Yeremiya 3:3 - Fulfulde Bible

³ Ngam maajum kaɗmi iyeende, a heɓaay iyeende ragareere. A debbo daakaareejo yoora-giteejo, a sali semtugo.

Fulfulde DC Bible

³ Ngam maajum kaɗmi iyeende, a heɓaay iyeende ragareere. A debbo daakaareejo yoora-giteejo, a sali semtugo.

Yeremiya 3:3 Iomraidhean Croise

Laataanooji 19:34

Jaŋngo maajum afo wi'i minyum: “Ndaa, mi waaldi haŋki bee baaba am. Sey en nguykina mo jemmaare nde'e boo. Nden waaldu bee maako an boo, ngam keɓen danygol diga baaba meeɗen.”

Nehemiya 9:17

Ɓe cali ɗowtaago, ɓe ngejjiti kaayeefiiji ɗi mbaɗnoɗa ngam maɓɓe. Ɓe caatini ko'e maɓɓe, ɓe cuɓani ko'e maɓɓe hooreejo ngam loraago haa njeyaaŋgu maɓɓe nder lesdi Misra. Ammaa an, a Allah jaafoowo, kinnotooɗo, enɗoowo yimɓe. A tikkataa law, mbooɗeeŋga ma ɗuuɗi. A wudinaay ɓe,

Balndi 21:29

Kalluɗo yoornan gite mum, ammaa gooŋɗuɗo darnan laabi mum.

Esaaya 5:6

Mi wilan ka fuu, ka meetataa salteego malla remeego. Giŋngille e gi'e puɗan nder maaka, mi haɗan koo duule boo toɓnugo iyeende dow maaka.

Yeremiya 14:1

Jawmiraawo wolwani Yeremiya haala hokkere, wi'i:

Yeremiya 14:22

Walaa lawru haa ummaatooje waawata toɓnugo iyeende, asama boo waawataa toɓnugo waabiliire. Tammunde hayru amin ɗon haa maaɗa, yaa Jawmiraawo Allah amin, ngam an waɗata kuuje ɗe'e fuu!”

Yeremiya 14:3

Mawɓe maɓɓe ɗon nela maccuɓe muuɗum'en nyeɗoygo ndiyam. Ɓe njaha haa gaawi, ammaa ndiyam woodaa. Ɓe ngarta bee bulki cooki, ɓe ɗon cakli, ɓe ɗon cudda ko'e maɓɓe ngam mettamɓeram e toskaare.

Yeremiya 14:4

Lesdi waɗi ɓoli ngam iyeende woodaa. Ngam maajum remooɓe boo caklake, ɗon cudda ko'e muuɗum'en.

Yeremiya 36:2

“Hoo'u deftere taggaande, winndu nder maare ko mbi'maami dow Isra'iila e Yahuuda e ummaatooje fuu, diga saa'i mi aarti wolwango ma nder zamanu Yusiya, haa wargo hannde.

Yeremiya 5:24

On mbi'aay haa ɓerɗe mooɗon: Kulenma Jawmiraawo Allah meeɗen, dokkoowo en iyeele arane e ragareeje nde saa'i maaje waɗi, taaskitinanɗo en asaweeje codol boo.

Yeremiya 5:25

Ammaa ɗum aybeeji mooɗon njiiɓi ɗum, ɗum hakkeeji mooɗon ittani on barka.

Yeremiya 5:3

Yaa Jawmiraawo, naa gite maaɗa ɗon kuuciti dow gooŋga na? A ɓocci ɓe, ammaa ɗum naawaay ɓe. A ɓadake nattingo ɓe, ammaa ɓe njaɓaay elto. Ɓe caatini ko'e maɓɓe ko ɓuri hayre, ɓe cali tuubugo.

Yeremiya 6:15

Kadi ɓe cemti ngam ɓe kuuwi nyidduɗum na? Aa'a, ɓe cemtaay, ɓe ngalaa semteende sam. Ngam maajum ɓe ndo'oto caka do'otooɓe. Saa'i mi hiitoto ɓe, ɓe njanan.” Non Jawmiraawo wi'i.

Yeremiya 8:12

Kadi ɓe cemti ngam ɓe kuuwi nyidduɗum na? Aa'a, ɓe cemtaay, ɓe ngalaa semteende sam. Ngam maajum ɓe ndo'oto caka do'otooɓe. Saa'i mi hiitoto ɓe, ɓe njanan.” Non Jawmiraawo wi'i.

Yeremiya 9:12

Jawmiraawo jaabi: “Ngam yimɓe am acci tawreeta am ka ekkitinmi ɓe. Ɓe nananaay yam, ɓe tokkaaki yam.

Ezekiyel 3:7

Ammaa yimɓe Isra'iila nanantaa ma, ngam ɓe cali nanango yam min, ko'e maɓɓe caati.

Farillaaji Lewi'en 26:19

Mi ittan baawɗe ɗe on maŋgtorto. Mi haɗan asama toɓnugo iyeende. Lesdi mon yooran, saatan bana njamndi mboɗeeri.

Amos 4:7

Min mi salani on iyeende, saa'i nde lutti lebbi tati haa ƴaamnde waɗa. Mi toɓni iyeende dow wuro wooto, ammaa dow wuro wooɗŋgo mi toɓnaay iyeende. Ngesa ngoota soofi bee maare, ammaa ngesa ngoɗka heɓaay nde, ka yoori.

Amos 4:8

Ngam maajum yimɓe gure ɗiɗi koo tati njehi haa wuro wooto ngam yarugo ndiyam, ɓe ɗomɗitaaki boo. Bee non fuu, on lortaaki haa am.” Non Jawmiraawo wi'i.

Sefaniya 2:1

Mooɓte, kawte, onon yimɓe ummaatoore nde walaa semteende,

Sefaniya 3:5

Ammaa Jawmiraawo o adiliijo caka maagol, o waɗataa kalluɗum. Nde weeti fuu, o ɗon ta'a kiita maako, o lelnataa ka sam. Ammaa kalluɗo walaa semteende!

Haggay 1:11

Mi umri hokkere waɗa dow lesdi e kooseeje e dow demetirle e ko lesdi fuɗnata fuu. Ngam daliila hokkere man, inaboojam e nebbam pamɗiti, yimɓe e dabbaaji boo njari bone, kuuɗe ɗe kuuwɗon fuu mbonni.”

Tooktaaki Tawreeta 28:23

Mi haɗan asama toɓnugo iyeende. Lesdi mon yooran, saatan bana njamndi mboɗeeri.

Ibraniŋke'en 12:25

Kakkile, taa cale nanugo bolwanɗo jonta. Saliiɓe nanugo bolwuɗo haala Allah haa duniyaaru ngam reentingo ɓe, kisaay. Kadi noy enen en mbaawrata hisugo to en calake bolwanɗo diga asama!