Yeremiya 4:4 - Fulfulde Bible

⁴ Njuulne ko'e mooɗon ngam Jawmiraawo, itte saadooniiku ɓerɗe mooɗon, onon yimɓe Yahuuda e jooɗiiɓe haa Urusaliima, ngam taa tikkere am ummo bana yiite, taa nde wula ngam kuuɗe mooɗon kalluɗe, walaa baawanɗo nyifugo nge.”

Fulfulde DC Bible

⁴ Njuulne ko'e mooɗon ngam Jawmiraawo, itte saadooniiku ɓerɗe mooɗon, onon yimɓe Yahuuda e jooɗiiɓe haa Urusaliima, ngam taa tikkere am ummo bana yiite, taa nde wula ngam kuuɗe mooɗon kalluɗe, walaa baawanɗo nyifugo nge.”

Yeremiya 4:4 Iomraidhean Croise

2 Habaruuji Nyalaaɗe 34:25

Mi waɗan ɗum, ngam ɓe acci yam, ɓe nguli uurle ngam ɗowanteeɓe woɗɓe, haa ɓe tikkinammi bee kuuɗe maɓɓe fuu. Ngam man ukkanmi tikkere am dow nokkuure nde'e, nde feewtataako.

Esaaya 10:17

Annoora Isra'iila laatoto yiite, Ceniiɗo maako boo laatoto ɗemŋgal yiite. Ka wulan e ka nyaaman gi'e e giŋngille Assuura nder nyalaade woore.

Esaaya 30:33

Duuri, ngaska yiite ɗon taaski ngam laamiiɗo Assuura. Ka luggi, ka yaaji boo, ka heewi yiite e leɗɗe ɗuuɗɗe. Poofɗe Jawmiraawo kuɓɓan ɗe bana maayo baruudu.

Esaaya 51:17

Fin, fin! Umma, an Urusaliima! A yari jardugel tikkere ngel juŋngo Jawmiraawo hokki ma. A yari ko woni nder jardugel fuu haa ɗum hokki ma giilol!

Yeremiya 15:14

Mi laatinan ɓe maccuɓe konne'en maɓɓe nder lesdi ndi ɓe anndaa, ngam tikkere am saatunde dow maɓɓe ɗon wula bana yiite.”

Yeremiya 21:5

Min bee hoore am mi haɓan bee mooɗon, bee juŋngo am fortiiŋgo semmbiɗŋgo, bee ɓernuki am e tikkere am saatunde.

Yeremiya 23:19

Tikkere Jawmiraawo waran bana henndu saatundu, bana duluuru ukkantoondu ko'e halluɓe.

Yeremiya 36:7

Teema tornde maɓɓe yottoto Jawmiraawo, ɓe fuu ɓe lortoto diga laabi maɓɓe kalluɗi. Ngam Jawmiraawo furkiti yimɓe ɓe'e bee ɓernuki mum e tikkere mum saatunde masin.”

Yeremiya 44:22

Jawmiraawo waawaay munyango kuuɗe mon kalluɗe nyidduɗe. Ngam maajum lesdi mon laati winnde, ferwi, walaa mo jooɗi ton. Yimɓe naaliran bee innde maari, bana ko laati hannde.

Yeremiya 9:25

waato yimɓe Misra e Yahuuda e Edoom e Ammoon e Mo'ab e yimɓe ladde laɓa-taarna'en fuu. Yimɓe ɓe'e fuu njuulnaay e yimɓe Isra'iila boo ɓerɗe muuɗum'en njuulnaaka.”

Gimi Boyki 4:11

Jawmiraawo timmini tikkere mum, waanji ɓernuki mum caatuki dow Siyona. O huɓɓi yiite nder Siyona, nge nyaami koo caɓɓaaje boo.

Ezekiyel 16:38

Mi hiitete kiita rewɓe jeenooɓe e rufooɓe ƴiiƴam, mi ukkan tikkere e kaajal dow maaɗa haa to ƴiiƴam suddi ma.

Ezekiyel 18:31

Acce tuurtolji mon fuu, kesɗitine ɓerɗe mon e ruuhuuji mon. Malla on ngiɗi maayugo na, onon Isra'iila'en?

Ezekiyel 20:33

Allah Jawmiraawo wi'i: “Fakat bana mi geeto, mi laamanto on bee juŋngo semmbiɗŋgo, bee baawɗe am, mi rufan tikkere am dow mooɗon.

Ezekiyel 21:17

Sey a hoola, ɓii-Aadama, sey a woya, ngam kaafahi man waran dow yimɓe am! Ki waran dow mawɓe Isra'iila fuu, ɓe mbareteeɓe hawtaade bee yimɓe am. Fiy wiɓɓere ma daliila suno ngo'o.

Ezekiyel 24:13

Urusaliima, a soɓi bee kuuɗe ma cemtiniiɗe. Mi yiɗno laɓɓingo ma, ammaa a laaɓaay. A laaɓataa fahin, sonaa to mi rufi tikkere am fuu dow maaɗa.

Ezekiyel 24:8

Mi acci ɗam ton, taa ɗam uwo, ammaa ɗam ummina tikkere am, haa mi waato ngol daliila aybe dufki ƴiiƴam ɗa'am.”

Ezekiyel 44:7

On coɓni suudu am seniindu. Saa'i on lii'ani yam ɓellere e ƴiiƴam kirsaaɗi, on acci jananɓe nasti ndu. Kamɓe ɓe saadooni'en, heefeerɓe. Bana nii on piistiri alkawal am bee kuuɗe mon nyidduɗe fuu.

Ezekiyel 6:12

Daayiiɓe maayran bee nyawu kalluŋgu ndaaɓoowu, ɓadiiɓe njaniran bee kaafahi, luttanɓe hisɓe boo maayran bee weelo. Bana non mi rufirta tikkere am fuu dow maɓɓe.

Ezekiyel 8:18

Ngam maajum maatinanmi ɓe tikkere am. Mi laarataa ɓe bee enɗam, mi yurmintaa ɓe sam. Koo to ɓe mboyani yam bee sawtu, mi nanataa ɓe.”

Farillaaji Lewi'en 26:28

nden kam mi honan on bee tikkere, mi tullitinan kiitaaji dow hakkeeji mon cowi joweeɗiɗi fahin.

Farillaaji Lewi'en 26:41

Daliila man mi honi ɓe, mi dahi ɓe nder lesɗe konne'en maɓɓe. Nden ɓe annditan sooynde ɗowtaare maɓɓe, ɓe leestinan ko'e maɓɓe, ɓe njaɓan kiita dow aybe maɓɓe.

Amos 5:6

Ngaylite heedi Jawmiraawo, nden kam on ngeeɗan! To naa non o halkan lenyol Yusufu bee yiite, o wulan Baytila, walaa nyifanɗo nge!

Sefaniya 2:2

hiddeko on caŋkito, on majja bana nyaande, hiddeko tikkere Jawmiraawo saatunde ukkano on, hiddeko nyalaade tikkere maako wara dow mooɗon.

Roma'en 2:25

To a ɗowtanake tawreeta, nden juulnol ma boo nafete. Ammaa to a luuti tawreeta, nden kam juulnol ma laatake meere, a fotan kal-kal bee ɓe njuulnaaki.

Tooktaaki Tawreeta 10:16

Ngam maajum ɗowtane Jawmiraawo bee ɓernde woore, acce saatingo ko'e mooɗon fahin.

Tooktaaki Tawreeta 30:6

Jawmiraawo, Allah mooɗon hokkan on, onon e danygol mon ɓerɗe ɗowtiiɗe, on ngiɗan mo bee ɓerɗe mon e yoŋkiiji mon fuu, nden on ngeeɗan.

Tooktaaki Tawreeta 32:22

Tikkere am wulan bana yiite, nyaaman koo ɗume fuu haa lesdi. Nde wulan haa yotto joonde maayɓe, nde nyaaman koo caɓɓaaje kooseeje boo.

Kolossi'en 2:11

Nder kawtal bee maako, on keɓi juulnol ngol juŋngo goɗɗo waawataa waɗugo. Juulnol ittuŋgol baawɗe hakke nder neɗɗo, ɗum juulnol Almasiihu.