Yeremiya 5:21 - Fulfulde Bible

²¹ Nane, onon faataaɓe, sooya-hakkiilo'en! On ngoodi gite, ammaa on ngi'ataa. On ngoodi noppi, ammaa on nanataa.

Fulfulde DC Bible

²¹ Nane, onon faataaɓe, sooya-hakkiilo'en! On ngoodi gite, ammaa on ngi'ataa. On ngoodi noppi, ammaa on nanataa.

Yeremiya 5:21 Iomraidhean Croise

Jabuura 94:8

Onon humaki'en nder ummaatoore, nume booɗɗum! Onon faataaɓe, ndey keɓoton hakkiilo?

Balndi 17:16

Ɗume ceede haa juŋngo paataaɗo nafata? Haa o sooda hikma na, nde o walaa hakkiilo?

Esaaya 27:11

To lice leɗɗe njoori, ngewi, rewɓe ngaran, njamnan ɗe. Ngam ummaatoore nde'e nde walaa faamu. Ngam maajum tagɗo nde yurmintaa nde, baɗɗo nde hinnataako nde.

Esaaya 43:8

Ngurtine ummaatoore nde'e: Nde woodi gite, ammaa nde yi'ataa. Nde woodi noppi boo, ammaa nde nanataa!

Esaaya 44:18

Ɓe ngalaa anndal e faamu. Gite maɓɓe takkaama, ngam taa ɓe ngi'a, ɓerɗe maɓɓe boo maɓɓaaɗe, ngam taa ɓe paama.

Yeremiya 10:8

Ɓe fuu maɓɓe ɓe faataaɓe, sooya-hakkiilo'en, ngam ɗowanteeɓe ekkitinooɓe ɓe, ɗum leggal meere!

Yeremiya 4:22

Jawmiraawo wi'i: “Yimɓe ummaatoore am ɓe faataaɓe, ɓe anndaa yam. Ɓe laatake bana ɓikkoy koy ngalaa hakkiilo koo faamu. Ɓe ngoodi hikma waɗugo ko halli, ammaa ɓe anndaa waɗugo ko fotti.”

Yeremiya 5:20

Anndine yimɓe Yaakubu, ngooyne nder lesdi Yahuuda:

Yeremiya 5:4

Mi tammino: “Ɗum leesɓe, ɓe ngalaa hakkiilo. Ɓe anndaa laawol Jawmiraawo e kiita Allah maɓɓe ndarnuka.

Yeremiya 6:10

Mi ƴami: “Moy mbolwananmi, moy ceedinanmi haa ɓe nana ɗum? Keefeeraaku maɓɓe haɗi ɓe nanugo. Wolde Jawmiraawo laatani ɓe huunde jalnaare, fottantaa ɓe.

Yeremiya 7:13

Jawmiraawo wi'i: “On ɗon mbaɗa hakkeeji ɗi'i fuu. Koo mi wolwani on tum, on cali nanugo. Nde mi ewni on, on njaabaaki.

Yeremiya 8:7

Koo ngaasiyoowal boo anndi wakkati muuɗum. Poola e sonndu zawleeru e kumaarewal anndi wakkati loraaki muuɗum'en. Ammaa yimɓe ummaatoore am kam anndaa umrooje am.

Ezekiyel 12:2

“Ɓii-Aadama, a ɗon jooɗi caka tuurtooɓe. Ɓe ngoodi gite, ammaa ɓe ngi'ataa. Ɓe ngoodi noppi, ammaa ɓe nanataa, ngam ɓe tuurtooɓe.

Hose'a 7:11

Efrayim laati bana poola kumiiŋga nga walaa hakkiilo. Ɓe ewni Misra ngam ballal, ɓe njehi haa Assuura boo.

Zekariya 7:11

Ammaa yimɓe cali nanugo. Ɓe ngayliti ɓaawo, ɓe cukki noppi maɓɓe ngam taa ɓe nana.

Markus 4:12

Ngam maajum ɓe ɗon ndaara, ammaa ɓe ngi'ataa. Ɓe ɗon nana, ammaa ɓe paamataa. Ngam taa ɓe lorto haa Allah, Allah boo yaafo ɓe.”

Markus 8:18

On ngoodi gite, on ngi'ataa na? On ngoodi noppi, on nanataa na? On ciftortaa na?

Yuhanna 12:40

“Allah wumni ɓe, saatini ɓerɗe maɓɓe, ngam taa ɓe ngi'a bee gite maɓɓe, taa ɓerɗe maɓɓe paama, taa ɓe lorto, mi yamɗitina ɓe.”

Kuuɗe Nelaaɓe 28:26

Yah, wi' ummaatoore nde'e: On nanan bee noppi mon, ammaa on paamataa sam. On ndaaran bee gite mon, ammaa on ngi'ataa koo ɗume.

Roma'en 1:20

Ngam koo nde neɗɗo waawataa yi'ugo Allah, o anndi bee laaɓɗum kanyum woni Allah fakat, o anndi boo baawɗe maako timmataa, ngam ɗum waŋgi nder tagdi fuu, diga Allah tagi duniyaaru. Ngam maajum ɓe ngalaa hujja sam.

Roma'en 11:8

bana ko winnda: “Allah hokki ɓe ruuhu ɗoyŋgol tedduŋgol. Gite maɓɓe ngi'ataa, noppi maɓɓe boo nanataa haa wargo hannde.”

Tooktaaki Tawreeta 29:3

Ammaa haa wargo hannde o hokkaay on ɓerɗe paamanɗe e gite gi'anɗe e noppi nananɗi.

Tooktaaki Tawreeta 29:4

Duuɓi cappanɗe nayi mi ɗowi on nder ladde. Saa'i man fuu limce mon e paɗe mon kiiɗaay.

Tooktaaki Tawreeta 32:6

Bana non ngettirton Allah na? Onon faataaɓe ɓe ngalaa hakkiilo! Naa kaŋko woni Baabiraawo mooɗon, tagɗo on, tabitinɗo on haa on laato ummaatoore?