Yeremiya 4:29 - Fulfulde Bible

²⁹ Yimɓe wonɓe nder gure fuu ɗon ndogga ngam hoolo wa'iiɓe pucci e fiɗooɓe kuri. Ɓe ɗon nasta nder layɗe, ɓe mba'o tapaaje. Ɓe acci gure fuu, walaa luttuɗo nder maaje.

Fulfulde DC Bible

²⁹ Yimɓe wonɓe nder gure fuu ɗon ndogga ngam hoolo wa'iiɓe pucci e fiɗooɓe kuri. Ɓe ɗon nasta nder layɗe, ɓe mba'o tapaaje. Ɓe acci gure fuu, walaa luttuɗo nder maaje.

Yeremiya 4:29 Iomraidhean Croise

2 Habaruuji Nyalaaɗe 33:11

Ngam man o acci mawɓe honooɓe laamiiɗo Assuura ngara dow maɓɓe. Ɓe naŋngi Manassa bee ngoodi, ɓe kaɓɓi mo bee callalluuji njamndi mboɗeeri, ɓe njahri mo haa Baabila.

Esaaya 30:17

Ujineere ndoggan to gooto furkiti ɓe. To konne'en njowo purkitake on, on ndoggan. Luttanɓe mon nanndan bee leggal tuutawal dariiŋgal feere mum dow yeereere hooseere malla dow towndiire.”

Esaaya 6:12

haa to Jawmiraawo riiwi yimɓe daayiiɗum, babe ɗuuɗɗe nder lesdi boo accaama.

Yeremiya 16:16

“Mi nelan waawooɓe ɗuuɗɓe ɓe ngara naŋngugo yimɓe ɓe'e. Nden mi nelan loohooɓe ɗuuɗɓe ɓe loohoto ɓe dow kooseeje e towndiije e nder ceekli tapaaje fuu.” Non Jawmiraawo wi'i.

Yeremiya 4:7

Mbarooga wurti lowol muuɗum, nattinoowo ummaatooje ummi, wurti nokkuure muuɗum ngam wartirgo lesdi mooɗon ladde meere, ngam wilugo berniiji mooɗon, ɗi cooya jooɗiiɓe ton.

Yeremiya 52:7

Kaldiya'en cumpiti mahol berniwol. Nde jemma waɗi, jama'aare konu Yahuuda fuu doggi. Koo nde Kaldiya'en ɗon taari Urusaliima, ɓe caali gal dammugal gonŋgal hakkunde mahi ɗiɗi, ɗakki jarne laamiiɗo. Nden laamiiɗo Sedekiya tokki laawol gal waadiwol Urdun.

Yeremiya 6:23

Ɓe ɗon njogi lagaaje e labbe, ɓe saatuɓe, ɓe ngalaa enɗam. Daaɗe maɓɓe ɗon iida bana maayo maŋngo, ɓe wa'iiɓe pucci, ɓe taaski bana gorko gooto ngam haɓre bee maaɗa, Urusaliima!”

Amos 9:1

Mi yi'i Jawmiraawo ɗon dari kommbi hirsirde. O umri: “Fiy dow ko'e daŋraŋge, haa caɓɓaaje maaje fuu dimmbo! Sampitit ɗe dow ko'e yimɓe fuu! To goɗɗo lutti, mi mbaran mo bee kaafahi, walaa mo daɗata, walaa mo hisata sam!

Luka 23:30

Nden yimɓe mbi'an kooseeje: Ndo'e dow amin! Ɓe mbi'an towndiije boo: Cudde min!

1 Samuyila 13:6

Nde Isra'iila'en ngi'i ɓe ɗon yeeso joote ngam konne'en ɓaditi ɓe masin, ɓe nyukki nder lowi, nder kooraaje, caka tapaaje, nder cuuɗi gasaaɗi e nder ɓulli.