Yeremiya 3:17 - Fulfulde Bible

¹⁷ Saa'i man ɓe ewnoto Urusaliima Leeso laamu Jawmiraawo. Ummaatooje fuu mooɓoto ton ngam teddingo innde Jawmiraawo haa Urusaliima. Ɓe meetataa tokkaago numooji ɓerɗe maɓɓe kalluɗe.

Fulfulde DC Bible

¹⁷ Saa'i man ɓe ewnoto Urusaliima Leeso laamu Jawmiraawo. Ummaatooje fuu mooɓoto ton ngam teddingo innde Jawmiraawo haa Urusaliima. Ɓe meetataa tokkaago numooji ɓerɗe maɓɓe kalluɗe.

Yeremiya 3:17 Iomraidhean Croise

Laataanooji 8:21

Nde Jawmiraawo maati uureeŋgol belŋgol, o wi'i nder ɓernde maako: “Mi meetataa naalugo lesdi fahin ngam daliila neɗɗo. Ngam anniyaaji ɓernde neɗɗo halli diga nderkaaku maako. Mi meetataa mbarugo marɗum yoŋki fuu bana mbaɗmi.

1 Laamiiɓe 8:41

Nde ɓe mbolwata dow innde ma teddunde e baawɗe mawɗe ɗe a ɗon huuwra,

Jabuura 102:23

saa'i ummaatooje e laamuuji mooɓoto, ngam jagganaago Jawmiraawo.

Jabuura 78:8

Taa ɓe laato bana kaakiraaɓe maɓɓe yidere tuurtooɓe, luutooɓe Allah. Kamɓe, ɓerɗe maɓɓe tabitaay, ngam ɓe tokkaaki Allah bee gooŋga.

Jabuura 87:3

An berniwol Allah, heɗita kuuje kaayeefiije ɗe o wi'ante:

Esaaya 26:8

Yaa Jawmiraawo, min ɗon koolo ma dow laawol ngol a darnani min. Ewnaago innde ma kanjum ɓerɗe amin ngiɗi.

Esaaya 56:6

Jananɓe hawtananɓe yimɓe Jawmiraawo ngam jagganaago mo, yiɗɓe innde Jawmiraawo ngam laataago suka'en maako, hakkilananɓe nyannde siwtorde ngam taa ɓe coɓna nde e jogotooɓe alkawal am,

Esaaya 59:19

Koo moy fuu, diga fuunaaŋge haa hiirnaaŋge, hulan innde Jawmiraawo e tedduŋgal muuɗum. To konneejo wari bana ƴuuge maayo ɗe henndu yerɓata, poofɗe Jawmiraawo ndiiwan mo.

Esaaya 6:1

Hitaande nde laamiiɗo Uzziya maayi, ngi'mi Jawmiraawo. O ɗon jooɗi dow leeso laamu towŋgo ɓaŋgiiŋgo, gawarle limce maako kebbini haykaliiru.

Esaaya 66:1

Ndaa nii Jawmiraawo wi'i: “Asama woni leeso laamu am, lesdi woni jaaɓruɗum kosɗe am. Kadi suudu nduye on nyiɓantammi? Nokkuure ndeye laatoto siwtorde am?

Esaaya 66:18

Mi anndi kuuɗe maɓɓe e numooji maɓɓe. Wakkati mooɓtugo yimɓe ummaatooje e ɗemɗe fuu yottake. To ɓe ngari, ɓe ngi'an tedduŋgal am.

Esaaya 66:20

Ɓe ngaddantam deerɗiraaɓe mon diga ummaatooje fuu, ɓe laatanto Jawmiraawo dokkal. Ɓe ngaddan ɓe haa hooseere am seniinde, haa Urusaliima, dow pucci e mootaaji pucci e leese e alfadariije e geelooɗi, bana yimɓe Isra'iila ngaddirta dokke nyaamdu haa suudu am nder taasaaje laaɓɗe.

Yeremiya 11:8

Ammaa ɓe nanaay, ɓe kakkilaay. Koo moy tokki ɓernde mum saatunde, hallunde. Mi umri ɓe ɓe ɗowtano alkawal, ammaa ɓe cali. Ngam maajum mi ukkani ɓe kiita ka winnda nder maagal fuu.”

Yeremiya 12:15

Ammaa ɓaawo to mi ɗoofi ɓe, mi enɗan ɓe kadiboo, haa mi lorna ɓe, koo moy nder maral muuɗum e lesdi muuɗum.

Yeremiya 12:16

To ɓe tokki diina ummaatoore am, to ɓe kunori bee innde am, ɓe mbi'i: Fakat bana Jawmiraawo o geeto—, bana ɓe ekkitinino ummaatoore am naane, ɓe kunorono bee innde Ba'al—, nden kamɓe boo ɓe tabitan caka ummaatoore am.

Yeremiya 14:21

Ammaa ngam daliila innde maaɗa, taa wudin min, taa yawnu Urusaliima, jooɗorde tedduŋgal maaɗa. Siftor alkawal maaɗa bee amin, taa fiistu ngal!

Yeremiya 16:12

Onon boo on mbaɗi kalluɗum ko ɓuri kaakiraaɓe mooɗon. Koo moy mooɗon ɗon waɗa ko ɓernde mum saatunde, hallunde yiɗi, on nanantaa yam.

Yeremiya 16:19

Yeremiya wi'i: “Yaa Jawmiraawo, an woni semmbe am e aynol am e hisrude am nder nyalaade ɓillaare! Ummaatooje ngaran haa maaɗa diga keeri duniyaaru, mbi'an: Kaakiraaɓe amin ngoodino ɗowanteeɓe fewooɓe e labbi meereeji ɗi nafataa sam.

Yeremiya 17:12

Suudu amin seniindu woni jooɗorde tedduŋgal, ndu tabiti dow hooseere diga fuɗɗam.

Yeremiya 18:12

Ammaa ɓe njaaboto: Aa'a, woodaa! Min tokkoto numooji amin, min mbaɗan ko ɓerɗe amin kalluɗe caatuɗe ngiɗi.”

Yeremiya 3:19

Mi wi'no: Fakat mi liman on caka ɓiɓɓe, mi hokkan on lesdi mboondi, maral ɓurŋgal wooɗugo caka ummaatooje. Mi wi'no: On ewnoto yam Baabiraawo, on accataa tokkaago yam sam.

Yeremiya 31:23

Ndaa nii Jawmiraawo honooɓe asama, Allah Isra'iila wi'i: “To mi wartiri joonde yimɓe bana naane, ɓe mbi'an fahin nder lesdi Yahuuda e nder gure maari: Jawmiraawo barkiɗin Urusaliima, jooɗorde adilaaku, hooseere seniinde!

Yeremiya 33:9

Urusaliima laatanto yam daliila seyo e maŋgtoore e tedduŋgal. Yimɓe ummaatooje duniyaaru fuu kulan, ndiwnan to ɓe nani habaru kuuje booɗɗe e hayru ko mbaɗananmi yimɓe Urusaliima fuu.”

Yeremiya 4:2

to on kunorake bee wi'ugo fakat Jawmiraawo o geeto, nder gooŋgaaku e nder darnuɗum e adilaaku, nden kam ummaatooje goɗɗe boo keɓan barka daliila innde Jawmiraawo, ɗe mantorto mo boo.”

Yeremiya 7:24

Ammaa ɓe ɗowtaaki, ɓe kakkilaay. Ndaa ko ɓe mbaɗi: Ɓe tokki nufayeeje ɓerɗe maɓɓe caatuɗe, kalluɗe. Ɓe ngaylitani yam ɓaawe maɓɓe, naa geese maɓɓe.

Yeremiya 9:14

Ngam maajum min Jawmiraawo honooɓe asama, Allah Isra'iila mbi'anmi: Mi nyaamnan yimɓe am kaaɗɗum, mi yarnan ɓe ndiyam mbaroojam.

Ezekiyel 1:26

Dow kippol gonŋgol dow ko'e maaje go, ngi'mi huunde bana hayre safira, nde nanndi bee leeso laamu. Dow leeso ngo'o boo, nannduɗo bee neɗɗo ɗon jooɗi.

Ezekiyel 43:7

O wi'i: “Ɓii-Aadama, haa ɗo woni leeso laamu am e jaaɓruɗum kosɗe am. Haa ɗo njooɗotoomi caka yimɓe Isra'iila haa foroy. Kamɓe e laamiiɓe maɓɓe meetataa soɓnugo innde am seniinde bee daakaareeku maɓɓe, koo bee darnugo kaa'e maandorɗe ngam laamiiɓe maɓɓe maayɓe.

Ezekiyel 48:35

Njuutirka mahol taarotooŋgol berniwol fuu, waɗan kilomeetir joweenayi. Yeeso ɗo, innde berniwol laatoto “Jawmiraawo-ɗon-ton”.

Zekariya 2:11

Onon yimɓe Urusaliima, dahaaɓe haa Baabila, njaawɗe wurtaago law haa ndaɗon.”

Zekariya 8:8

Mi wartiran ɓe, ngam ɓe njooɗo nder Urusaliima. Ɓe laatoto yimɓe ummaatoore am, min boo mi laatoto Allah maɓɓe nder gooŋgaaku e adilaaku.”

Limle 15:39

Tuutuuji man laatanto on ciftinorki. Koo ndey on ndaari ɗi, on ciftoran umrooje am, on ɗowtano ɗe, ngam taa on tokko estooji ɓerɗe mon e gite mon nastinanɗi on nder sooynde adilaaku.

Roma'en 1:21

Ngam ɓe anndi Allah, ammaa ɓe teddinaay mo bana no haandani mo, ɓe ngettaay mo boo. Ngam maajum numooji maɓɓe ndaayi gooŋga, faamu wurti hakkiilooji maɓɓe, nyiɓre nasti.

Roma'en 6:14

Hakke laamataa dow mooɗon, ngam jonta les mo'ere ngonɗon, naa les tawreeta.

Galaatiya'en 4:26

Ammaa Urusaliima ngol asama, ngol dimol. Kaŋgol woni daada meeɗen.

Alkaali'en 2:19

Ammaa yaake alkaaliijo man maayi, ɓe puɗɗita waɗugo kalluɗum ko ɓuri baabiraaɓe maɓɓe. Ɓe tokki ɗowanteeɓe jananɓe, ɓe cujidani ɓe, ɓe ndewi ɓe. Ɓe accaay kuuɗe maɓɓe kalluɗe e tuurtol maɓɓe.