Yeremiya 4:7 - Fulfulde Bible

⁷ Mbarooga wurti lowol muuɗum, nattinoowo ummaatooje ummi, wurti nokkuure muuɗum ngam wartirgo lesdi mooɗon ladde meere, ngam wilugo berniiji mooɗon, ɗi cooya jooɗiiɓe ton.

Fulfulde DC Bible

⁷ Mbarooga wurti lowol muuɗum, nattinoowo ummaatooje ummi, wurti nokkuure muuɗum ngam wartirgo lesdi mooɗon ladde meere, ngam wilugo berniiji mooɗon, ɗi cooya jooɗiiɓe ton.

Yeremiya 4:7 Iomraidhean Croise

2 Laamiiɓe 24:1

Nder zamanu maako, Nabukodonosor laamiiɗo Baabila wari hippi lesdi Yahuuda. Yooyakim leestani mo duuɓi tati. Ɓaawo maajum, o tuurtani mo.

2 Laamiiɓe 25:1

Nder nduuɓu laamu Sedekiya njoweenayaɓu, nder lewru sappooru, nyalaade sappo maaru Nabukodonosor wardi bee jama'aare konu muuɗum, ɓe mbaɗi saŋngeere maɓɓe yeeso berniwol. Yimɓe Nabukodonosor mbaagi lesdi, haa taari berniwol ngam hippaago ngol.

Esaaya 1:7

Lesdi mon laatake ladde meere, yiite nyaami berniiji mon. Jananɓe ɗon mbonna lesdi mon haa yeeso mooɗon, ɗum nattere nde jananɓe ukkani on.

Esaaya 5:9

Ndaa ko Jawmiraawo honooɓe asama wolwani yam: “Fakat, cuuɗi ɗuuɗɗi ɗi'i laatoto bille, cuuɗi mawɗi booɗɗi ɗi'i keɓataa jooɗotooɓe nder maaji.

Esaaya 6:11

Mi ƴami: “Haa ndeye ɗum timmata, yaa Jawmiraawo?” O jaabi: “Haa to berniiji laatake bille, walaa jooɗiiɓe ton, cuuɗi cooya yimɓe, lesdi laato ladde meere,

Yeremiya 2:15

Barooɗe ɗon ubba dow maako, ɗon ubba bee semmbe, ɗon mbonna lesdi maako. Berniiji maako gulaaɗi perwi, woodaa goɗɗo haa ton.

Yeremiya 22:6

Ndaa nii Jawmiraawo wi'i: “Laamorde laamiiɗo Yahuuda wooɗi haa gite am bana lesdi Gile'at e yeereere hooseere Libanon. Ammaa mi wartiran nde winnde e nokkuure ferwunde.

Yeremiya 22:7

Mi nelan worɓe ngam wilugo nde. Koo moy maɓɓe wara bee fe'irde mum, fe'a leɗɗe cemmbiɗɗe ma ɓurɗe wooɗugo, wubo ɗe nder yiite.

Yeremiya 25:38

O acci yimɓe maako bana mbarooga wurtorto lowol mum, ngam tikkere maako saatunde e kaafahi maako kulniiki ngartiri lesdi fuu ladde meere.

Yeremiya 25:9

Ngam maajum ewnotoomi ummaatooje woyla fuu e suka am Nabukodonosor, laamiiɗo Baabila. Mi waddan ɓe ngam haɓugo bee lesdi ndi'i e jooɗiiɓe ton e bee ummaatooje taariiɗe fuu. Mi nattinan yimɓe fuu, mi laatinan ɓe hulniiɓe yawniiɓe, lesdi maɓɓe boo ladde ferewnde haa foroy.

Yeremiya 26:9

Koni mbaɗɗa annabaaku bee innde Jawmiraawo, mbi'ɗa: Suudu ndu'u laatoto bana Silo, berniwol ngo'ol boo laatoto winnde, walaa goɗɗo jooɗoto ton.” Nden ummaatoore fuu mooɓotiri dow Yeremiya haa haykaliiru Jawmiraawo.

Yeremiya 27:8

To ummaatoore wonnde malla laamu salake jagganaago Nabukodonosor, laamiiɗo Baabila, jaɓaay kaɓɓirgal laamu maako, nden kam mi hiitoto ummaatoore man bee konu e weelo e nyawu kalluŋgu ndaaɓoowu, haa to mi nattini ummaatoore nde'e bee juŋngo maako.

Yeremiya 33:10

Ndaa nii Jawmiraawo wi'i: “Yimɓe mbi'i nokkuure nde'e ferwi, walaa yimɓe koo dabbaaji ton. Gooŋga, gure Yahuuda e laabi Urusaliima perwi, walaa yimɓe koo dabbaaji ton. Ammaa haa nokkuuje ɗe'e on nanan fahin

Yeremiya 34:22

Mi umran ɓe ɓe lorto, ɓe kaɓa bee berniwol ngo'ol, ɓe nyaama ngol, ɓe ngula ngol. Mi laatinan gure Yahuuda ladde meere, bilaa jooɗiiɓe ton.” Non Jawmiraawo wi'i.

Yeremiya 4:29

Yimɓe wonɓe nder gure fuu ɗon ndogga ngam hoolo wa'iiɓe pucci e fiɗooɓe kuri. Ɓe ɗon nasta nder layɗe, ɓe mba'o tapaaje. Ɓe acci gure fuu, walaa luttuɗo nder maaje.

Yeremiya 44:2

Jawmiraawo honooɓe asama, Allah Isra'iila wi'i: “On ngi'i sarru ngu ukkumi Urusaliima e berniiji Yahuuda fuu. Haa wargo hannde ɗi laati bille, walaa jooɗiiɗo ton.

Yeremiya 46:18

Mi geeto. Jawmiraawo honooɓe asama woni innde am. Fakat bana mi geeto, bana hooseere Taboora caka kooseeje goɗɗe, bana hooseere Karmel kommbi mbeela, bana non semmbe garanɗo dow mooɗon.

Yeremiya 49:19

Mi waran bana mbarooga ngurtiiŋga laynde sukkunde baŋnge maayo Urdun, ngaranŋga haa durduɗe kecce. Bee juhuki ndiiwanmi Edoomi'en diga lesdi muuɗum'en. Ɓaawo maajum mi suɓan mo laamanto ummaatoore maɓɓe. Moy nanndi bee am? Moy ewnoto yam yeeso kiita? Ardiiɗo moye dartanto yam?

Yeremiya 5:6

Ngam maajum mbarooga laynde faɗɗan ɓe, saafaandu ladde nattinan ɓe, paaɗaawu ɗon waaltano gure maɓɓe, seekan gurtotooɗo fuu. Ngam tuurtol maɓɓe e zunuubaaji maɓɓe ɗuuɗi masin.

Yeremiya 50:17

Yimɓe Isra'iila laati bana baali majjuɗi ɗi barooɗe ndiiwi. Laamiiɗo Assuura aarti nyaamugo ɓe. Haa ragare, Nabukodonosor, laamiiɗo Baabila nami i'e maɓɓe.

Yeremiya 50:44

Min Jawmiraawo mi waran bana mbarooga ngurtiiŋga laynde sukkunde baŋnge maayo Urdun, ngaranŋga haa durduɗe kecce. Bee juhuki ndiiwanmi yimɓe Baabila diga berniwol muuɗum'en. Ɓaawo maajum mi suɓan mo laamanto ummaatoore maɓɓe. Moy nanndi bee am? Moy ewnoto yam yeeso kiita? Ardiiɗo moye dartanto yam?

Yeremiya 8:16

Haa berniwol Dan gonŋgol haa woyla en nani pucci konneejo ɗon pora. To pucci maako gorɗi ɗon kijo, lesdi fuu ɗon diwna. Ɗi ɗon ngara ngam halkugo lesdi e ko woni nder maari, berniwol meeɗen e jooɗiiɓe ton fuu.”

Yeremiya 9:11

Hikmaajo moy faami kuuje ɗe'e? To Jawmiraawo wolwani mo, nden kam sey o anndina ɗum woɗɓe! Ngam ɗume lesdi halki, wulaama bana ladde meere nde goɗɗo saalataako ɗum?

Ezekiyel 12:20

Berniiji keewɗi yimɓe, perwan. Lesdi laatoto ladde hamaadaare. Nden kam on paaman min woni Jawmiraawo.”

Ezekiyel 21:31

Min Allah Jawmiraawo wi'i ɗum. Ittu meetaleewol ma e fawnere taariinde hoore ma. Kuuje fuu ngayloto! Leesɓe ɓaŋgoto, ɓaŋgiiɓe boo leestan.

Ezekiyel 32:2

“Ɓii-Aadama, sey a waɗa gimol ngam woyugo Firawna, laamiiɗo Misra, yeccu mo: A nanndi bee mbarooga caka ummaatooje. Ammaa a ɓuri nanndugo bee kuuŋga nder maayo. A ɗon wicca ndiyam nder maaje ma, a ɗon laanya ndiyam bee kosɗe ma, a ɗon irta loope nder maaje.

Daniyel 5:19

Yimɓe nder ummaatooje e asli e ɗemɗe fuu kuli mo, ndiwni yeeso maako ngam daliila maŋngu ngu o hokki mo. Mo o yiɗno mbarugo, o mbari. Mo o yiɗno hisnugo yoŋki mum, o hisni. Mo o yiɗno ɓaŋgtugo, o ɓaŋgti, mo o yiɗno leestingo boo, o leestini.

Daniyel 7:4

Arana nanndi bee mbarooga, nga woodi bileeji dutal. Saa'i mi ɗon laara nga, bileeji maaga ɗoofaama. Nga ɓaŋgtaama e darnaama dow kosɗe maaga bana neɗɗo e nga hokkaama ɓernde neɗɗo.

Farillaaji Lewi'en 26:31

haa mi laatina berniiji mon bille. Mi yibbinan cuuɗi mon cenaaɗi, mi jaɓataa uureeŋgol kirseteeɗi mon.

Farillaaji Lewi'en 26:33

Mi saŋkitan on nder ummaatooje goɗɗe, mi fartan on bee kaafahi losaaki. Lesdi mon laatoto ladde meere, berniiji mon laatoto bille.