Yeremiya 4:13 - Fulfulde Bible

¹³ Ndaa, konneejo ɗon wara bana duule! Mootaaji pucci maako ɗon nanndi bee duluuru, pucci maako ɓuri dute yaawugo. Kayto, en majji!

Fulfulde DC Bible

¹³ Ndaa, konneejo ɗon wara bana duule! Mootaaji pucci maako ɗon nanndi bee duluuru, pucci maako ɓuri dute yaawugo. Kayto, en majji!

Yeremiya 4:13 Iomraidhean Croise

2 Samuyila 1:23

Sawulu e Yonatan, welɓe e yiɗaaɓe, ɓe ceedaay nder ngeendam e maayde fuu. Ɓe ɓurduno dute jaawal, barooɗe boo semmbe.

Esaaya 13:5

Honooɓe ɓe'e ɗon ngara diga lesdi daayiindi, diga keeri duniyaaru. Jawmiraawo e waŋginanɓe tikkere mum nattinan duniyaaru fuu.

Esaaya 19:1

Ndaa koŋngol dow Misra. Jawmiraawo ɗon wara haa Misra bee jaawal, o ba'iiɗo ruuldere. Labbi Misra ɗon ndiwna yeeso maako, ɓerɗe Misra'en ɗon ɓolwa nder muuɗum'en.

Esaaya 3:8

Fakat Urusaliima yani, Yahuuda do'ake. Ɓe ɗon ndartano Jawmiraawo bee bolle e kuuɗe maɓɓe, ɓe tuurtani tedduŋgal maako.

Esaaya 5:28

Kuri maɓɓe ceeɓi, lagaaje maɓɓe tiraama, kororamje pucci maɓɓe caati bana kaa'e, kosɗe mootaaji pucci maɓɓe bana duluuru.

Esaaya 66:15

Ngam ndaa, Jawmiraawo ɗon wara nder yiite, mootaaji pucci maako bana duluuru. O hiɓɓinan tikkere maako bee caatal, o telɓiran bee ɗemɗe yiite.

Yeremiya 10:19

Yimɓe Urusaliima ɗon mboya: “Kayto, ɓe naawni min! Kuuduuje amin nyawndataako. Min tammino min mbaawan munyango bone ɗe'e!

Yeremiya 4:12

Henndu saatundu ɗon iwa ton dow umroore am. Jonta min boo mi hiitoto ɓe.”

Yeremiya 4:31

Mi ɗon nana daande bana nde debbo ɓesnanɗo, wookaandu boo bana ndu danyanɗo afo mum. Ɗum berniwol Urusaliima, ngol ɗon laaha, ngol weeɗi juuɗe maagol, ngol ɗon woya: Kayto! Mi natti! Yoŋki am hokkaama haa juuɗe mbarooɓe.”

Yeremiya 46:18

Mi geeto. Jawmiraawo honooɓe asama woni innde am. Fakat bana mi geeto, bana hooseere Taboora caka kooseeje goɗɗe, bana hooseere Karmel kommbi mbeela, bana non semmbe garanɗo dow mooɗon.

Yeremiya 48:40

Ndaa nii Jawmiraawo wi'i: “Ummaatoore suuyan dow Mo'ab bana dutal ngal weeɗi bileeji mum.

Yeremiya 49:22

Konne'en ukkanto Bosra bana dutal leeranŋgal haa dow. Nyalaade man semmbiɗɓe Edoom kulan bana debbo ɓesnanɗo.”

Yeremiya 6:23

Ɓe ɗon njogi lagaaje e labbe, ɓe saatuɓe, ɓe ngalaa enɗam. Daaɗe maɓɓe ɗon iida bana maayo maŋngo, ɓe wa'iiɓe pucci, ɓe taaski bana gorko gooto ngam haɓre bee maaɗa, Urusaliima!”

Yeremiya 9:19

Yeremiya wi'i: “Onon rewɓe, nane ko Jawmiraawo wi'i, keɗite koŋngol maako: Ekkitine ɓiɓɓe mon rewɓe uumugo, sooba'en mon boo yimugo gime cunooje!

Gimi Boyki 4:19

Taasnuɓe en ɓuri dute yaawugo. Ɓe taasni en dow kooseeje, ɓe mbaaltani en nder ladde.

Ezekiyel 26:10

Pucci maɓɓe umminan collaaje ɗuuɗɗe, ɗe cuddete. Mahi ma ndiwnan ngam hoolo wa'iiɓe pucci e mootaaji pucci, ɓe nastan dammuɗe ma bana goɗɗo nastirta berniwol ceekaaŋgol.

Ezekiyel 38:9

A waran bana henndu saatundu, bana ruulde ngam suddugo lesdi, an e jama'aare konu ma fuu e ummaatooje ɗuuɗɗe bee maaɗa.”

Daniyel 11:40

To wakkati timmoode yottake, laamiiɗo fombina ukkanto mo. Laamiiɗo woyla jippoto dow maako bee mootaaji pucci e wa'iiɓe pucci e koommbooje ɗuuɗɗe. O nastan lesɗe goɗɗe, o suddan ɗe bana maayo teelanŋgo, o saaloto.

Daniyel 7:4

Arana nanndi bee mbarooga, nga woodi bileeji dutal. Saa'i mi ɗon laara nga, bileeji maaga ɗoofaama. Nga ɓaŋgtaama e darnaama dow kosɗe maaga bana neɗɗo e nga hokkaama ɓernde neɗɗo.

Hose'a 8:1

Jawmiraawo wi'i: “Fuufu luwal konu! Konne'en ɗon ukkano lesdi am bana jigaawal, ngam ɓe ɗowtanaaki alkawal am, ɓe tuurtani tawreeta am.

Mika 2:4

Saa'i man ɓe njancan on, ɓe ngiman gimol boyki bana ni'i: Jinni! En nattinaama! Ɓe njaɓti maral ummaatoore am! Noy ɓe njaɓtiri ngal diga am! Ɓe cenndani tuurtooɓe gese men!”

Nahum 1:3

Jawmiraawo o tikkataa law, ammaa semmbe maako ɗuuɗi, o accataa hiitaago aybuɗo sam! Laawol maako ɗon caka duluuru e naargewol, duule ngoni collaaje ɗe kosɗe maako umminta.

Habakuk 1:8

Pucci maɓɓe ɓuri paaɗaaji yaawugo, ɗi ɓuri caafaali ladde baawal. Wa'iiɓe pucci ɗon camna, ɗon ngara diga daayiiɗum, ɗon piira bana dutal jaawɗotooŋgal dow ko ngal yiɗi naŋngugo.

Zekariya 6:1

Mi tijji fahin, mi yi'i mootaaji pucci nayi. Ɗi ngurti hakkunde kooseeje ɗiɗi ɗe njamndi mboɗeeri.

Matta 24:30

Nden alaama Ɓii-neɗɗo waŋgan haa asama. Saa'i maajum ummaatooje duniyaaru fuu mboyan, ɓe ngi'an Ɓii-neɗɗo ɗon wara dow duule asama, bee baawɗe ɗuuɗɗe e tedduŋgal maŋngal.

Tooktaaki Tawreeta 28:49

Jawmiraawo umminan ummaatoore diga daayiiɗum, haa keerol duniyaaru, ummaatoore nde on anndataa wolde maare. O jippinan nde dow mooɗon bana dutal jipporto dow kusel.

Wahayu Yuhanna 1:7

Ndaa, o ɗon warda bee duule! Koo moy fuu yi'an mo, koo yuwɓe mo boo. Yimɓe asli nder duniyaaru fuu mboyan ngam daliila maako. Nii ɗum laatorto. Aamiina!