiiɓe Mediya, ngam o annini halkugo Baabila. Bana non o waatorto ngol ngam daliila haykaliiru maako. Hoore'en konu umri: “Ceeɓne kuri mon, naaŋge bawarɗe mon!

Yeremiya 51:48

Nden asama e lesdi e ko woni nder maajum fuu mbelmbeltan ngam Baabila, ngam nattinooɓe ngol ɗon ngara diga woyla. Baabila mbari yimɓe ɗuuɗɓe nder duniyaaru fuu, ammaa jonta Baabila bee hoore mum do'oto ngam ngol mbari Isra'iila'en.” Non Jawmiraawo wi'i.

Yeremiya 51:62

Nden waɗ do'a ni'i: Yaa Jawmiraawo, an wolwi dow nokkuure nde'e, a halkan nde, taa goɗɗo tokko jooɗaago ɗo, koo yimɓe, koo dabbaaji. A wi'i nde laatoto ladde meere haa foroy.

Yeremiya 7:20

Ngam maajum, ndaa Jawmiraawo wi'i: Mi rufan tikkere am saatunde dow nokkuure nde'e. Mi rufan nde dow yimɓe e dabbaaji, dow leɗɗe e nafuuda gese fuu. Tikkere am wulan bana yiite, nyifataako.

Yeremiya 9:10

Jawmiraawo wi'i: “Mi laatinan Urusaliima waagaare kaa'e e lowol cuuli. Mi laatinan gure Yahuuda ladde meere nde walaa jooɗiiɓe ton.”

Yeremiya 9:11

Hikmaajo moy faami kuuje ɗe'e? To Jawmiraawo wolwani mo, nden kam sey o anndina ɗum woɗɓe! Ngam ɗume lesdi halki, wulaama bana ladde meere nde goɗɗo saalataako ɗum?

Sefaniya 1:3

Mi nattinan yimɓe e dabbaaji, mi nattinan colli non boo liɗɗi nder maayo. Mi nattinan halluɓe e ko fergata ɓe, mi nattinan boo yimɓe dow lesdi.