Yeremiya 5:1 - Fulfulde Bible

¹ Jawmiraawo wi'i: “Caale nder laabi berniwol Urusaliima, ndaare, linye, ɗaɓɓite haa babe maagol, teema on tawan goɗɗo gooto mo ɗon waɗa ko fotti, mo ɗon ɗaɓɓita gooŋga! Nden kam mi yaafanto Urusaliima.

Fulfulde DC Bible

¹ Jawmiraawo wi'i: “Caale nder laabi berniwol Urusaliima, ndaare, linye, ɗaɓɓite haa babe maagol, teema on tawan goɗɗo gooto mo ɗon waɗa ko fotti, mo ɗon ɗaɓɓita gooŋga! Nden kam mi yaafanto Urusaliima.

Yeremiya 5:1 Iomraidhean Croise

1 Laamiiɓe 19:10

O jaabi: “Yaa Allah Jawmiraawo honooɓe asama, bee tiinaare e ɓernde am fuu kuuwananmaami. Ngam Isra'iila'en piisti alkawal ma, ɓe ngibbini kirsirɗe ma, ɓe mbari annabi'en ma bee kaafahi. Min feere am lutti, ammaa ɓe ngiɗi mbarugo yam.”

2 Habaruuji Nyalaaɗe 16:9

Gite Jawmiraawo ɗon ngi'a ko saaloto nder duniyaaru fuu. Yiɗɓe mo bee ɓernde laaɓnde, o semmbiɗinan ɓe. Ammaa an a huuwi bana paataaɗo. Yeeso ɗo, konuuji ukkanto ma.”

Jabuura 12:1

Ngam kaliifaajo gime bee moolooji marɗi ɓoggi joweetati. Yimre Daawuda.

Jabuura 14:2

Diga asama, Jawmiraawo jimmiti, o ɗon laara ɓiɓɓe Aadama, haa o yi'a to woodi marɗo hakkiilo, ɓaditanɗo Allah.

Jabuura 14:3

Ammaa ɓe fuu ɓe celi laawol gooŋga, ɓe mbonnake. Walaa baɗanɗo ko wooɗi, walaa koo gooto!

Jabuura 94:16

Moy seetti yam, nde halluɓe ngulli yam? Moy walli yam, nde waɗooɓe zunuuba ukkani yam?

Balndi 20:6

Yimɓe ɗuuɗɓe ɗon ngeyna mbooɗeeŋga muuɗum'en. Ammaa moy tawata neɗɗo koolaaɗo?

Balndi 23:23

Soodu gooŋga, taa soorru ka, non boo hikma, anndinki e hakkiilo.

Balndi 8:3

Baŋnge dammuɗe, haa nastirde berniwol, haa jolɗe fuu ka ɗon wooyna:

Yimre Suleymaanu 3:2

Sey mi ummo, mi waanca nder berniwol fuu, mi yaha haa laabi e babe boo, mi tefa mo ɓernde am yiɗi. Mi tefi, ammaa mi tawaay mo.

Esaaya 59:4

Walaa gullotooɗo bee haala ndarnuka, walaa kiitotooɗo bee gooŋga. Ɓe ɗon koolo kuuje meereeje, ɓe ɗon mbolwa fewre. Ɓe kaari toonyaare, ɓe ndanyan sarru.

Yeremiya 2:29

Koni ngulloton yam? On fuu on tuurtani yam.” Non Jawmiraawo wi'i.

Yeremiya 44:15

Nden worɓe annduɓe rewɓe muuɗum'en ɗon ngulana ɗowanteeɓe woɗɓe uurle e mooɓre rewɓe hawtuɓe dariiɓe ton e Yahuudu'en jooɗiiɓe haa Paturus nder lesdi Misra, mbi'i Yeremiya:

Yeremiya 8:6

Mi heɗiti, mi nani, ammaa on mbolwaay gooŋga. Walaa koo gooto mooɗon mimsiti halleende muuɗum. Walaa koo gooto meeɗi wi'ugo: Kayya, ko mbaɗmi ɗo? Koo moy ɗon tokko laawol muuɗum, kal-kal bee puccu njaawananŋgu haɓre.

Yeremiya 9:2

Foroy ɓe ɗon taaski fewugo. Ɓe kuuwtinirtaa gooŋga ngam laamanaago lesdi, ammaa fewre. Ɓe ɗon ɗuɗɗina kuuɗe kalluɗe, ɓe njaɓaay yam boo.

Yeremiya 9:7

Ɗemɗe maɓɓe nanndi bee kuri mbarooji, ɗe ɗon mbolwa fewjere. Koo moy ɗon wolwana keeddiɗɗum haala jam, ammaa ɓernde maako ɗon tuufana mo tuuforli.

Ezekiyel 22:30

Caka maɓɓe, mi ɗaɓɓiti goɗɗo darnanɗo mahol ngam faddaago ɓe, darotooɗo nder ceekli maagol yeeso am ngam aynugo lesdi, ngam taa mi nattina ndi. Ammaa mi tawaay koo gooto.

Ezekiyel 9:9

O jaabi yam: “Aybe yimɓe Isra'iila e Yahuuda mawni masin. Lesdi heewi mbar-hoore, berniwol boo heewi toonyaare, ngam ɓe ɗon mbi'a: Jawmiraawo wudini lesdi, yi'ataa ɓe.

Daniyel 12:4

Daniyel, taa yeccu koo moy bolle ɗe'e, takku deftere nde'e haa wakkati timmoode wara. Ɗuuɗɓe ɗaɓɓan faamugo ko laatoto e faamu ɓesdoto.”

Yo'el 2:9

Ɓe ɗon ukkano berniwol, ɓe ɗon njaawɗa dow mahol, ɓe mba'o dow cuuɗi, ɓe ɗon nastira ɗi gal burɗe maaji bana wuyɓe.

Amos 8:12

Yimɓe ndimmboto diga mbeela nga'a haa ngaya, ɓe ngiilo diga woyla haa fuunaaŋge ngam ɗaɓɓititgo wolde Jawmiraawo, ammaa ɓe tawataa nde!

Zekariya 2:4

Mi ƴami: “Ɗume ɓe ngari waɗugo?” O jaabi: “Luwe go caŋkiti Yahuuda, haa walaa koo goɗɗo ɓaŋgti hoore mum. Ammaa kila'en ɓe'e ngari ngam hulnugo e do'ugo luwe go. Ngam ummaatooje ɓaŋgti ɗe dow lesdi Yahuuda, ngam saŋkititgo yimɓe maari.”

Luka 14:21

Suka lorti haa jaagorɗo muuɗum, yecci mo ɗum fuu. Nden jawmu saare ɓerni, wi'i suka muuɗum: Yah law haa dalde wuro e haa laabi, ewna talaka'en e jiijiiɓe e wumɓe e woosɓe.

2 Tessaloniiki'en 2:10

Bee kuuɗe kalluɗe koo ɗeye fuu, o estan majjeteeɓe. Ɓe majjeteeɓe ngam ɓe cali jaɓugo e yiɗugo gooŋga ka waawanno hisnugo ɓe.