Yeremiya 4:20 - Fulfulde Bible

²⁰ Ɓe ɗon anndina masiibo dow masiibo, lesdi fuu natti, jonta nii cuuɗi am e laymaaji am kalki!

Fulfulde DC Bible

²⁰ Ɓe ɗon anndina masiibo dow masiibo, lesdi fuu natti, jonta nii cuuɗi am e laymaaji am kalki!

Yeremiya 4:20 Iomraidhean Croise

Jabuura 42:7

Yaa Allah am, ɓernde am suni, ngam man mi siftori ma, diga mi ɗonno jooɗi haa lesdi Urdun, gal kooseeje Hermoon e Mica'ar.

Jabuura 72:19

Maŋgtoore laatano innde maako teddunde haa foroy, duniyaaru fuu heewa tedduŋgal maako. Aamiina. Aamiina!

Gurtaaki 33:5

Nden Jawmiraawo wi'i Muusa: “Yeccu Isra'iila'en: Onon on yimɓe saata-ko'e'en. To mi yahdi bee mooɗon wakkati bana ma'annde yiitere tan, fakat mi nattinan on. Jonta, ɓorte fawne mooɗon. Nden kam mi anndan ko mbaɗanmi on.”

Esaaya 13:6

Mboye! Ngam nyalaade Jawmiraawo ɓaditake, nde ɗon wara bee nattinki diga Allah Baawɗo.

Esaaya 15:5

Ɓernde am ɗon woya dow lesdi Mo'ab. Ngam dogguɓe maari ɗon ndogga haa yotti Co'ar e Egilat-Silisiya. Ɓe ɗon mba'o wa'orde Luhit bee bojji. Dow laawol Horonayim ɓe ɗon mbaɗa gookaali daliila halkere.

Esaaya 33:20

Laar Siyona, berniwol juulɗe men. Gite ma ngi'an Urusaliima, pellel de'uŋgel, laymaaru ndu meetataa sottineego. Tiggirɗe maaru meetataa ɗoofeego, ɓoggol maaru boo meetataa fiisteego.

Esaaya 47:9

Ammaa kuuje ɗiɗi ɗe'e: Sooynde gorko e sooynde ɓikkoy ngaran dow ma nder saa'iire woore, nder nyalaade woore. Ɗe ngaran dow ma bee semmbe maaje fuu koo to hiilaaji ma ɗuuɗi, koo to moccooje ma ɗuuɗi masin.

Esaaya 54:2

Yaajin babal suudu laymaaru ma. Sey ɓe mbe'ita wiirndallooji jooɗorde ma, taa famɗin. Juttin ɓoggi maaru, tiggu tiggirɗe ma booɗɗum.

Yeremiya 12:11

Ɓe laatini ndi ladde meere, ndi wonni, ndi ferwi yeeso am. Lesdi fuu ferwi, walaa mo numata ɗum.

Yeremiya 17:18

Semtin toonyooɓe yam, ammaa taa mi semta! Hulnu ɓe, ammaa taa hulnam! Ukku nyalaade hallunde dow maɓɓe, halku ɓe cowi ɗiɗi!”

Yeremiya 4:21

Haa ndey ngi'anmi tuutawal? Haa ndey nananmi hoolo luwal?”

Yeremiya 4:27

Ndaa nii Jawmiraawo wi'i: “Lesdi fuu laatoto winnde, ammaa mi wilataa ndi fuu.

Yeremiya 4:6

Ndarne tuutawal haa Siyona. Ndogge, taa ndare sam! Ngam mi waddan sarru e halkere mawnde diga woyla.

Yeremiya 9:18

Nane uumaali iwɗi Siyona: “Kayto! Ɓe mbili min, mbustu ɗon sudda min! Ɓe ndiiwi min diga lesdi amin, ɓe ngibbini cuuɗi amin.”

Gimi Boyki 3:47

Kulol e kultoreeŋgol e yibbere e halkere ukkani min.

Ezekiyel 14:21

Ngam ndaa nii Allah Jawmiraawo wi'i: Koo to mi ukkanan Urusaliima kiitaaji am naawɗi feere feere nayi ɗi'i, waato: Kaafahi e weelo e dabbaaji mbarooji e nyawu kalluŋgu ndaaɓoowu ngam nattingo yimɓe e dabbaaji nder berniwol,

Yo'el 1:15

Nyalaade Jawmiraawo ɓaditake! Nde waran diga Allah Baawɗo bana halkere. Kayto nyalaade nde'e!

Farillaaji Lewi'en 26:18

To on ɗowtanaaki yam ɓaawo kuuje ɗe'e fuu, nden kam mi ɗuɗɗinan kiitaaji dow hakkeeji mooɗon cowi joweeɗiɗi.

Farillaaji Lewi'en 26:21

To on tokkake tuurtango yam, to on calake ɗowtanaago yam, nden kam mi ɗuɗɗinan kiitaaji dow hakkeeji mooɗon cowi joweeɗiɗi fahin.

Farillaaji Lewi'en 26:24

nden kam mi honan on, mi ɓesdan saatingo kiitaaji dow hakkeeji mon cowi joweeɗiɗi.

Farillaaji Lewi'en 26:28

nden kam mi honan on bee tikkere, mi tullitinan kiitaaji dow hakkeeji mon cowi joweeɗiɗi fahin.

Habakuk 3:7

Mi yi'i sarru ukkani laymaaji Kusan, laymaaji Mediyan ɗon ndiwna.

Limle 16:21

“Ndaaye bee ummaatoore nde'e, haa mi halka nde jonta nii.”

Matta 10:28

Taa kule yimɓe ngam koo ɓe mbaawan mbarugo ɓalli mooɗon, ɓe mbaawataa mbarugo yoŋki. Ammaa kule Allah baawɗo halkugo ɓanndu e yoŋki fuu nder yiite jahannama.

2 Tessaloniiki'en 1:9

Ɓe halketeeɓe halkere duumiinde, ɓe senndeteeɓe daayiiɗum bee Jawmiraawo e baawɗe mum tedduɗe.