Yeremiya 48:13 - Fulfulde Bible

¹³ Nden Mo'abi'en cemtiran lawru Kemos, bana Isra'iila'en cemtiri bee lawru wonndu haa Baytila ndu ɓe kooli ɗum.

Fulfulde DC Bible

¹³ Nden Mo'abi'en cemtiran lawru Kemos, bana Isra'iila'en cemtiri bee lawru wonndu haa Baytila ndu ɓe kooli ɗum.

Yeremiya 48:13 Iomraidhean Croise

1 Laamiiɓe 11:33

Mi waɗan ɗum ngam ɓe acci yam, ɓe ɗon ndewa Astarte, lawru Sidoni'en rewru e Kemos, lawru Mo'abi'en e Milkom, lawru Ammooni'en. Ɓe tokkaaki laawol ngol mi holli ɓe. Ɓe mbaɗaay ko fottani yam, ɓe ɗowtanaaki farillaaji e kiitaaji ɗi mi umri ɓe. Bana nii ɓe mbaɗaay ko Daawuda baaba Suleymaanu waɗno.

1 Laamiiɓe 11:7

Saa'i maajum Suleymaanu nyiɓani Kemos, lawru Mo'abi'en nyiddundu, nokkuure townde dow hooseere tiitotirnde bee Urusaliima. Non boo ngam Molek, lawru Ammooni'en nyiddundu.

1 Laamiiɓe 18:40

Nden Eliya wi'i ɓe: “Naŋnge annabi'en Ba'al. Koo gooto maɓɓe taa daɗa!” Ɓe naŋngi ɓe, Eliya yahri ɓe haa maayel Kison, o hirsi ɓe ton.

2 Habaruuji Nyalaaɗe 25:15

Jawmiraawo tikkani Amasiya, neli annabiijo haa maako, haa o wi'a mo: “Koni ɗakkotirɗa bee ɗowanteeɓe ɓe mbaawaay hisnugo yimɓe muuɗum'en hokkaaɓe haa juŋngo ma?”

Esaaya 16:12

Yimɓe Mo'ab ɗon tiino yahugo haa nokkuuje towɗe, ɓe ɗon nasta nokkuure maɓɓe seniinde ngam do'aago, ammaa ɓe kumtataa sam.

Esaaya 2:20

Nyalaade man yimɓe koo'an labbi muuɗum'en ɗi cardi e kaŋŋeeri, ɗi ɓe mbaɗino ngam sujidango ɗi, ɓe cakkina ɗi caka doombi e bilwili.

Esaaya 45:16

Sehooɓe labbi fuu cemtan, keewan mbustu e toskaare.

Esaaya 45:20

Mooɓotire, ngare, ɓadite hawtaade, onon luttuɓe ummaatooje! Roondotooɓe lawru muuɗum'en ndu leggal e torotooɓe ɗowanteeɗo mo waawataa hisnugo, ɓe ngalaa anndal.

Yeremiya 48:39

“Mo'ab nattinaama! Mboye! Lesdi Mo'ab toskake, ndi laati daliila kultoreeŋgol e jancoore ngam ummaatooje taariiɗe ndi.”

Yeremiya 48:46

Bone laatani Mo'ab! Yimɓe sujidanɓe Kemos kalki. Ɓiɓɓe maɓɓe worɓe e rewɓe laati haɓɓaaɓe dahaaɓe.

Yeremiya 48:7

An Mo'ab, a tuugi semmbe ma e risku ma. Ammaa jonta konne'en nyaamete, an boo. Ɗowanteeɗo ma Kemos o daheteeɗo, bee liman'en mum e saraaki'en mum fuu.

Alkaali'en 11:24

Naa an mari lesdi koo ndiye ndi Kemos ɗowanteeɗo ma marni ma na? Bana non, minin boo min maran lesdi koo ndiye ndi Jawmiraawo Allah amin riiwi yimɓe maari yeeso amin, min nyaami ndi.