Yeremiya 30:7 - Fulfulde Bible

⁷ Kayto! Nyalaade hulniinde ɗon wara, nanndu maare walaa. Ɗum wakkati ɓillaare ngam danygol Yaakubu, ammaa ɓe kisan nde.”

Fulfulde DC Bible

⁷ Kayto! Nyalaade hulniinde ɗon wara, nanndu maare walaa. Ɗum wakkati ɓillaare ngam danygol Yaakubu, ammaa ɓe kisan nde.”

Yeremiya 30:7 Iomraidhean Croise

Laataanooji 32:7

Nelaaɓe go ngarti haa Yaakubu, mbi'i mo: “Min njehi haa deerɗiraawo ma Isuwa. Kaŋko boo o ɗon wara fottugo bee maaɗa bee worɓe teemeɗɗe nayo.”

Jabuura 25:22

Yaa Allah, rimɗin Isra'iila'en, hisnu ɓe diga ɓillaaje maɓɓe fuu!

Jabuura 34:19

Jawmiraawo o ɓadiiɗo ta'a-ɓerɗe'en, o hisnan ittuɓe tammunde fuu.

Esaaya 20:6

Nyalaade man, jooɗiiɓe haa fomoonde mbeela nde'e mbi'an: Ndaa, bana nii tammunde men, hisrude walloore en wa'i ngam haa kisen juŋngo laamiiɗo Assuura. Noy ndaɗirten kadi?”

Yeremiya 14:8

An woni tammunde Isra'iila e kisnoowo mum diga ɓillaaje. Ngam ɗume laatiiɗa bana jananno nder lesdi, bana jahoowo baalanɗo jemmaare woore tan?

Yeremiya 2:27

Ɓe ɗon mbi'a leggal: An woni baaba amin! Ɓe ɗon mbi'a hayre boo: An danyi min! Ngam ɓe ngaylitani yam ɓaawe maɓɓe, naa geese maɓɓe. Ammaa to ɓe nasti bone, ɓe mbi'an: Umma, hisnu min!

Yeremiya 2:28

Kadi toy ɗowanteeɓe mooɗon ɓe mbaɗanɗon ko'e mooɗon? Sey ɓe ummo, ɓe kisna on to on nasti bone! Onon yimɓe Yahuuda, ɗowanteeɓe mooɗon ɗuuɗi bana gure mooɗon.

Yeremiya 30:10

Onon yimɓe danygol suka am Yaakubu, taa kule! Onon yimɓe Isra'iila, taa kultore! Ndaa mi hisnan on e lesdi ndaayiindi ndi daheeki, ndi laatiiɗon haɓɓaaɓe e muuɗum. Danygol Yaakubu wartan, jooɗoto bee jam e de'ere, walaa kulnanɗo ɓe.”

Gimi Boyki 1:12

“Onon saalotooɓe fuu, taa sarru ngu'u heɓa on! Woodi naaworla bana naaworla am na, ka Jawmiraawo yarnatammi nder wakkati tikkere mum?

Gimi Boyki 2:13

Urusaliima, berniwol am, ko mbi'anmaami? A walaa nanndu. Balndi ɗiye mbaɗanmi, haa mi de'itine? Sarru ma walaa keerol bana mbeela. Moy hurgete?

Gimi Boyki 4:6

Aybe Urusaliima ɓuri hakke Sodoma mawnugo. Berniwol ngo'ol halki bee juhuki, koo nde walaa kippuɗo ngol.

Daniyel 12:1

“Saa'i man Mika'iilu, malaa'ikaajo mawɗo, aynoowo ummaatoore ma waŋgan. Saa'iire ɓillaare naawnde laatoto, irin maare meeɗaay laataago diga ummaatooje njooɗi. Saa'i man yimɓe ummaatoore ma, ɓe inɗe muuɗum'en ɗon mbinndi nder deftere kisan.

Daniyel 9:12

A hiɓɓini ko mbi'ɗa dow amin e ardiiɓe min. A ukkani min sarru saatuŋgu, ko waɗi haa Urusaliima, irin man meeɗaay haa duniyaaru fuu.

Yo'el 1:15

Nyalaade Jawmiraawo ɓaditake! Nde waran diga Allah Baawɗo bana halkere. Kayto nyalaade nde'e!

Yo'el 1:2

Onon ndotti'en, nane ko mbi'anmi! Onon jooɗiiɓe lesdi Yahuuda fuu, keɗite! Irin ɗu'um meeɗi laataago nder nyalɗe mooɗon koo nder nyalɗe kaakiraaɓe mooɗon na?

Yo'el 2:11

Ngam Jawmiraawo hooli yeeso jama'aare konu muuɗum. Jama'aare maako ɗuuɗnde masin, hiɓɓinooɓe muuyo maako mari baawɗe. Ngam nyalaade Jawmiraawo laatoto mawnde, hulniinde masin. Moy waawata ɓusugo nde?

Mika 4:9

Ammaa jonta, koni mbaɗoton gookaali ɗi'i? Walaa laamiiɗo caka mooɗon na? Carwoowo mon halki haa naawreeŋga naŋngi on bana luuwe ɓesnanɗo na?

Habakuk 3:16

Mi nani ɗum. Ɓanndu am fuu ɗon diwna, hoolo maajum dimmbini hunnduko am, i'e am tampi, kosɗe am ɗon ndiwna les am. Mi ɗon reena nyalaade ɓillaare bee de'ere, haa nde wara dow ummaatoore hippotoonde min.

Zekariya 14:7

Nde laatoto nyalaade feereere. Jawmiraawo tan anndi nde. Nde walaa nyalawma, non boo jemma. Ammaa koo kiikiiɗe boo, jayŋgol laatoto.

Markus 13:19

Ngam nder nyalɗe maajum ɓillaare naawnde waɗan, bana maare meeɗaay waɗeego diga fuɗɗoode duniyaaru haa wargo hannde, nde meetataa waɗugo boo.

Kuuɗe Nelaaɓe 2:20

Naaŋge nyiɓɓan, lewru boo woojan bana ƴiiƴam. Nden nyalaade am mawnde hulniinde waran!

Roma'en 11:26

Nden kam Isra'iila fuu hisan, bana ko winnda: “Kisnoowo waran diga hooseere Siyona, ittan geddal yimɓe Yaakubu fuu.

Wahayu Yuhanna 6:17

Ngam nyalaade ɓernuki maɓɓe mawnde yottake, moy waawata dartanaago nde?”