Yeremiya 3:13 - Fulfulde Bible

¹³ “Annditit aybe ma tan: A tuurtani Jawmiraawo Allah maaɗa, a rewi labbi jananni les leɗɗe kecce fuu, a nanaay bolle am.” Non Jawmiraawo wi'i.

Fulfulde DC Bible

¹³ “Annditit aybe ma tan: A tuurtani Jawmiraawo Allah maaɗa, a rewi labbi jananni les leɗɗe kecce fuu, a nanaay bolle am.” Non Jawmiraawo wi'i.

Yeremiya 3:13 Iomraidhean Croise

Nehemiya 9:2

Isra'iila'en ceedi bee jananɓe, ɓe ndari, ɓe mbaŋgini hakkeeji maɓɓe e aybeeji kaakiraaɓe maɓɓe yeeso Allah.

Balndi 28:13

Cuuɗanɗo aybeeji mum heɓataa jaalorgal, ammaa mo waŋgini ɗi, acci ɗi, heɓan hinnuye.

Esaaya 57:5

On ɗon mbaalda bee labbi mon les leɗɗe mawɗe, les leɗɗe bilititɗe fuu. On ɗon kirsa ɓikkoy nder waadiiji e gaaruuji tapaaje.

Yeremiya 14:10

Ndaa nii Jawmiraawo wi'i dow yimɓe ummaatoore nde'e: “Ɓe ngiɗi gaance jamum, ɓe naŋgtaay kosɗe maɓɓe. Ngam maajum mi seyortaako ɓe. Mi siftoran zunuubaaji maɓɓe, mi hiitoto hakkeeji maɓɓe.”

Yeremiya 14:20

Yaa Jawmiraawo, min anndi halleende amin e aybe kaakiraaɓe amin, min mbaɗi hakke dow maaɗa.

Yeremiya 2:20

“Diga ɓooyma on tuurtani yam, on teeti, on mbi'i: Min njaggantaako ma fahin! Ammaa on ɗon turi bana daakaareejo dow towndiije fuu e les leɗɗe kecce fuu.

Yeremiya 2:25

Ndikka ndaroɗon! To naa non paɗe mooɗon paɗɗititto, kondondi mooɗon boo njooran! Ammaa on ɗon mbi'a: Aa'a, woodaa! Min ngiɗi jananɓe, min tokkoto ɓe.

Yeremiya 3:2

“Tijja seɗɗa heedi towndiije cooke, laar: Woodi nokkuure haa ɓe mbaaloraaki ma na? A jooɗino haa laabi, kal-kal bee goɗɗo Arabjo nder ladde. A soɓni lesdi bee daakaareeku ma e halleende nde mbaɗɗa.

Yeremiya 3:25

Sey min mbaalo min semtuɓe, toskaare amin sudda min, ngam min mbaɗi hakke dow maaɗa, yaa Jawmiraawo Allah amin, minin e kaakiraaɓe amin, diga nderkaaku amin haa wargo hannde, min ɗowtanaaki Jawmiraawo Allah amin.”

Yeremiya 3:6

Nder zamanu laamiiɗo Yusiya, Jawmiraawo wolwani yam: “A yi'i ko Isra'iila, gudinɗo nuɗɗinki waɗi na? O yehi dow kooseeje towɗe fuu e les leɗɗe kecce fuu, o waɗi daakaareeku ton.

Yeremiya 7:24

Ammaa ɓe ɗowtaaki, ɓe kakkilaay. Ndaa ko ɓe mbaɗi: Ɓe tokki nufayeeje ɓerɗe maɓɓe caatuɗe, kalluɗe. Ɓe ngaylitani yam ɓaawe maɓɓe, naa geese maɓɓe.

Yeremiya 7:26

Ammaa on nanaay, on kakkilaay. Ko'e mooɗon caati, on mbaɗi kalluɗum ko tulli kaakiraaɓe mooɗon.

Ezekiyel 16:15

“Ammaa a ɓaari ŋarol ma. Ɗuuɗɓe maŋgti ma, kanjum laatini ma daakaareejo. A waɗi daakaareeku bee koo moy caalotooɗo, a laati mo maɓɓe.

Hose'a 5:15

Mi dillan, mi loro haa nokkuure am, sey to ɓe tuubi, ɓe ɗakkotiri bee am, sey to ɓe torake yam bee tiinaare ngam ɓillaare maɓɓe.”

Tooktaaki Tawreeta 12:2

“Nder lesdi man, yimɓe ummaatooje ɗe ndiiwoton, ɗon cujidana ɗowanteeɓe muuɗum'en dow kooseeje towɗe, les leɗɗe kecce boo. Sey on kalka nokkuuje ɗe'e fuu!