Yeremiya 41:2 - Fulfulde Bible

² Isma'iilu e worɓe mum sappo losi kaafaaje muuɗum'en, mbari Gedaliya mo laamiiɗo Baabila waɗi ngomna lesdi.

Fulfulde DC Bible

² Isma'iilu e worɓe mum sappo losi kaafaaje muuɗum'en, mbari Gedaliya mo laamiiɗo Baabila waɗi ngomna lesdi.

Yeremiya 41:2 Iomraidhean Croise

2 Samuyila 3:27

O lorti bee maɓɓe haa Heburuun. Yo'ab yahri mo feere maako haa nastirde berniwol, bana o yiɗi wolwango mo bee sirri. Ton o yuwi mo haa reedu, o maayi. Bana nii Yo'ab mbardiri mo ngam waataago deerɗum Asa'el mbaraaɗo.

2 Laamiiɓe 25:25

Ammaa nder lewru joweeɗiɗaɓru hitaande man, Isma'iilu ɓii Netaniya ɓii Eliisama, goɗɗo danygol laamiiɗo wardi bee yimɓe sappo, ɓe mbari Gedaliya e Yahuudu'en e Kaldiya'en wonduɓe bee maako haa Mispa.

Jabuura 109:5

Ɓe ɗon mbarjo mbooɗeeŋga am bee halleende, ɓe ɗon mbarjo yiide am boo bee nganyaandi.

Jabuura 41:9

Ɓe ɗon mbi'a: “Naaloore heɓi mo! Ndaa o ɗon waali, o ummitittaako!”

Yeremiya 40:14

mbi'i: “A anndi na? Ba'alis, laamiiɗo Ammoon neli Isma'iilu ɓii Netaniya ngam mbarugo ma.” Ammaa Gedaliya ɓii Ahikam jaɓaay ko ɓe mbi'i.

Yeremiya 40:16

Ammaa Gedaliya jaabi mo: “Taa waɗ ɗum. Ko mbi'ɗa dow Isma'iilu, ɗum fewre.”

Yeremiya 40:5

Ammaa Yeremiya dillaay tawon. Ngam maajum Nebuzaradan wi'i mo: “Lorta haa Gedaliya ɓii Ahikam ɓii Safan mo laamiiɗo Baabila waɗi ngomna dow gure Yahuuda. Jooɗoda bee maako caka yimɓe malla yah haa nokkuure koo ndeye fottanannde ma fuu.” Nden o hokki mo dokkal e njooɓaari laawol, o jaɓɓiti mo.

Yeremiya 40:7

Nden mawɓe jama'aaje konu wonɓe nder ladde e honooɓe muuɗum'en nani laamiiɗo Baabila waɗi Gedaliya ɓii Ahikam ngomna lesdi fuu, halfitinani mo leesɓe nder lesdi ɓe ndahaaka haa Baabila, worɓe e rewɓe e ɓikkoy.

Yeremiya 40:8

Ngam maajum Isma'iilu ɓii Netaniya e Yohanan ɓii Kareha e Seraya ɓii Tanhumet e ɓiɓɓe Efay Netofaajo e Yaajaniya Ma'akatiijo, kamɓe e worɓe maɓɓe njehi haa Gedaliya haa Mispa.

Yeremiya 41:3

Nden Isma'iilu mbari Yahuudu'en wonduɓe bee Gedaliya haa Mispa fuu e honooɓe Kaldiya'en wonɓe ton.

Yuhanna 13:18

Mi wolwaay ɗum ngam mooɗon fuu, mi anndi suɓaaɓe am. Ammaa haani ko Deftere wi'i hiɓɓa: Mo ɗon nyaamda bee am, ummani yam.