Yeremiya 4:6 - Fulfulde Bible

⁶ Ndarne tuutawal haa Siyona. Ndogge, taa ndare sam! Ngam mi waddan sarru e halkere mawnde diga woyla.

Fulfulde DC Bible

⁶ Ndarne tuutawal haa Siyona. Ndogge, taa ndare sam! Ngam mi waddan sarru e halkere mawnde diga woyla.

Yeremiya 4:6 Iomraidhean Croise

Esaaya 62:10

Caale! Ngurte yaasi berniwol! Mbaɗane ummaatoore laawol! Ceeke buuwol, itte kaa'e! Ɓaŋgte tuutawal dow ummaatooje!

Yeremiya 10:22

Nane! Habaru ɗon wara. Hoolo maŋngo waɗi haa lesdi woyla. Honooɓe maari laatinan berniiji Yahuuda ladde meere e jooɗorde cuuli.

Yeremiya 18:11

Jonta kadi, yeccu yimɓe Yahuuda e jooɗiiɓe haa Urusaliima: Ndaa nii Jawmiraawo wi'i: Mi ɗon taaskano on sarru, mi ɗon nufano on huunde hallunde. Lorte diga laabi mon kalluɗi, mbo'itine laabi mon e kuuɗe mon!

Yeremiya 21:7

Ɓaawo man ndokkanmi Sedekiya, laamiiɗo Yahuuda e saraaki'en mum e yimɓe luttuɓe nder berniwol haa juŋngo Nabukodonosor, laamiiɗo Baabila, haa juuɗe konne'en maɓɓe yiɗɓe mbarugo ɓe. Luttuɓe nder berniwol ɓe maayaay bee nyawu kalluŋgu ndaaɓoowu malla kaafahi malla weelo, Nabukodonosor umran mbarugo ɓe bee kaafahi. O enɗataa ɓe, o accataa koo gooto maɓɓe bee yoŋki, o yurmintaa ɓe sam.”

Yeremiya 22:7

Mi nelan worɓe ngam wilugo nde. Koo moy maɓɓe wara bee fe'irde mum, fe'a leɗɗe cemmbiɗɗe ma ɓurɗe wooɗugo, wubo ɗe nder yiite.

Yeremiya 25:9

Ngam maajum ewnotoomi ummaatooje woyla fuu e suka am Nabukodonosor, laamiiɗo Baabila. Mi waddan ɓe ngam haɓugo bee lesdi ndi'i e jooɗiiɓe ton e bee ummaatooje taariiɗe fuu. Mi nattinan yimɓe fuu, mi laatinan ɓe hulniiɓe yawniiɓe, lesdi maɓɓe boo ladde ferewnde haa foroy.

Yeremiya 4:21

Haa ndey ngi'anmi tuutawal? Haa ndey nananmi hoolo luwal?”

Yeremiya 50:2

“Anndine ɗum caka ummaatooje, ngooyne ɗum! Ndarne tuutawal konu, mbaɗe wooynaandu, taa cuuɗe ɗum! Mbi'e: Lesdi Baabila do'ake! Ɗowanteeɗo maari Beel toskake, Marduk fusi, labbi maako toskake, suuraaji maako cehaaɗi kalki.

Yeremiya 50:22

Hoolo konu ummi nder lesdi, halkere naawnde waɗi.

Yeremiya 51:12

Ɓaŋgte tuutawal konu ngam ukkanaago mahi Baabila! Cemmbiɗine aynol. Ndarne aynooɓe, taaskitine baaltol.” Jawmiraawo ɗon timmina anniya ka o anndini dow yimɓe Baabila.

Yeremiya 51:27

“Ɓaŋgte tuutawal nder lesdi! Puufe luwal konu haa ummaatooje nana ɗum! Taaskitine ummaatooje ngam haɓre bee Baabila! Ewne laamuuji Araraada e Minni e Askanas, ndarne hooreejo ngam haɓugo bee maagol! Ngadde pucci ɗuuɗɗi bana baɓɓatti!

Yeremiya 51:54

“Nane gookaali diga Baabila e hoolo yibbere mawnde nder lesdi Kaldiya'en.

Yeremiya 6:1

“Onon yimɓe Benyamin, ndogge, ngurte Urusaliima! Puufe luwal haa Teko'a, mbaɗe alaama konu haa Bayti-Kerem, ngam sarru e halkere naawnde ɗon ngara diga woyla.

Yeremiya 6:22

Ndaa nii Jawmiraawo wi'i: “Ndaa, yimɓe ummaatoore ɗon ngara diga lesdi woyla, ummaatoore ɗuuɗnde ummi haa keeri duniyaaru.

Ezekiyel 9:1

Nden nanmi Jawmiraawo towni sawtu, wi'i: “Ɓadite, onon hiitooɓe berniwol, koo moy bee kuuwruɗum nattinoojum haa juŋngo mum!”

Ezekiyel 9:2

Ndaa worɓe njoweego ɗon ngara dow laawol iwŋgol dammugal ɓaŋgiiŋgal tiitanŋgal woyla, koo moy maɓɓe ɗon jogi kuuwruɗum nattinoojum. Haa caka maɓɓe woodi goɗɗo ɓorniiɗo limce leŋ e o ɗon bee dawaaru e binndirgol haa taadorgol mum. Ɓe ngari, ɓe ndari haa hirsirde nde njamndi mboɗeeri.

Sefaniya 1:10

Jawmiraawo wi'i: “Nyalaade man gookaali mbaɗan haa dammugal bi'eteeŋgal Dammugal Liɗɗi e bojji haa Fattude Hesre e haraka dow towndiije.

Zekariya 6:6

Pucci ɓaleeji kaɓɓindiraaɗi haa moota go ndilli gal lesdi woyla. Daneeji tokki ɗi ɓaawo, ndilli gal hiirnaaŋge, nden biidiiji ndilli gal Lesdi Fombina.