Yeremiya 4:11 - Fulfulde Bible

¹¹ Saa'i man ummaatoore nde'e e Urusaliima nanan habaru ni'i: “Diga towndiire sookre nder ladde, henndu wulndu ɗon jippo dow ummaatoore am, naa ngam jaartugo malla laɓɓingo.

Fulfulde DC Bible

¹¹ Saa'i man ummaatoore nde'e e Urusaliima nanan habaru ni'i: “Diga towndiire sookre nder ladde, henndu wulndu ɗon jippo dow ummaatoore am, naa ngam jaartugo malla laɓɓingo.

Yeremiya 4:11 Iomraidhean Croise

Jabuura 11:6

O rufan ƴulɓe yiite e baruudu dow halluɓe, o neldan henndu wulndu jaw dow maɓɓe, kanjum woni geɗal maɓɓe.

Esaaya 22:4

Ngam maajum mbi'mi: Taa ndaareeɗam, haa mi woya bojji naawɗi! Taa tiine de'itingo yam dow halkere ummaatoore am!

Esaaya 27:8

Jawmiraawo riiwi ɓe, dahi ɓe, non o hiitori ɓe. O riiwi ɓe bee henndu fuunaaŋge saatundu.

Esaaya 41:16

A jaartan ɗe, haa henndu wifa ɗe, henndu saatundu saŋkita ɗe. Ammaa an a seyorto Jawmiraawo, a jurorto Ceniiɗo Isra'iila.

Esaaya 64:6

Walaa mo ewnoto innde ma, mo ummoto ngam ɗakkotirgo bee maaɗa. Ngam a waylitani min ɓaawo, a acci min min ndo'o nder aybeeji amin.

Yeremiya 13:24

Mi saŋkitan on bana henndu ladde wifirta nyaande.

Yeremiya 14:17

Yeccu ɓe wolde nde'e: Jemma e naaŋge gite am accataa rufugo gonɗi, ngam ummaatoore am nde ngiɗmi ɗum fiyaama piyol naawŋgol.

Yeremiya 23:19

Tikkere Jawmiraawo waran bana henndu saatundu, bana duluuru ukkantoondu ko'e halluɓe.

Yeremiya 4:12

Henndu saatundu ɗon iwa ton dow umroore am. Jonta min boo mi hiitoto ɓe.”

Yeremiya 8:19

Ndaa, mi ɗon nana wookaandu ummaatoore am diga lesdi daayiindi: Jawmiraawo wurtake Siyona na? Laamiiɗo maako walaa ton na? Jawmiraawo ƴami: Koni ɓe tikkini yam bee suuraaji maɓɓe, labbi jananni meereeji?

Yeremiya 9:1

Jawmiraawo wi'i: “Mi yiɗi mi heɓa hoɗorde nder ladde bana dillooɓe jahaaŋgal, haa mi acca yimɓe ummaatoore am, mi daayto ɓe. Ngam ɓe fuu maɓɓe ɓe jeenooɓe, ɓe laati mooɓre zammbotooɓe.

Yeremiya 9:7

Ɗemɗe maɓɓe nanndi bee kuri mbarooji, ɗe ɗon mbolwa fewjere. Koo moy ɗon wolwana keeddiɗɗum haala jam, ammaa ɓernde maako ɗon tuufana mo tuuforli.

Gimi Boyki 2:11

Gite am ɗon purɗa daliila gonɗi, teteki am ɗon ngula. Ɓernde am ta'i ngam halkere yimɓe ummaatoore am. Ɓikkoy e musinankoy ɗon maaya haa laabi.

Gimi Boyki 3:48

Gite am ɗon keewi gonɗi, ngam daliila halkere ummaatoore am.

Gimi Boyki 4:10

Daadiraaɓe ɗelma-ɓerɗe'en ndefi ɓikkoy muuɗum'en, koy laati nyaamdu maɓɓe nde masiibo ukkani ummaatoore am.

Gimi Boyki 4:3

Koo saafaandu rewru boo musininan ɓiyum'en, ammaa rewɓe lenyol am laati saatuɓe bana dabbi ladde.

Gimi Boyki 4:6

Aybe Urusaliima ɓuri hakke Sodoma mawnugo. Berniwol ngo'ol halki bee juhuki, koo nde walaa kippuɗo ngol.

Ezekiyel 17:10

Ki naŋgti. Ammaa ki waɗan ɓenndalooje ɗuuɗɗe na? To henndu fuunaaŋge faɗɗi ki, naa ki yooran? Haa nokkuure ki dari, ton ki ɗaylata.”

Ezekiyel 19:12

Juuɗe tikkuɓe ɗoofi ki, nden ɓe ngibbini ki haa lesdi. Henndu fuunaaŋge ɗaylini ɓiɓɓe maaki, lice maaki ngewaama bee semmbe, nden ɗe njoori, ɗe ngule bee yiite.

Hose'a 13:15

Efrayim ɗon ɓesdo caka deerɗum'en. Ammaa henndu fuunaaŋge, henndu Jawmiraawo saatundu waran diga ladde hamaadaare, ɓeeɓna waawru Efrayim, yoornan seeɓoore maako, jaɓta kuuje ɗuuɗa-samanje haa ndesaari maako fuu.

Hose'a 13:3

Ngam maajum ɓe laatoto bana ruulde fajiri, bana saawawre subaha sottannde law, bana nyaande ruuyannde diga laarre, bana cuurɗe gurtotooɗe haa burɗe.

Hose'a 4:19

Henndu wiftoto ɓe bee bileeji muuɗum, ɓe cemtan ngam daliila kirseteeɗi maɓɓe.”

Habakuk 1:11

Ɓaawo man ɓe tokkoto yeeso bana henndu, ɓe ndilla. Bana non ɓe aybini ko'e maɓɓe, semmbe maɓɓe laati ɗowanteeɗo maɓɓe.”

Habakuk 1:6

Ndaa, mi umminan Kaldiya'en ummaatoore nde walaa enɗam e munyal sam, nde ɗon waanca duniyaaru yaasndu ndu'u fuu ngam nyaamugo jooɗorɗe ɗe nde maraay.

Matta 3:12

O woodi jaartirɗum haa juŋngo maako ngam senndirgo alkamaari bee nyaande. O mooɓtan alkamaari haa beembal maako, ammaa o wulan nyaande bee yiite nge nyifataa sam.”

Luka 3:17

O woodi jaartirɗum haa juŋngo maako, ngam senndirgo alkamaari bee nyaande. O mooɓtan alkamaari haa beembal maako, ammaa o wulan nyaande bee yiite nge nyifataa sam.”