Yeremiya 50:2 - Fulfulde Bible

² “Anndine ɗum caka ummaatooje, ngooyne ɗum! Ndarne tuutawal konu, mbaɗe wooynaandu, taa cuuɗe ɗum! Mbi'e: Lesdi Baabila do'ake! Ɗowanteeɗo maari Beel toskake, Marduk fusi, labbi maako toskake, suuraaji maako cehaaɗi kalki.

Fulfulde DC Bible

² “Anndine ɗum caka ummaatooje, ngooyne ɗum! Ndarne tuutawal konu, mbaɗe wooynaandu, taa cuuɗe ɗum! Mbi'e: Lesdi Baabila do'ake! Ɗowanteeɗo maari Beel toskake, Marduk fusi, labbi maako toskake, suuraaji maako cehaaɗi kalki.

Yeremiya 50:2 Iomraidhean Croise

Esaaya 46:1

“Beel turake, Nebo yani. Suuraaji maaji ɗon dow dabbaaji. Ko on ndoondino nder jahaaŋgal juulde, laati dimŋgal dabbaaji comɗi.

Esaaya 21:9

Ndaa, mootaaji pucci ɗon ngara, bee wa'iiɓe ɗi! Wa'iiɓe ɗi ɗon ngara ɗiɗo ɗiɗo!” Nden aynoowo ɗon hoola: “Ngol do'ake, Baabila do'ake! Suuraaji labbi maagol cehaaɗi fuu pusi, ɗon mbaali haa lesdi.”

Yeremiya 51:47

Ngam maajum saa'i ɗon wara haa mi hiito labbi Baabila cehaaɗi. Lesdi fuu toskoto, naawnaaɓe fuu ndo'oto, maaya nder maagol.

Yeremiya 51:44

Mi hiitoto Beel, ɗowanteeɗo Baabila. Mi doolan mo tuutugo ko o moɗi. Ummaatooje meetataa mooɓaago haa maako ngam sujidango mo. Mahol Baabila yibbi!

Wahayu Yuhanna 18:2

O towni sawtu, o wi'i: “Ngol do'ake! Ngol do'ake! Baabila, berniwol maŋngol do'ake! Ngol laati joonde ginnaaji e nokkuure ruuhuuji coɓɗi koo ɗiye e colli e dabbaaji coɓɗi kaccuɗi.

Sefaniya 2:11

Jawmiraawo laatanto ɓe kulniiɗo, o halkan ɗowanteeɓe duniyaaru fuu. Jooɗiiɓe haa duuɗe cujidanan mo, koo moy haa nokkuure muuɗum.

Yeremiya 52:31

Nder nduuɓu cappanɗe tati e njoweeɗiɗaɓu ɓaawo daheeki Yooyakin, laamiiɗo Yahuuda, nder lewru sappo e ɗiɗawru, nyannde maaru noogas e jowaɓre, Ewil-Merodak, laamiiɗo Baabila darjiɗini Yooyakin, o wurtini mo diga fursina. Ɗum nduuɓu ngu o heɓi laamu.

Yeremiya 51:52

Ngam maajum mbi'anmi: Saa'i ɗon wara haa mi hiito labbi Baabila cehaaɗi, nden naawnaaɓe nder lesdi ndi'i fuu uumoto.

Yeremiya 51:31

Waddooɓe habaru ɗon tokkotiri ngam anndingo laamiiɗo Baabila no konne'en kippake berniwol koo toy fuu.

Yeremiya 51:8

Jonta nii Baabila do'i, halki! Mboye ngol, ɗaɓɓite lekki ngam kuuduuje maagol, teema ngol yamɗitan!

Yeremiya 50:46

Hoolo yibbere Baabila dimmbinan lesdi, ummaatooje goɗɗe nanan gookaali maɓɓe.”

Yeremiya 46:14

“Ngooyne ɗum nder berniiji Misra, nder Migdol e Memfis e Tahapanes: Taaske ngam on ndarto, kaafahi ɗon nyaama ko taari on fuu!

Yeremiya 31:10

Onon ummaatooje, nane koŋngol Jawmiraawo, anndine ngol haa duuɗe daayiiɗe! Mbi'e: “Mo saŋkiti Isra'iila'en, mooɓtan ɓe, aynan ɓe bana gaynaako aynirta tokkere mum.”

Yeremiya 6:18

Ngam maajum nane, onon ummaatooje! Annde, onon jama'aare, ko ɗon laatano yimɓe am!

Yeremiya 4:16

Ngecce ɗum ummaatooje, anndine Urusaliima: “Hippooɓe ɗon ngara diga lesdi ndaayiindi, ɗon mbaɗa hoolo ngam ukkanaago berniiji Yahuuda.

Esaaya 48:6

On nani ɗum, on ndaari ɗum fuu! Onon boo on anndintaa ɗum na? “Diga jonta ngeccanmi on kuuje kese, kuuje cuuɗiiɗe ɗe on anndaa.

Esaaya 39:1

Saa'i maajum Merodak-Baladan ɓii Baladan, laamiiɗo Baabila neldi bataakewol e dokkal haa Hezekiya. Ngam o nani Hezekiya nyawino, yamɗiti.

Esaaya 37:19

Ɓe cakkini ɗowanteeɓe maaje nder yiite – gooŋga kam naa ɓe ɗowanteeɓe – ngam ɗum yimɓe mbaɗi ɗum bee leɗɗe e kaa'e. Ɓe mbirgi ɗum.

Esaaya 13:2

Ndarne tuutawal dow hooseere sookre. Ngookane honooɓe. Ɓaase ɓe ɓe nastira dammuɗe tedda-asli'en.

Esaaya 12:4

On mbi'an nyalaade man: “Ngette Jawmiraawo, ewne innde maako, ngecce kuuɗe maako caka ummaatooje! Ciftinore no innde maako ɓaŋgori!

Jabuura 96:3

Anndine tedduŋgal maako caka ummaatooje, ngecce jama'aaje fuu kaayeefiiji maako.

Jabuura 64:9

Bolle maɓɓe ndo'i ɓe. Koo moy yi'i ɗum, dimmban hoore.

Jabuura 97:7

Rewooɓe labbi, mantortooɓe ɗi fuu, ɗon cemta, ɗowanteeɓe maɓɓe fuu ɗon cujidana mo.

Esaaya 48:20

Ngurte Baabila, ndogge Kaldiya'en! Anndine ɗum bee hoolo seyo, ngooyne ɗum! Njahre habaru man haa keerol duniyaaru, mbi'e: “Jawmiraawo sootti suka mum Yaakubu!”

Yeremiya 4:6

Ndarne tuutawal haa Siyona. Ndogge, taa ndare sam! Ngam mi waddan sarru e halkere mawnde diga woyla.

Yeremiya 51:12

Ɓaŋgte tuutawal konu ngam ukkanaago mahi Baabila! Cemmbiɗine aynol. Ndarne aynooɓe, taaskitine baaltol.” Jawmiraawo ɗon timmina anniya ka o anndini dow yimɓe Baabila.

Yeremiya 51:27

“Ɓaŋgte tuutawal nder lesdi! Puufe luwal konu haa ummaatooje nana ɗum! Taaskitine ummaatooje ngam haɓre bee Baabila! Ewne laamuuji Araraada e Minni e Askanas, ndarne hooreejo ngam haɓugo bee maagol! Ngadde pucci ɗuuɗɗi bana baɓɓatti!

Daniyel 1:2

Jawmiraawo hokki mo Yehoyakim, laamiiɗo Yahuuda, non boo yeɓre kuuwruɗe gonɗe nder haykaliiru Allah. Nabukodonosor yahri ɗe haa suudu ɗowanteeɓe muuɗum haa lesdi Sine'ar, nastini ɗe nder ndesaari ɗowanteeɓe mum.

Daniyel 3:14

Nden o ƴami ɓe: “Sadarak e Meesak e Abed-Nego, gooŋga on cali teddingo ɗowanteeɗo am e sujidango suura kaŋŋeeri ka ndarnumi na?

Yeremiya 10:11

Ndaa ko on mbi'ata ummaatooje: Labbi ɗi'i tagaay asama e lesdi, ɗi nattan dow lesdi, ɗi meetataa taweego les asama.

Yeremiya 10:15

Ɗi kuuje meereeje, jalnooje, saa'i kiita ɗi kalkan.