Yeremiya 5:7 - Fulfulde Bible

⁷ Jawmiraawo wi'i: “Noy mi yaaforanto ma ɗum fuu, an Urusaliima? Ɓiɓɓe maaɗa acci yam, ɓe ɗon kunoro labbi koo to ɗi laataaki ɗowanteeɓe. Min haarni ɓe, ammaa kamɓe ɓe mbaɗi njeenu, ɓe mooɓi haa cuuɗi daakaare'en.

Fulfulde DC Bible

⁷ Jawmiraawo wi'i: “Noy mi yaaforanto ma ɗum fuu, an Urusaliima? Ɓiɓɓe maaɗa acci yam, ɓe ɗon kunoro labbi koo to ɗi laataaki ɗowanteeɓe. Min haarni ɓe, ammaa kamɓe ɓe mbaɗi njeenu, ɓe mooɓi haa cuuɗi daakaare'en.

Yeremiya 5:7 Iomraidhean Croise

2 Habaruuji Nyalaaɗe 13:9

Na on ngudini danygol Haruna, liman'en Jawmiraawo e Lewi'en fuu? Na on cuɓani ko'e mon liman'en woɗɓe bana ummaatooje heefeerɓe na? Koo moy gadduɗo ngaari kalhaldi e jawɗi baali joweeɗiɗi ngam heɓugo limanku, on mbaɗi mo limanjo labbi naa limanjo Allah.

Ayuba 31:12

Ngam ɗum nanndi bee yiite nder jahannama, haa nge halka ko laatani yam nafuuda fuu.

Jabuura 50:18

To a yi'i gujjo, a hawtan bee maako, a ɗon hawtana jeenooɓe.

Yeremiya 12:16

To ɓe tokki diina ummaatoore am, to ɓe kunori bee innde am, ɓe mbi'i: Fakat bana Jawmiraawo o geeto—, bana ɓe ekkitinino ummaatoore am naane, ɓe kunorono bee innde Ba'al—, nden kamɓe boo ɓe tabitan caka ummaatoore am.

Yeremiya 13:27

dow towndiije e gese, mi yi'i kuuɗe nyidduɗe ɗe kuuwɗa, non boo njeenu ma e suunooji ma kalluɗi e daakaareeku ma. Kayto, onon yimɓe Urusaliima, on coɓi! Haa ndeye on laaɓata?”

Yeremiya 16:11

Nden yeccu ɓe: Jawmiraawo wi'i: Kaakiraaɓe mooɗon acci yam, tokki ɗowanteeɓe woɗɓe, njaggani ɓe, cujidani ɓe. Ammaa min, ɓe acci yam, ɓe ɗowtanaaki tawreeta am.

Yeremiya 16:20

Goɗɗo waawan waɗango hoore mum ɗowanteeɓe na? Alhaali boo naa ɗum ɗowanteeɓe bee gooŋga!”

Yeremiya 2:11

Woodi ummaatoore sannjunde ɗowanteeɓe muuɗum na? Koo nde ɓe laataaki ɗowanteeɓe bee gooŋga! Ammaa ummaatoore am sannji tedduŋgal muuɗum bee ɗowanteeɗo mo nafataa!

Yeremiya 2:31

Onon yidere nde'e, kakkilane wolde Jawmiraawo! Kadi mi laatanake Isra'iila ladde malla lesdi nyiɓre ɓaleere na? Koni ummaatoore am ɗon wi'a: Min njahan haa min ngiɗi fuu, min lortataako haa maaɗa?

Yeremiya 23:10

Lesdi heewi jeenooɓe, yimɓe ɗon njaawɗa waɗugo ko halli, ɓe semmbiɗɓe waɗugo ko haanaay. Naaloore Jawmiraawo ɗon dow lesdi. Ngam maajum ndi ɗon nder suno, durduɗe fuu ɗayli.

Yeremiya 3:19

Mi wi'no: Fakat mi liman on caka ɓiɓɓe, mi hokkan on lesdi mboondi, maral ɓurŋgal wooɗugo caka ummaatooje. Mi wi'no: On ewnoto yam Baabiraawo, on accataa tokkaago yam sam.

Yeremiya 3:8

O yi'i boo no mi wudiniri Isra'iila gudinɗo nuɗɗinki, no mi hokkiri mo ɗereewol ceergal ngam o waɗno njeenu. Ammaa Yahuuda, deerɗiiko zammbotooɗo, hulaay. O yehi kaŋko boo, o waɗi daakaareeku.

Yeremiya 7:9

On ɗon ngujja, on ɗon mbara, on ɗon mbaɗa njeenu, on ɗon kuno pewe, on ɗon ngula uurle ngam Ba'al, on ɗon tokko ɗowanteeɓe ɓe on anndaa.

Yeremiya 9:1

Jawmiraawo wi'i: “Mi yiɗi mi heɓa hoɗorde nder ladde bana dillooɓe jahaaŋgal, haa mi acca yimɓe ummaatoore am, mi daayto ɓe. Ngam ɓe fuu maɓɓe ɓe jeenooɓe, ɓe laati mooɓre zammbotooɓe.

Yeremiya 9:2

Foroy ɓe ɗon taaski fewugo. Ɓe kuuwtinirtaa gooŋga ngam laamanaago lesdi, ammaa fewre. Ɓe ɗon ɗuɗɗina kuuɗe kalluɗe, ɓe njaɓaay yam boo.

Gimi Boyki 3:42

“Min mbaɗi hakke, min tuurti, an boo a yaafanaaki min.

Ezekiyel 22:11

Woodi waɗooɓe kuuje nyidduɗe bee rewɓe heeddiɗɗiraaɓe muuɗum'en, non boo waaldooɓe bee rewɓe ɓiɓɓe muuɗum'en e waaldooɓe bee deerɗiraaɓe muuɗum'en rewɓe ɓe baaba gooto.

Hose'a 11:8

An Efrayim, noy mbaawranmi accugo ma? An Isra'iila, noy mbaawranmi yoofugo ma? Noy mbaawranmi waɗango ma ko mi waɗani wuro Adama? Noy mbaawranmi laatingo ma bana wuro Ceboyim? Ɓernde am saklake, yurmeende heewi ɓernde am.

Hose'a 13:6

Nde ɓe keɓi durduɗe, ɓe kaari. Nde ɓe kaari, ɓerɗe maɓɓe mawniti. Ngam maajum ɓe ngejjiti yam.

Hose'a 4:2

sey naalooje e pewe e mbar-hoore e nguyka e daakaareeku e toonyaare e dufki ƴiiƴam dow dufki ƴiiƴam.

Hose'a 7:4

Ɓe fuu ɓe jeenooɓe, ɓe nanndi bee tamsirdu wulndu jaw ndu tamsoowo acci yiite ɗon wula nder maaru, wakkati o jiiɓi kuroori haa ndi ufo.

Farillaaji Lewi'en 20:10

To goɗɗo waɗi njeenu bee debbo keeddiɗɗum, nden kam kaŋko e debbo ɓe mbareteeɓe ngam ɓe njeenooɓe.

Amos 8:14

Kamɓe ɓe ɗon kunoro jonta bee aybe Samariya, ɓe ɗon mbi'a: Mi ɗon hunoro bee ɗowanteeɗo maaɗa geeto, yaa Dan! Malla boo: Mi hunoro bee laawol cenaaŋgol jahranŋgol Biirsaba! Ammaa ɓe njanan, ɓe ummitittaako.”

Sefaniya 1:5

Mi halkan wa'otooɓe dow soorowol ngam sujidango jayli asamanji e sujidanooɓe hunortooɓe ndego bee innde Jawmiraawo e ndego boo bee innde lawru Milkom.

Malakiya 3:5

Jawmiraawo honooɓe asama wi'i: “Mi waranan on ngam kiita. Mi yaawɗoto laataago ceedoowo dow waɗooɓe hiila e jeenooɓe e seedooɓe fewre, dow waɗanɓe huuwooɓe muuɗum'en rikici bee ngeenaari, dow toonyooɓe rewɓe yurumɓe e atiime'en, dow waɗanɓe aybe heedi jananɓe e dow yimɓe ɓe kulataa yam.”

1 Korintu'en 6:9

On anndaa sooya-adilaaku'en kam ndonataa laamu Allah na? Taa este ko'e mooɗon! Daakaare'en e rewooɓe labbi e jeenooɓe e luuɗu'en,

1 Korintu'en 8:4

Goɗɗo nyaaman kusel ndabbaawa kirsanaaŋga labbi na? En anndi lawru naa ɗum huunde gooŋga nder duniyaaru ndu'u e walaa ɗowanteeɗo feere boo, sey Allah gooto.

Galaatiya'en 4:8

Ɓooyma on anndaano Allah, on maccuɓeno ɗowanteeɓe ɓe ngalaa baawɗe bana ɗe Allah.

Tooktaaki Tawreeta 32:15

Yimɓe maako laati riskuɓe, tuurtooɓe, ɓe fayɓe, marɓe ɓellere. Ɓe acci Allah tagɗo ɓe, ɓe njawi tapaare hisnoore ɓe.

Tooktaaki Tawreeta 32:21

Ɓe ummini kaajal am bee ɗowanteeɓe ɓe laataaki Allah, ɓe mettini yam bee kuuje meereeje. Mi umminan kaajal maɓɓe bee yimɓe ɓe laataaki ummaatoore gooŋgaare. Mi mettinan ɓe bee ummaatoore faataande.

Ibraniŋke'en 13:4

Sey yimɓe fuu camɗina teegal, te'aaɓe boo taa mbaɗa njeenu. Allah hiitoto daakaare'en e jeenooɓe.

Yaakuba 4:4

Onon yewɓe umrooje Allah! On anndaa soobrugo bee duniyaaru ɗum honugo Allah na? To on coobiri bee duniyaaru, nden kam on laatake konne'en Allah.

Yosuwa 23:7

Taa njillindire bee ummaatooje luttuɗe ɗe'e caka mooɗon. Taa ewne inɗe labbi maɓɓe, taa kunore bee inɗe maaji, taa ndewe ɗi, taa cujidane ɗi.