Yeremiya 4:8 - Fulfulde Bible

⁸ Ngam maajum kadde limce buhuuje, mboye, uume! Ngam tikkere Jawmiraawo saatunde waylitaaki, accaay en.

Fulfulde DC Bible

⁸ Ngam maajum kadde limce buhuuje, mboye, uume! Ngam tikkere Jawmiraawo saatunde waylitaaki, accaay en.

Yeremiya 4:8 Iomraidhean Croise

Jabuura 78:49

O yoofi dow maɓɓe ɓernuki maako gulanki bana yiite, o ɓilli ɓe, o neldi ɓe yeɓre malaa'ika'en halkooɓe, ɓe torri ɓe.

Esaaya 10:4

Walaa ko lutti, sey turodaago bee haɓɓaaɓe malla do'odaago bee mbaraaɓe. Bee non fuu, tikkere Jawmiraawo feewtaay, juŋngo maako ɗon forti tawon.

Esaaya 13:6

Mboye! Ngam nyalaade Jawmiraawo ɓaditake, nde ɗon wara bee nattinki diga Allah Baawɗo.

Esaaya 22:12

Allah Jawmiraawo honooɓe asama ewni on nyalaade man haa on mboya, on cuno, on pemmba ko'e mon, on kadda limce buhuuje.

Esaaya 32:11

Kultore, onon riskuɓe! Ndiwne, onon sooyɓe saklere! Ɓorte limce mooɗon, temmbiɗe, kadde limce buhuuje!

Esaaya 5:25

Ngam maajum tikkere Jawmiraawo ɗon ukko dow ummaatoore mum. O ɗon forta juŋngo maako dow maɓɓe, o fiya ɓe. Kooseeje ɗon ndiwna, ɓalli maayɓe ɗon mbaali bana mbuuwri dow laabi. Bee non fuu, tikkere maako feewtaay, juŋngo maako ɗon forti tawon.

Esaaya 9:12

Ammaa yimɓe ummaatoore lortaaki haa piyɗo ɓe, ɓe ngartanaay Jawmiraawo honooɓe asama.

Esaaya 9:17

Halleende wulan bana yiite wulanŋge gi'e e giŋngille, nge jamnan laynde sukkunde, haa nge ummina cuurɗe bana daŋraŋgal.

Yeremiya 25:34

Mboye, onon ardiiɓe mbaɗe bojji. Talle nder mbulwuldi, onon jaagorɓe yimɓe mooɗon, saa'i hirsugo on waɗi, haa on ndo'o, on pusa bana fayannde marnde saman.

Yeremiya 48:20

Ɓe njaaboto: Lesdi Mo'ab nattinaama! Mboye ndi, ngam ndi toskake! Ngooyne nder waadiwol Arnon no Mo'ab wilaama!

Yeremiya 6:26

Ummaatoore am, hadda limce buhuuje, talla nder ndoondi, woy bana dow maayde bajjo, ummin bojji kaaɗɗi! Ngam bonnoowo ukkanto en bee juhuki!

Gimi Boyki 1:12

“Onon saalotooɓe fuu, taa sarru ngu'u heɓa on! Woodi naaworla bana naaworla am na, ka Jawmiraawo yarnatammi nder wakkati tikkere mum?

Ezekiyel 21:12

To ɓe ƴami ma ngam ɗume a uumata, jaaba ɓe: Ngam daliila kuuje ɗe tammi wargo. Nden ɓerɗe fuu ɓolwan, juuɗe fuu tampan, hakkiilooji fuu cakloto, koppi fuu tampan. Saa'i waɗi, jonta ɗum laatoto.” Non Allah Jawmiraawo wi'i.

Ezekiyel 30:2

“Ɓii-Aadama, waɗ annabaaku! A wi'a: Ndaa nii Allah Jawmiraawo wi'i: Mboye! Kayto nyalaade nde'e!

Yo'el 1:13

Kadde limce buhuuje, mboye, onon liman'en! Uume, onon jaggiiɓe haa hirsirde Jawmiraawo! Ngare, mbaale nder mettamɓeram, onon jagganooɓe Allah am! Ngam dokke nyaamdu e dokke dufeteeɗe ngoodaa haa suudu Allah mooɗon.

Amos 8:10

Mi waylan juulɗe mooɗon ɗe laatoto suno, gimi mooɗon boo laatoto bojji. Mi waɗan on fuu on kadda limce buhuuje, on laɓda ko'e mon. Mi laatinan bojji bana to ɓiɗɗo bajjo maayi. Ragare man haaɗan bana nyalaade mettamɓeram.”

Mika 1:16

Laɓu hoore ma! Ittu gaasa ma ngam daliila ɓiɓɓe ma yiɗaaɓe! Wartir nde bana hoore jigaawal, ngam ɓiɓɓe ma ndahaama daayiiɗum bee maaɗa!

Limle 25:4

Nden Jawmiraawo wi'i Muusa: “Hoo'u hoore'en ummaatoore fuu, ɓil ɓe yeeso am dow leɗɗe bee baŋguɗum, haa mi acca tikkango Isra'iila!”