Yeremiya 4:19 - Fulfulde Bible

¹⁹ Yeremiya wi'i: “Wayyo teteki am, teteki am ɗon naawa! Ɓernde am ɗon fiita bee semmbe, mi waawataa de'ugo ngam mi ɗon nana hoolo luwal e hoolo konu!

Fulfulde DC Bible

¹⁹ Yeremiya wi'i: “Wayyo teteki am, teteki am ɗon naawa! Ɓernde am ɗon fiita bee semmbe, mi waawataa de'ugo ngam mi ɗon nana hoolo luwal e hoolo konu!

Yeremiya 4:19 Iomraidhean Croise

Laataanooji 49:6

Taa yoŋki am nasta dawral maɓɓe. Taa ɓernde am hawtana mooɓtorde maɓɓe. Ngam nder tikkere maɓɓe ɓe mbari worɓe, nder welwelo maɓɓe ɓe coppi korle ga'i kalhali.

2 Laamiiɓe 4:19

Ngel wi'i: “Baaba! Hoore am ɗon naawa!” Baaba maagel wi'i suka muuɗum: “Eftu ngel, yahran daada maagel.”

2 Laamiiɓe 8:11

Elisa suti Hazayel, haa ɗum semtini mo. Nden Elisa, goɗɗo Allah, woyi.

Jabuura 103:1

Yimre Daawuda. Sey mi maŋgta Jawmiraawo, mi maŋgta innde maako seniinde bee ɓernde am fuu!

Jabuura 116:7

Ɓernde am, de'itu, ngam Jawmiraawo woonani yam!

Jabuura 119:136

Gite am ɗon ilna gonɗi bana maayel, ngam yimɓe ɗon luuta tawreeta ma.

Jabuura 119:53

Mi heewi tikkere saatunde ngam daliila halluɓe, wudinɓe tawreeta ma.

Jabuura 146:1

Halleluya! Sey mi maŋgta Jawmiraawo!

Jabuura 16:2

Mi ɗon wi'a Jawmiraawo: “An woni Jawmam, hayru am fuu iwi haa maaɗa.”

Esaaya 15:5

Ɓernde am ɗon woya dow lesdi Mo'ab. Ngam dogguɓe maari ɗon ndogga haa yotti Co'ar e Egilat-Silisiya. Ɓe ɗon mba'o wa'orde Luhit bee bojji. Dow laawol Horonayim ɓe ɗon mbaɗa gookaali daliila halkere.

Esaaya 16:11

Mi ɗon uuma ngam Mo'ab, ɓernde am ɗon woya ngam Kir-Heeres.

Esaaya 21:3

Ngam man keeci am tampi, naawreeŋga naŋngi yam bana luuwe ɓesnanɗo. Mi sakli, mi huli haa mi waawaay nanugo e yi'ugo.

Esaaya 21:4

Hoore am ɗon yiilo, kultoreeŋgol ɗon hulnammi. Maŋngariba ka keppantoomi ɗum, laatani yam daliila diwnol.

Esaaya 22:4

Ngam maajum mbi'mi: Taa ndaareeɗam, haa mi woya bojji naawɗi! Taa tiine de'itingo yam dow halkere ummaatoore am!

Yeremiya 13:17

To on nanaay, mi woyan nder cuuɗiiɗum ngam mawnitaare mooɗon. Mi woyan ɗuuɗɗum, gite am ndufan gonɗi ngam tokkere Jawmiraawo daheteende.

Yeremiya 20:9

Ammaa to mi numi: Sey mi yejjita Jawmiraawo, taa mi wolwa bee innde maako, nden huunde ɗon wula nder ɓernde e nder i'e am bana yiite. Mi somi naŋgtugo nde, mi waawataa.

Yeremiya 23:9

Ndaa ko Yeremiya wi'i dow annabi'en: “Ɓernde am ta'i, ɓanndu am fuu ɗon diwna ngam daliila Jawmiraawo, ngam bolle maako ceniiɗe. Mi laati bana guykuɗo mo nguykinoojam naŋngi ɗum.

Yeremiya 4:21

Haa ndey ngi'anmi tuutawal? Haa ndey nananmi hoolo luwal?”

Yeremiya 4:5

Anndine nder Yahuuda, ngooyne haa Urusaliima! Puufe luwal nder lesdi, ngooke bee semmbe, mbi'e: Mooɓte ngam nastugo berniiji cemmbiɗɗi.

Yeremiya 49:2

Ngam maajum Jawmiraawo wi'i: “Saa'i ɗon wara haa mi nanna Ammooni'en nder berniwol Rabba hoolo konu. Ngol laatoto bille. Konne'en ngulan gure maagol bee yiite. Nden Isra'iila'en keɓtan lesdi muuɗum'en haa hoocuɓe ndi.

Yeremiya 50:22

Hoolo konu ummi nder lesdi, halkere naawnde waɗi.

Yeremiya 6:24

Yimɓe mbi'i: “Min nani habaru maɓɓe, juuɗe amin tampi, kulol naŋngi min bana luuwe naŋngirta ɓesnanɗo.

Yeremiya 8:18

Bone am hurgataake, ɓernde am saklake.

Yeremiya 8:21

Ɓernde am naawnake, ngam ummaatoore am naawnaama. Mi ɗon woya, mi ɗon nder mettamɓeram.

Yeremiya 9:1

Jawmiraawo wi'i: “Mi yiɗi mi heɓa hoɗorde nder ladde bana dillooɓe jahaaŋgal, haa mi acca yimɓe ummaatoore am, mi daayto ɓe. Ngam ɓe fuu maɓɓe ɓe jeenooɓe, ɓe laati mooɓre zammbotooɓe.

Yeremiya 9:10

Jawmiraawo wi'i: “Mi laatinan Urusaliima waagaare kaa'e e lowol cuuli. Mi laatinan gure Yahuuda ladde meere nde walaa jooɗiiɓe ton.”

Gimi Boyki 1:16

Ngam maajum mboyanmi, gite am ɗon ilna gonɗi. De'itinoowo yam, geeɗitinɗo yoŋki am daayake. Ɓikkoy am ɗon caklo, ngam konne'en ɓurdi koy semmbe.

Gimi Boyki 1:20

Yaa Jawmiraawo, laar ɓillaare am, teteki am ɗon ngula, ɓernde am ta'i ngam daliila tuurtol am. Kaafahi mbari ɓikkoy am haa yaasi, waade nasti cuuɗi fuu.

Gimi Boyki 2:11

Gite am ɗon purɗa daliila gonɗi, teteki am ɗon ngula. Ɓernde am ta'i ngam halkere yimɓe ummaatoore am. Ɓikkoy e musinankoy ɗon maaya haa laabi.

Daniyel 4:19

ɗum an, barkaama! A laati mawɗo, cemmbiɗɗo. Maŋngu ma mawni haa yotti asama, baawɗe laamu maaɗa boo yotti keeri duniyaaru.

Daniyel 7:15

Min Daniyel, mi sakli masin, wahayuuji ɗi ngi'mi kulni yam.

Daniyel 7:28

Haa ɗo haala man timmi. Min Daniyel hakkiilo am jiiɓi masin, yeeso am nyiɓɓi. Ammaa mi wi'aay ɗum koo moy.

Daniyel 8:27

Min Daniyel mi somi masin, mi nyawi nyalɗe ɗuuɗɗe. Nden mi ummi, mi huuwi kuugal am ngam laamiiɗo. Wahayu ngu sakli yam, mi faamaay ɗum.

Amos 3:6

To goɗɗo fuufi luwal konu, ummaatoore nder wuro hultortaa na? To sarru ukkanake wuro, naa ɗum Jawmiraawo ukki ngu na?

Habakuk 3:16

Mi nani ɗum. Ɓanndu am fuu ɗon diwna, hoolo maajum dimmbini hunnduko am, i'e am tampi, kosɗe am ɗon ndiwna les am. Mi ɗon reena nyalaade ɓillaare bee de'ere, haa nde wara dow ummaatoore hippotoonde min.

Limle 10:9

To on nasti haɓre nder lesdi mooɗon bee konne'en kippiiɓe on, puufe fuufre konu bee luwe man. Nden kam min Jawmiraawo Allah mon mi siftoran on, mi hisna on juuɗe maɓɓe.

Roma'en 10:1

Deerɗiraaɓe am, bee ɓernde am fuu ngiɗmi yimɓe lenyol am kisa. Mi ɗon toro Allah boo ngam maɓɓe.

1 Korintu'en 14:8

To luwal konu fuufaaka bee laaɓɗum, moy taaskanto haɓre?

Galaatiya'en 4:19

Onon ɓikkoy am, mi ɗon yara bone ngam daliila mooɗon fahin, bana luuwe ɓesnanɗo, haa to jaati Almasiihu waŋgi laaɓɗum nder mooɗon.

Alkaali'en 5:21

Maayo ɗon ila diga ɓooyma, maayo Kison ilni konne'en. Sey mi nasta haɓre bee semmbe!