Yeremiya 30:16 - Fulfulde Bible

¹⁶ Ammaa moɗooɓe ma, ɓe moɗeteeɓe. Konne'en maaɗa fuu ɓe ndaheteeɓe. Jaɓtooɓe ma, woɗɓe njaɓtan kuuje maɓɓe. Wilooɓe ma boo, mi nelan woɗɓe ngam wilugo cuuɗi maɓɓe.

Fulfulde DC Bible

¹⁶ Ammaa moɗooɓe ma, ɓe moɗeteeɓe. Konne'en maaɗa fuu ɓe ndaheteeɓe. Jaɓtooɓe ma, woɗɓe njaɓtan kuuje maɓɓe. Wilooɓe ma boo, mi nelan woɗɓe ngam wilugo cuuɗi maɓɓe.

Yeremiya 30:16 Iomraidhean Croise

Yeremiya 10:25

Ruf tikkere ma dow ummaatooje ɗe anndaa ma, dow yimɓe ɓe ewnaaki innde ma! Kamɓe ɓe mbari danygol Yaakubu, ɓe nattini min fuu, ɓe mbili lesdi amin!

Esaaya 33:1

Bone laatante, an nattinoowo mo meeɗaay nattineego! Bone laatante, an zammboowo mo meeɗaay zammbeego! To a timmini nattingo, ɓe nattinte, to a timmini zammbaago, ɓe zammbete.

Gurtaaki 23:22

To on ɗowtanake mo booɗɗum, to on mbaɗi ko mi wi'i on fuu, mi honan konne'en mon, mi dartanto dartantooɓe on.

Zekariya 2:8

Malaa'ikaajo bolidanɗo bee am go wi'i mo: “Yaawɗa law, yeccu suka jogiiɗo poondirgol go: Urusaliima taarnataake bee mahol, ngam yimɓe e dabbaaji nder maagol ɗuuɗan.

Wahayu Yuhanna 13:10

Mo hoddirana naŋngeego, o naŋngeteeɗo. Mo hoddirana mbareego bee kaafahi, o mbareteeɗo bee kaafahi. Ngam man sey senaaɓe Allah tiiɗa nder munyal e nuɗɗinki.”

Zekariya 12:2

“Ndaa, mi laatinan berniwol Urusaliima jardugel keewŋgel ɓernuki am. Ngol laatanto ummaatooje taariiɗe ngol fuu giilol. Yaake to ngol hippaama, hoore Yahuuda fuu yiilan.

Esaaya 14:2

Ummaatooje goɗɗe koocan e njahran ɓe haa lesdi maɓɓe, Jawmiraawo marnan ɓe ndi. Ton yimɓe ummaatooje ɗe'e laatoto maccuɓe e horɓe maɓɓe. Ɓe kaɓɓan haɓɓooɓe ɓe, ɓe laamoto dow ɓillooɓe ɓe.

Jabuura 129:5

Sey wanyɓe Siyona fuu tosko, loro ɓaawo!

Sefaniya 2:8

Jawmiraawo honooɓe asama wi'i: “Mi nani jancoore Mo'ab e kuudi Ammooni'en, no ɓe njanciri yimɓe ummaatoore am, no ɓe mawnitori dow lesdi maɓɓe.

Habakuk 2:16

A haari bee toskaare, naa bee tedduŋgal. Sey a yara, an boo, a waŋgina saadooniiku ma. Jardugel tikkere nder juŋngo nyaamo Jawmiraawo loroto dow hoore maaɗa, tedduŋgal maaɗa laatoto toskaare mawnde.

Nahum 1:8

O hisnan ɓe e ilam mawɗam. Ammaa o nattinan nokkuure berniwol, o taasnan konne'en maako haa yotto nder nyiɓre.

Mika 7:10

Konneejo am yi'an ɗum, semtan, kaŋko bi'nooɗo yam: “Toy Jawmiraawo Allah maaɗa?” Gite am ndaaran konneejo am, saa'i ɓe njaaɓata mo bana ɓe njaaɓirta loope dow laawol.

Mika 4:11

Nden ummaatooje ɗuuɗɗe mooɓoto dow maaɗa, ɗe mbi'an: “Sey Urusaliima soɓa, gite meeɗen ceyoro nattere Siyona!”

Ezekiyel 35:5

Ngam diga ɓooyma a konneejo am. A acci Isra'iila'en haa konne'en mbari ɓe bee kaafahi nder wakkati ɓillaare maɓɓe, saa'i kiita ragareeha dow hakkeeji maɓɓe.

Ezekiyel 29:6

Nden yimɓe lesdi Misra fuu paaman min woni Jawmiraawo. A laatani yimɓe Isra'iila bana tuggaaru ƴommbal.

Gimi Boyki 1:21

Yimɓe nani uumaali am, ammaa walaa mo de'itini yam. Konne'en am ɗon ceyoro sarru ngu ukkanɗaami. Waddu nyalaade nde ngooynuɗa, haa ɓe laato bana am.

Yeremiya 2:3

Saa'i man Isra'iila'en laatakeno senaaɓe ngam Jawmiraawo bana ƴaamle codol maako aartuɗe. Koo moy nyaami ɗe, waɗi aybe, sarru ukkani ɗum.” Non Jawmiraawo wi'i.

Esaaya 54:17

Balmol taaskaaŋgol ngam naawnugo ma meemataa ma. A do'an wullotooɓe ma fuu. Non maral suka'en Jawmiraawo wa'i, mi waɗanan ɓe adilaaku am.” Non Jawmiraawo wi'i.

Esaaya 54:15

To goɗɗo ukkanake ma, ɗum iwaay diga am. Koo moy jokkiranɗo bee maaɗa do'oto daliila ma.

Zekariya 14:2

Jawmiraawo mooɓtan yimɓe ummaatooje fuu haa Urusaliima ngam konu. Ɓe nyaama berniwol, ɓe mbila cuuɗi, ɓe toskina rewɓe. Reeta jooɗiiɓe nder berniwol ɓe ndaheteeɓe, ammaa luttanɓe nattataa nder berniwol.

Zekariya 1:14

Nden malaa'ikaajo oo wi'i yam: “Wooynu ni'i: Ndaa ko Jawmiraawo honooɓe asama wi'i: Mi mari yiide haajunde masin dow Urusaliima e Siyona.

Yeremiya 50:28

Nane haraka dogguɓe, daɗɓe lesdi Baabila ngaddi habaru haa Siyona no Jawmiraawo Allah men waatori Baabila ngam daliila haykaliiru mum.

Yeremiya 25:12

Ammaa to duuɓi cappanɗe joweeɗiɗi caalake, mi hiitoto laamiiɗo Baabila e ummaatoore maako ngam hakke maɓɓe. Mi laatinan lesdi Kaldiya'en bille haa foroy.” Non Jawmiraawo wi'i.

Yeremiya 12:14

Jawmiraawo wi'i: “Ndaa ko mi wolwata dow heeddiɗɗiraaɓe am halluɓe, meemɓe maral ngal ndokkumi ummaatoore am Isra'iila. Mi ɗoofan ɓe nder lesdi maɓɓe, mi ɗoofan Yahuuda e juuɗe maɓɓe.

Yeremiya 8:16

Haa berniwol Dan gonŋgol haa woyla en nani pucci konneejo ɗon pora. To pucci maako gorɗi ɗon kijo, lesdi fuu ɗon diwna. Ɗi ɗon ngara ngam halkugo lesdi e ko woni nder maari, berniwol meeɗen e jooɗiiɓe ton fuu.”

Yeremiya 30:15

Koni mboyata ngam piyɗe ma, ngam kuuduuje ma nyawndataako? Mi waɗi ma ɗum, ngam halleende ma mawni, hakkeeji ma ɗuuɗi.

Tooktaaki Tawreeta 30:7

Jawmiraawo, Allah mooɗon ukkan naalooje go dow konne'en mon, wanyɓe on, toonyiiɓe on.

1 Samuyila 17:53

Nde Isra'iila'en timmini taasnugo Filisti'en, ɓe lori, ɓe nyaami saŋngeere maɓɓe.

Balndi 22:23

ngam Jawmiraawo jiŋngan ɓe, o ittanan jaɓtuɓe ɓe ngeendam.

Gimi Boyki 1:22

Halleende maɓɓe fuu wara yeeso ma. Hiita ɓe bana kiitoriiɗa mi ngam daliila hakkeeji am. Ngam uumaali am ɗuuɗi, ɓernde am nyawi.”

Zekariya 1:15

Mi heewi tikkere dow ummaatooje koolɗiniiɗe, ngam saa'i mi tikkanino berniwol Urusaliima seɗɗa, ammaa ɗe ɓesdi sarru maagol.

Zekariya 2:12

Ndaa nii Jawmiraawo honooɓe asama mo neli yam wi'i dow ummaatooje jaɓtuɗe on kuuje: “Meemɗo on, meemi ɓiŋngel yiitere am!