Yeremiya 48:44 - Fulfulde Bible

⁴⁴ “Dogguɗo kultoreeŋgol do'oto nder ngaska. Gurtiiɗo ngaska nastan tuuforgol. Ngam mi taynori hitaande hiitaago Mo'ab.” Non Jawmiraawo wi'i.

Fulfulde DC Bible

⁴⁴ “Dogguɗo kultoreeŋgol do'oto nder ngaska. Gurtiiɗo ngaska nastan tuuforgol. Ngam mi taynori hitaande hiitaago Mo'ab.” Non Jawmiraawo wi'i.

Yeremiya 48:44 Iomraidhean Croise

1 Laamiiɓe 19:17

Ndaa ko laatoto: Mo daɗi kaafahi Hazayel, Yeehu mbaran mo, mo daɗi kaafahi Yeehu boo, Elisa mbaran mo.

1 Laamiiɓe 20:30

Luttuɓe ndoggi haa Afek nder berniwol. Mahol maagol yibbi dow worɓe luttuɓe ujine noogas e njoweeɗiɗo (27.000). Benhadat doggi, o yehi berniwol, o nasti suudu suuɗiindu.

Esaaya 10:3

Ko mbaɗoton nyalaade kiita, to halkere wari diga daayiiɗum? Haa moy ndoggoton ngam ballal? Toy accoton jawdi mon?

Esaaya 24:17

Kultoreeŋgol e tuuforgol e ngaska ɗon ndeena on, onon yimɓe duniyaaru!

Esaaya 24:18

Dogguɗo hoolo kultoreeŋgol do'oto nder ngaska, gurtiiɗo ngaska nastan tuuforgol. Ngam burɗe asama maɓɓiti, caɓɓaaje lesdi ndimmbake.

Yeremiya 10:15

Ɗi kuuje meereeje, jalnooje, saa'i kiita ɗi kalkan.

Yeremiya 11:23

Walaa koo gooto maɓɓe luttata, ngam mi ukkan sarru dow yimɓe Anatot, nder hitaande nde ta'umi ngam hiitaago ɓe.”

Yeremiya 16:16

“Mi nelan waawooɓe ɗuuɗɓe ɓe ngara naŋngugo yimɓe ɓe'e. Nden mi nelan loohooɓe ɗuuɗɓe ɓe loohoto ɓe dow kooseeje e towndiije e nder ceekli tapaaje fuu.” Non Jawmiraawo wi'i.

Yeremiya 23:12

Ngam maajum laawol maɓɓe laatoto laawol moostanŋgol e nyiɓɓuŋgol. Mi waɗan ɓe pergo, ɓe ndo'o. Mi ukkan ɓe sarru, ngam saa'i kiita maɓɓe ɓadake, non Jawmiraawo wi'i.

Yeremiya 46:21

Koo honooɓe ɓe Misra hoosi haya boo laati bana nyalahoy paykoy. Kamɓe boo ɓe mbaawaay dartaago, ɓe ngayliti, ɓe ndoggi. Ngam nyalaade halkere maɓɓe, saa'i kiita maɓɓe ukkani ɓe.

Yeremiya 49:8

Onon yimɓe Dedan, ngaylite, ndogge! Nyukke nder gasɗe. Mi ukkanan danygol Isuwa sarru, ngam saa'i waɗi mi hiito ɓe.

Yeremiya 50:24

An Baabila, mi tuufani ma tuuforgol, an boo a anndaano. Jonta a nasti ngol. Mi heɓti ma, mi naŋngi ma, ngam a haɓi bee am.

Yeremiya 51:18

Ɗi kuuje meereeje, jalnooje, saa'i kiita ɗi kalkan.

Yeremiya 8:12

Kadi ɓe cemti ngam ɓe kuuwi nyidduɗum na? Aa'a, ɓe cemtaay, ɓe ngalaa semteende sam. Ngam maajum ɓe ndo'oto caka do'otooɓe. Saa'i mi hiitoto ɓe, ɓe njanan.” Non Jawmiraawo wi'i.

Gimi Boyki 3:47

Kulol e kultoreeŋgol e yibbere e halkere ukkani min.

Hose'a 9:7

Nyalɗe kiita njottake, saa'i waataago waɗi. Sey Isra'iila annda ɗum! On mbi'i: Annabiijo ellitake, marɗo Ruuhu yinnake ngam aybe mooɗon mawni, konnaagu mooɗon ɗuuɗi.

Amos 5:19

Nde laatoto bana to goɗɗo doggi mbarooga, fotti bee ɓoodu. To o yottake saare maako, o ɓaarake juŋngo maako haa mahol, nden mboodi soppi mo.

Mika 7:4

Wooɗa-gikkuujo caka maɓɓe nanndi bee wumre gi'e. Gooŋɗuɗo maɓɓe ɓuri wumre gi'e hallugo. Nyalaade kiita nde aynooɓe mon mbi'no on ɗon wara. Nden kam saklere hoo'an on.