Yeremiya 49:2 - Fulfulde Bible

² Ngam maajum Jawmiraawo wi'i: “Saa'i ɗon wara haa mi nanna Ammooni'en nder berniwol Rabba hoolo konu. Ngol laatoto bille. Konne'en ngulan gure maagol bee yiite. Nden Isra'iila'en keɓtan lesdi muuɗum'en haa hoocuɓe ndi.

Fulfulde DC Bible

² Ngam maajum Jawmiraawo wi'i: “Saa'i ɗon wara haa mi nanna Ammooni'en nder berniwol Rabba hoolo konu. Ngol laatoto bille. Konne'en ngulan gure maagol bee yiite. Nden Isra'iila'en keɓtan lesdi muuɗum'en haa hoocuɓe ndi.

Yeremiya 49:2 Iomraidhean Croise

2 Samuyila 11:1

Mawri man, haa fuɗɗoode hitaande, wakkati laamiiɓe ngurtoto ngam haɓre, Daawuda neli Yo'ab bee maccuɓe mum e Isra'iila'en fuu ngam nattingo Ammooni'en e hippaago berniwol Rabba. Ammaa kaŋko o yahaay, o jooɗi haa Urusaliima.

Jabuura 48:11

Yaa Allah, yimɓe ɗon maŋgte koo toy fuu. Innde ma anndaama haa keerol duniyaaru fuu, tum nyaamo ma ɗon waɗa kiita adiliiha.

Jabuura 97:8

Ammaa yimɓe Siyona nani, ɓe ɗon ngima bee welwelo, gure Yahuuda ɗon ceyo ngam daliila kiitaaji ma, yaa Jawmiraawo.

Esaaya 11:14

Ummaatooje ɗiɗi ɗe'e ukkanto Filisti'en haa hiirnaaŋge, ɓe njaɓtan mardi yimɓe fuunaaŋge. Juuɗe maɓɓe ngaran dow Edoom e Mo'ab, yimɓe Ammoon leesanan ɓe.

Esaaya 17:1

Ndaa koŋngol dow Damas. Jawmiraawo wi'i: “Yeeso ɗo, Damas laatataako berniwol, ngol laatoto waagaare bille.

Yeremiya 4:19

Yeremiya wi'i: “Wayyo teteki am, teteki am ɗon naawa! Ɓernde am ɗon fiita bee semmbe, mi waawataa de'ugo ngam mi ɗon nana hoolo luwal e hoolo konu!

Yeremiya 49:1

Ndaa ko Jawmiraawo wi'i dow Ammooni'en: “Woodaa worɓe haa Isra'iila na? Woodaa ronooɓe ton na? Koni sujidanooɓe lawru Milkom kooci lesdi lenyol Gada, njooɗi nder berniiji ton?”

Ezekiyel 21:20

Mi ɗon hulna ɓe haa dammuɗe berniwol maɓɓe fuu bee kaafahi man, haa ɓerɗe maɓɓe ɓolwa, ɗuuɗɓe ndo'o. Kaafahi ɗon ɗelka bana ma'ere, ki taaski mbarugo.

Ezekiyel 21:25

Laawol gootol ngam yahugo berniwol Rabba nder lesdi Ammooni'en, laawol ɗiɗaɓol boo ngam yahugo Yahuuda, haa Urusaliima, berniwol cemmbiɗŋgol.

Amos 1:14

Ngam maajum kuɓɓanmi yiite haa mahi taariiɗi Rabba, nge nyaama cuuɗi maagol cemmbiɗɗi, bee hoolo konu nder nyannde haɓre, caka naargewol nder nyannde duluuru.

Obadiya 1:19

Yimɓe Yahuuda wonɓe haa fombina, koocan kooseeje Isuwa, maran ɗe. Wonɓe haa lesdi towndiije boo koocan lesdi Filisti'en. Ɓe maran lesdi Efrayim bee lesdi Samariya. Yimɓe Benyamin maran lesdi Gile'at.

Limle 10:9

To on nasti haɓre nder lesdi mooɗon bee konne'en kippiiɓe on, puufe fuufre konu bee luwe man. Nden kam min Jawmiraawo Allah mon mi siftoran on, mi hisna on juuɗe maɓɓe.

Limle 21:25

Isra'iila'en nyaami berniiji Amoori'en fuu. Ɓe njooɗi nder maaji fuu, non boo haa Hesbon e gure taariiɗe ngol fuu.

Tooktaaki Tawreeta 13:16

doole on mbara yimɓe berniwol man fuu bee kaafahi, on nattina ɓe, kamɓe e ko woni nder maagol e dabbaaji maɓɓe fuu.

Tooktaaki Tawreeta 3:11

Sey Ook, laamiiɗo Baasan feere muuɗum luttuno bee yoŋki nder Refa'en. Ndaa kes uwirde maako, ɗum kes hayre ɓaleere saatunde, ɗum ɗon dari haa Rabba, berniwol Ammooni'en! Njuutirka man, meetir nayi bee reeta, njaajirka man boo, meetir ɗiɗi.

Yosuwa 17:11

Haa nder maral Issakar e Aser, Manassa heɓi berniiji ɗi'i: Bayti-Se'an e Yible'am bee gure maaji, non boo Door e En-Door e Ta'anak e Megiddo bee gure maaji. Ɗum waɗi taƴe lesdi tati.

Yosuwa 17:16

Ɓe njaabi: “Lesdi kooseeje he'ataa min. Ammaa Kanaani'en jooɗiiɓe nder lesdi leesndi mari mootaaji pucci njamndiiji, waato jooɗiiɓe haa Bayti-Se'an bee gure mum e wonɓe nder waadiwol Yisre'el fuu.”