Yeremiya 5:3 - Fulfulde Bible

³ Yaa Jawmiraawo, naa gite maaɗa ɗon kuuciti dow gooŋga na? A ɓocci ɓe, ammaa ɗum naawaay ɓe. A ɓadake nattingo ɓe, ammaa ɓe njaɓaay elto. Ɓe caatini ko'e maɓɓe ko ɓuri hayre, ɓe cali tuubugo.

Fulfulde DC Bible

³ Yaa Jawmiraawo, naa gite maaɗa ɗon kuuciti dow gooŋga na? A ɓocci ɓe, ammaa ɗum naawaay ɓe. A ɓadake nattingo ɓe, ammaa ɓe njaɓaay elto. Ɓe caatini ko'e maɓɓe ko ɓuri hayre, ɓe cali tuubugo.

Yeremiya 5:3 Iomraidhean Croise

Laataanooji 19:34

Jaŋngo maajum afo wi'i minyum: “Ndaa, mi waaldi haŋki bee baaba am. Sey en nguykina mo jemmaare nde'e boo. Nden waaldu bee maako an boo, ngam keɓen danygol diga baaba meeɗen.”

1 Laamiiɓe 13:33

Bee ɗum ko waɗi ɗo fuu, Yerobo'am tuubaay, accaay laawol mum kalluŋgol. Fahin o tokkitini hoo'ugo yimɓe nder ummaatoore fuu, o waɗa ɓe liman'en ngam nokkuuje towɗe. Koo moy yiɗi laataago limanjo fuu, o sena mo, o laato limanjo nokkuure townde.

2 Laamiiɓe 1:13

Fahin laamiiɗo neli ardiiɗo tataɓo bee honooɓe muuɗum cappanɗe njowo. Ardiiɗo nelaaɗo tataɓo oo wa'i, tuggi koppi yeeso Eliya, tori mo, wi'i: “Useni, an goɗɗo Allah, samɗin yoŋki am e yoŋkiiji yimɓe am cappanɗe njowo ɓe'e.

2 Habaruuji Nyalaaɗe 16:9

Gite Jawmiraawo ɗon ngi'a ko saaloto nder duniyaaru fuu. Yiɗɓe mo bee ɓernde laaɓnde, o semmbiɗinan ɓe. Ammaa an a huuwi bana paataaɗo. Yeeso ɗo, konuuji ukkanto ma.”

2 Habaruuji Nyalaaɗe 28:22

Koo nder wakkati ɓillaare boo, laamiiɗo Akas tokki yewugo umroore Jawmiraawo.

Jabuura 51:6

Dow maaɗa tan mbaɗmi aybe, mi waɗi kalluɗum yeeso ma. Ngam maajum, a adiliijo to a feli yam, a felataake to a hiitake yam.

Jabuura 51:8

Ammaa an, a ɗon seyora gooŋga nder lugguɗum ɓernde, hebbin numooji am bee hikma maaɗa.

Jabuura 55:20

Diga ɓooyma Allah woni laamiiɗo. Kaŋko o nanatam, o semtinan ɓe, ngam ɓe mbootataa, ɓe kulataa Allah.

Balndi 21:29

Kalluɗo yoornan gite mum, ammaa gooŋɗuɗo darnan laabi mum.

Balndi 22:12

Gite Jawmiraawo ɗon ayna anndal kakkilɗo, ammaa o do'an bolle faasikiijo.

Balndi 23:35

To hakkiilo ma warti, a wi'an: “Ɓe piyi yam sike, ammaa ɗum naawaay yam, ɓe tappi yam, ammaa mi maataay ɗum. Ndey pinanmi booɗɗum? Mi yiɗi njaram fahin.”

Balndi 27:22

Koo to a uni paataaɗo bee gaafgal nder unordu caka gawri, bee non fuu faataare maako accataa mo.

Esaaya 26:11

Yaa Jawmiraawo, a ɓaŋgtani konne'en juŋngo, ammaa ɓe cali yi'ugo ɗum. Yi'nu ɓe no a yiɗiri ummaatoore ma, ɓe cemta. Yiite nyaama ɓe!

Esaaya 42:25

Ngam maajum o rufi tikkere maako saatunde e o ukki konu caatuŋgu dow maɓɓe. Ɗum ukki dow maɓɓe koo toy fuu bana yiite, ammaa ɓe paamaay. Ɗum wuli ɓe, ammaa ɓerɗe maɓɓe njaɓaay.

Esaaya 48:4

Mi anndi ko'e mon caati bana njamndi, bana njamndi mboɗeeri.

Esaaya 9:13

Ngam man nder nyalaade woore, Jawmiraawo ta'an nder Isra'iila hoore e wicco, lisal dibinoohi e kewal.

Yeremiya 15:7

Nder gure lesdi fuu njaartumi on. Mi halkan ummaatoore am, mi mbaran ɓikkoy mooɗon, ngam on accaay laabi mooɗon kalluɗi.

Yeremiya 17:23

Kamɓe ɓe nananaay yam, ɓe kakkilaay, ammaa ɓe caatini ko'e maɓɓe, ɓe cali nanango yam, ɓe njaɓaay elto am.”

Yeremiya 19:15

“Ndaa nii Jawmiraawo honooɓe asama, Allah Isra'iila wi'i: Mi yahran sarru dow berniwol ngo'ol e gure maagol fuu, bana ko mbi'mi. Ngam on caatini ko'e mooɗon, on cali ɗowtanaago bolle am.”

Yeremiya 2:30

“Mi ɓocci ɓiɓɓe mooɗon, ammaa ɗum nafaay, ɓe njaɓaay elto. Kaafahi mooɗon mbari annabi'en bana mbarooga zammbotoowa.

Yeremiya 3:3

Ngam maajum kaɗmi iyeende, a heɓaay iyeende ragareere. A debbo daakaareejo yoora-giteejo, a sali semtugo.

Yeremiya 32:19

Nufayeeje ma e kuuɗe ma ɗe mawɗe. Gite ma ɗon ndaara laabi ɓiɓɓe Aadama fuu, ngam a warjo koo moy fodde laabi mum e kuuɗe mum.

Yeremiya 35:13

Jawmiraawo honooɓe asama, Allah Isra'iila wi'i mo: “Yah, yeccu yimɓe Yahuuda e jooɗiiɓe haa Urusaliima: Ndaa nii Jawmiraawo wi'i: Koni on njaɓataa elto, on ɗowtantaako bolle am?

Yeremiya 44:10

Haa wargo hannde on leestinaay ko'e mon, on kulaay yam, on tokkaaki tawreeta am e umrooje ɗe umrumi on, onon e kaakiraaɓe mon.

Yeremiya 7:26

Ammaa on nanaay, on kakkilaay. Ko'e mooɗon caati, on mbaɗi kalluɗum ko tulli kaakiraaɓe mooɗon.

Yeremiya 7:28

Yeccu ɓe ɓe laati ummaatoore nde ɗowtantaako Jawmiraawo Allah muuɗum, nde jaɓataa elto boo. Gooŋgaaku majji, ɓe acci koo numugo ngu boo.”

Yeremiya 8:5

Onon yimɓe ummaatoore am haa Urusaliima, koni on tuurtanto yam foroy? On ɗon tabiti nder pewe, on ɗon calo lortaago haa am.

Ezekiyel 2:4

Yimɓe ɓe'e kam, ko'e maɓɓe caati. Mi neli ma haa maɓɓe, a yecca ɓe: Ndaa nii Allah Jawmiraawo wi'i.

Ezekiyel 24:13

Urusaliima, a soɓi bee kuuɗe ma cemtiniiɗe. Mi yiɗno laɓɓingo ma, ammaa a laaɓaay. A laaɓataa fahin, sonaa to mi rufi tikkere am fuu dow maaɗa.

Daniyel 9:13

Kiita ka winnda nder tawreeta Muusa fuu do'i dow amin. Ammaa koo jonta boo, yaa Jawmiraawo Allah amin, min toraaki ma mo'ere, min tuubaay dow aybeeji amin, min kakkilanaay gooŋga ma.

Farillaaji Lewi'en 26:23

To on tokkake tuurtango yam, to on njaɓaay elto tawon,

Amos 4:10

“Mi neli nyawu kalluŋgu ndaaɓoowu caka mooɗon, bana ɓooyma haa Misra. Mi mbardi suka'en mooɗon bee kaafahi, mi dahi pucci mon. Mi ummini kacceeŋga caŋngeeje mon haa nga nasta kine mon. Bee non fuu, on lortaaki haa am.” Non Jawmiraawo wi'i.

Amos 4:11

“Mi halki woɗɓe mooɗon bana mi halkiri Sodoma e Gomorra. On laati bana leggel jamnaaŋgel ngel goɗɗo wurtini diga yiite. Bee non fuu, on lortaaki haa am.” Non Jawmiraawo wi'i.

Amos 4:6

Jawmiraawo wi'i: “Min ukkani on weelo nder gure mon fuu, on keɓaay ko on nyaama nder nokkuuje mon fuu. Bee non fuu, on lortaaki haa am.

Amos 4:8

Ngam maajum yimɓe gure ɗiɗi koo tati njehi haa wuro wooto ngam yarugo ndiyam, ɓe ɗomɗitaaki boo. Bee non fuu, on lortaaki haa am.” Non Jawmiraawo wi'i.

Amos 4:9

“Mi yoorni e mi nyolni demetirle mon. Baɓɓatti nyaami jarne mon e gese inabooje mon e ibbe mon e jaytunje mon. Bee non fuu, on lortaaki haa am.” Non Jawmiraawo wi'i.

Sefaniya 3:7

Mi tammi: Jonta ngol hulatam sike, ngol jaɓan elto am. Nokkuure maagol wilatake! Nde mi hiiti yimɓe maagol fuu, ɓe tullitini kuuɗe maɓɓe.

Roma'en 2:2

En anndi Allah ɗon hiito waɗanɓe kuuɗe man kiita ngooŋɗuka.

Ibraniŋke'en 12:9

Ciftoren baabiraaɓe meeɗen haa duniyaaru. Ɓe elti en, en teddina ɓe boo. Sakkomaa Baabiraawo meeɗen mo asama, sey en leesna ko'e meeɗen yeeso maako haa en ngeeɗa!