Yeremiya 4:14 - Fulfulde Bible

¹⁴ Urusaliima, lootu ɓernde ma, ittu halleende, haa a hisa. Ndey accata nufayeeje ma kalluɗe?

Fulfulde DC Bible

¹⁴ Urusaliima, lootu ɓernde ma, ittu halleende, haa a hisa. Ndey accata nufayeeje ma kalluɗe?

Yeremiya 4:14 Iomraidhean Croise

Jabuura 119:113

Mi ɗon wanya marɓe ɓerɗe ɗiɗi, ammaa mi yiɗi tawreeta ma.

Jabuura 51:2

O winndi nde yaake Natan annabiijo wari haa maako, ɓaawo o waɗi njeenu bee Bat-Seeba.

Jabuura 66:18

To mi nufakeno halleende, Jawmiraawo nanantaano yam.

Balndi 1:22

“Onon humaki'en, ndey on accata humakaaku? Haa ndeye jancooɓe tokkata seyoraago jancuki? Haa ndeye faataaɓe tokkata wanyugo anndal?

Esaaya 55:7

Sey kalluɗo acca laawol mum, marɗo hakke acca numooji mum. O lorto haa Jawmiraawo, kaŋko boo o enɗan mo. O lorto haa Allah men, ngam o yaafoto ɗuuɗɗum.

Yeremiya 13:27

dow towndiije e gese, mi yi'i kuuɗe nyidduɗe ɗe kuuwɗa, non boo njeenu ma e suunooji ma kalluɗi e daakaareeku ma. Kayto, onon yimɓe Urusaliima, on coɓi! Haa ndeye on laaɓata?”

Yeremiya 17:1

Jawmiraawo wi'i: “Onon yimɓe Yahuuda, hakkeeji mon mbinndaama bee binndirgol njamndi, ngol hunnduko mum ɓuri hayre saatugo. Ɗi mbinndaama bana non haa nder ɓerɗe mooɗon, haa dow luwe haa seɓattooji kirsirɗe mooɗon boo.

Yeremiya 18:11

Jonta kadi, yeccu yimɓe Yahuuda e jooɗiiɓe haa Urusaliima: Ndaa nii Jawmiraawo wi'i: Mi ɗon taaskano on sarru, mi ɗon nufano on huunde hallunde. Lorte diga laabi mon kalluɗi, mbo'itine laabi mon e kuuɗe mon!

Yeremiya 2:22

Koo to on ngiiwake bee kilbu, to on ɗuɗɗini lootirde, tuundi hakke mooɗon ɗon lutta yeeso am”, non Jawmiraawo Allah wi'i.

Yeremiya 6:19

An lesdi, nan! Ndaa, mi ɗon yahra sarru dow ummaatoore nde'e, ɗum ngeenaari nufayeeje maɓɓe. Ngam ɓe kakkilanaay bolle am, ɓe njawi tawreeta am.

Ezekiyel 18:31

Acce tuurtolji mon fuu, kesɗitine ɓerɗe mon e ruuhuuji mon. Malla on ngiɗi maayugo na, onon Isra'iila'en?

Zekariya 8:17

Taa koo moy nufano keeddiɗɗum kalluɗum nder ɓernde mum, taa ngiɗe hunayeere fewre, ngam mi ɗon wanya ɗum fuu. Min Allah Jawmiraawo wi'i ɗum.”

Matta 12:33

“To lekki wooɗi, ɓiɓɓe maaki boo mbooɗan. To lekki wooɗaay, ɓiɓɓe maaki boo mbooɗataa. Ɓe annditan lekki haa ɓiɓɓe mum.

Luka 11:39

Jawmiraawo wi'i mo: “Onon Farisa'en, on ɗon laɓɓina yaasi jardugel e nyaamrugel, ammaa nder mooɗon ɗon heewi bee suunooji e halleende.

Yuhanna 13:9

Simon Piyer wi'i mo: “Jawmiraawo, nden kam naa kosɗe tan a lootantammi, ammaa lootanam juuɗe bee hoore fuu.”

Kuuɗe Nelaaɓe 8:22

Tuubu dow halleende ma! Tora Allah! Teema o yaafante anniya ɓernde ma kalluka ka'a,

Roma'en 1:21

Ngam ɓe anndi Allah, ammaa ɓe teddinaay mo bana no haandani mo, ɓe ngettaay mo boo. Ngam maajum numooji maɓɓe ndaayi gooŋga, faamu wurti hakkiilooji maɓɓe, nyiɓre nasti.

1 Korintu'en 3:20

Nde wi'i fahin boo: “Jawmiraawo anndi numooji hikma'en, ɗi meereeji.”

Yaakuba 4:8

Ɓadite Allah, kaŋko boo o ɓadititto on. Laɓɓine juuɗe mooɗon, onon hakke'en. Cene ɓerɗe mooɗon, onon sakliiɓe.