Yeremiya 3:8 - Fulfulde Bible

⁸ O yi'i boo no mi wudiniri Isra'iila gudinɗo nuɗɗinki, no mi hokkiri mo ɗereewol ceergal ngam o waɗno njeenu. Ammaa Yahuuda, deerɗiiko zammbotooɗo, hulaay. O yehi kaŋko boo, o waɗi daakaareeku.

Fulfulde DC Bible

⁸ O yi'i boo no mi wudiniri Isra'iila gudinɗo nuɗɗinki, no mi hokkiri mo ɗereewol ceergal ngam o waɗno njeenu. Ammaa Yahuuda, deerɗiiko zammbotooɗo, hulaay. O yehi kaŋko boo, o waɗi daakaareeku.

Yeremiya 3:8 Iomraidhean Croise

2 Habaruuji Nyalaaɗe 21:11

Yehoram nyiɓi nokkuuje towɗe dow kooseeje Yahuuda boo, bana non o estiri yimɓe jooɗiiɓe haa Urusaliima haa ɓe ndewi labbi, yimɓe Yahuuda boo o selni ɗum.

Esaaya 50:1

Ndaa nii Jawmiraawo wi'i: “Toy ɗereewol ceergal ngol mi seeri daada mooɗon bee maajum? Malla tokkiiɗo yam nyamaande moy coorrumi on haa muuɗum? Ndaa on coorraama ngam daliila zunuubaaji mon. Ngam daliila aybeeji mon daada mooɗon seeraama.

Yeremiya 2:19

Halleende mooɗon, kayre ɓoccata on, tuurtol mooɗon boo ɗon do'a on kiita! On acci yam, min Jawmiraawo, Allah mooɗon, on acci hulugo yam. Annde, paame no ɗum halliri masin!”, non Jawmiraawo Allah honooɓe asama wi'i.

Yeremiya 3:1

“To goɗɗo seeri debbo muuɗum, debbo oo boo dilli, goɗɗo feere te'i mo. Ɗum duŋaama haa goriiko arano oo hooca mo fahin na? To o hoociti mo, ɗum soɓnataa lesdi na? Ammaa an a waɗi daakaareeku bee waaye'en ɗuuɗɓe. Noy lortortoɗa haa am?” Non Jawmiraawo wi'i.

Yeremiya 33:24

“A nani ko yimɓe mbi'ata na? Ɓe ɗon mbi'a: Jawmiraawo wudini yimɓe Isra'iila e Yahuuda ɓe o suɓi naane. Ɓe ɗon njawo yimɓe am, ɓe laataaki ummaatoore am fahin.

Yeremiya 5:7

Jawmiraawo wi'i: “Noy mi yaaforanto ma ɗum fuu, an Urusaliima? Ɓiɓɓe maaɗa acci yam, ɓe ɗon kunoro labbi koo to ɗi laataaki ɗowanteeɓe. Min haarni ɓe, ammaa kamɓe ɓe mbaɗi njeenu, ɓe mooɓi haa cuuɗi daakaare'en.

Ezekiyel 16:46

Adda ma, ɗum Samariya, jooɗiiɗo bee ɓiyum'en rewɓe haa woyla. Minya debbo boo, jooɗiiɗo bee ɓiyum'en rewɓe haa fombina, ɗum Sodoma.

Ezekiyel 16:47

Tokkaago laabi maɓɓe e kuuɗe maɓɓe nyidduɗe he'aay ma, kuuɗe maaɗa fuu ɓuri ɗe maɓɓe hallugo.

Ezekiyel 16:51

Samariya waɗaay koo reeta hakkeeji maaɗa. Kuuɗe ma nyidduɗe ɓuri ɗe maako ɗuuɗugo. Ngam daliila kuuɗe maaɗa nyidduɗe fuu, deerɗa'en laati bana ɓe ngalaano aybe.

Ezekiyel 23:44

Ɓe tokki yahugo haa maako bana worɓe njahata haa debbo daakaareejo! Bana nii ɓe nastiri haa Ohola e Oholiba, rewɓe ɓe ngalaa semteende.

Ezekiyel 23:9

Ngam maajum mi hokki mo haa juuɗe Assuura'en, waaye'en maako ɓe o suuni.

Hose'a 3:4

Ngam Isra'iila'en njooɗoto haa duura bilaa laamiiɗo, bilaa ardiiɗo, bilaa kirseteeɗi, bilaa daŋraŋge labbi, bilaa ɗanciki limanjo, bilaa labbi saare.

Tooktaaki Tawreeta 24:1

To goɗɗo te'i debbo, nden o wanyi mo ngam o tawi goɗɗum cemtuɗum haa maako. Nden kam o winndana mo ɗereewol ceergal, o hokka mo ngol, o wurtina mo saare maako.

Tooktaaki Tawreeta 24:3

Ammaa kaŋko boo, to o wanyi mo, o winndana mo ɗereewol ceergal, o hokka mo ngol, o wurtina mo saare maako. Malla to gorko ɗiɗaɓo oo maayi,