Yeremiya 38:2 - Fulfulde Bible

² “Ndaa nii Jawmiraawo wi'i: Mo jooɗoto nder berniwol ngo'ol maayran bee konu malla weelo malla nyawu kalluŋgu ndaaɓoowu. Ammaa mo wurtoto ngam hawtango Kaldiya'en, kaŋko o maayataa, o hisnan yoŋki maako, o yeeɗan.

Fulfulde DC Bible

² “Ndaa nii Jawmiraawo wi'i: Mo jooɗoto nder berniwol ngo'ol maayran bee konu malla weelo malla nyawu kalluŋgu ndaaɓoowu. Ammaa mo wurtoto ngam hawtango Kaldiya'en, kaŋko o maayataa, o hisnan yoŋki maako, o yeeɗan.

Yeremiya 38:2 Iomraidhean Croise

Yeremiya 21:4

ndaa nii Jawmiraawo, Allah Isra'iila wi'i: “Balmi konu ɗi njogiiɗon ngam honirgo laamiiɗo Baabila e Kaldiya'en, mi wartiran ɗi dow mooɗon. Hippuɓe on wonɓe gaɗa mahol, mi mooɓtan ɓe haa caka berniwol.

Yeremiya 24:8

Ammaa Sedekiya, laamiiɗo Yahuuda e saraaki'en muuɗum e luttuɓe Urusaliima, jooɗiiɓe haa lesdi ndi'i malla haa Misra, min Jawmiraawo mi nanndinan ɓe bana ibbe ɗe nyaamataake ngam ɗe mbooɗaay.

Yeremiya 27:11

Ammaa to ummaatoore jaɓi kaɓɓirgal laamiiɗo Baabila, huuwani mo, nden kam mi accan nde nde tokko remugo lesdi maare, nde jooɗo ton.” Non Jawmiraawo wi'i.

Yeremiya 27:13

Walaa haaje on maayra bee konu e weelo e nyawu kalluŋgu ndaaɓoowu, an e ummaatoore ma! Ngam Jawmiraawo wi'i kanjum laatanto ummaatoore koo ndeyeere nde sali jagganaago laamiiɗo Baabila.

Yeremiya 29:16

Nane ko Jawmiraawo wi'i dow laamiiɗo jooɗiiɗo dow leeso laamu Daawuda e banndiraaɓe mon luttuɓe haa Urusaliima fuu, ɓe ndahaaka bee mooɗon.

Yeremiya 29:18

Mi taasnan ɓe bee konu e weelo e nyawu kalluŋgu ndaaɓoowu, mi laatinan ɓe nyidduɓe haa laamuuji duniyaaru fuu. Koo toy haa caŋkitanmi ɓe, yimɓe kultoran, kuɗan, njancan ɓe, naaliran bee innde maɓɓe.

Yeremiya 34:17

Ngam maajum min Jawmiraawo mi wi'i: On ɗowtanaaki yam, on njoofaay banndiraaɓe mon fuu. Ammaa min mi yoofan on ngam haa maayron bee konu e nyawu kalluŋgu ndaaɓoowu e weelo, haa ummaatooje duniyaaru fuu kula saa'i ɗe ngi'i on.

Yeremiya 39:18

Mi aynete fakat, ngam taa a maaya bee kaafahi. A hisnan yoŋki ma ngam a hoolake yam.” Non Jawmiraawo wi'i.

Yeremiya 42:17

Huucitinɓe gite muuɗum'en haa Misra ngam jooɗaago ton, maayran bee kaafahi malla weelo malla nyawu kalluŋgu ndaaɓoowu. Walaa koo gooto maɓɓe luttata. Walaa koo gooto maɓɓe daɗata sarru ngu ukkananmi ɓe.”

Yeremiya 42:22

Jonta kam, annde booɗɗum: On maayran bee kaafahi malla weelo malla nyawu kalluŋgu ndaaɓoowu haa lesdi ndi ngiɗɗon yahgo jooɗo ton.”

Yeremiya 44:13

Mi hiitoto jooɗiiɓe nder Misra, bana mi hiitori Urusaliima, bee konu e weelo e nyawu kalluŋgu ndaaɓoowu.

Yeremiya 45:5

A ɗon ɗaɓɓana hoore ma kuuje mawɗe na? Taa ɗaɓɓu koo ɗume! Ndaa, mi ukkanan yimɓe fuu sarru. Ammaa an, mi hisnan yoŋki ma koo toy njahata fuu. Min Jawmiraawo wi'i ɗum.”

Ezekiyel 14:21

Ngam ndaa nii Allah Jawmiraawo wi'i: Koo to mi ukkanan Urusaliima kiitaaji am naawɗi feere feere nayi ɗi'i, waato: Kaafahi e weelo e dabbaaji mbarooji e nyawu kalluŋgu ndaaɓoowu ngam nattingo yimɓe e dabbaaji nder berniwol,

Ezekiyel 6:11

Ndaa nii Allah Jawmiraawo wi'i: “Hellu juuɗe ma, diɓɓu lesdi, wi': Kayya! Kaafahi e weelo e nyawu kalluŋgu ndaaɓoowu nattinan yimɓe Isra'iila ngam kuuɗe muuɗum'en nyidduɗe fuu.

Ezekiyel 7:15

Haa yaasi, kaafahi ɗon, haa nder boo nyawu kalluŋgu ndaaɓoowu e weelo. Mo ɗon haa ladde, maayran bee kaafahi. Mo ɗon nder berniwol, nyawu kalluŋgu ndaaɓoowu e weelo mbaran ɗum.